Beast Second Single: ஜாலி ஓ ஜிம்கானா பாடல்.. தெறிக்கவிடும் பீஸ்ட் அப்டேட்
Beast Update: நடிகர் விஜய் நடிப்பில் வெளியாகவுள்ள பீஸ்ட் திரைப்படத்தின் அடுத்த அப்டேட் வெளியாகியுள்ளது.
தமிழ் திரையுலகின் முன்னணி நடிகர் விஜய். மாஸ்டர் படத்தின் வெற்றிக்கு பிறகு நடிகர் விஜய்(Vijay), இயக்குனர் நெல்சன்(Nelson) இயக்கத்தில் பீஸ்ட் படத்தில் நடித்துள்ளார். பீஸ்ட்(Beast) படம் வரும் ஏப்ரல் மாதம் வெளியாக உள்ளதாக தகவல் வெளியானது. திரையரங்குகளில் காண ரசிகர்கள் காத்திருக்கின்றனர்.
படத்தின் ப்ரொமோஷன் வேலைகளில் ஒரு பகுதியாக, முதல் பாடல் கடந்த மாதம் 14-ம் தேதி காதலர் தினத்தை முன்னிட்டு வெளியிடப்பட்டது. சிவகார்த்திகேயன் பாடல் வரிகள் எழுதி அனிருத் இசையமைத்துள்ள அரபிக்குத்து பாடல் பல மில்லியன் பார்வையாளர்களை கடந்து ஹிட் அடித்தது. இந்தச் சூழலில் இன்று இரவு 7 மணிக்கு இந்தப் படம் தொடர்பான அடுத்த அப்டேட் வெளியாகும் என்று தெரிவிக்கப்பட்டிருந்தது.
Jolly ah irunga Nanba! 🤩#BeastSecondSingle - #JollyOGymkhana sung by Thalapathy @actorvijay is releasing on March 19th!@Nelsondilpkumar @anirudhofficial @kukarthik1 @hegdepooja @manojdft @AlwaysJani #Beast #BeastUpdate pic.twitter.com/1C6JcDTi9Q
— Sun Pictures (@sunpictures) March 16, 2022
இந்நிலையில் தற்போது அந்த புதிய அப்டேட் வெளியாகியுள்ளது. இதை சன் பிக்சர்ஸ் நிறுவனம் தன்னுடைய அதிகாரப்பூர்வ பக்கத்தில் வெளியிட்டுள்ளது. அதன்படி, பீஸ்ட் திரைப்படத்தில் நடிகர் விஜய் பாடியுள்ள ஜாலி ஒ ஜிம்கானா (Jolly O Gymkhana) பாடல் வரும் 19ஆம் தேதி வெளியாக உள்ளது. ஏற்கெனவே இந்தத் திரைப்படத்தின் அலமதி ஹபிபோ பாடல் வெளியாக ஹிட் அடித்தது. அதைத் தொடர்ந்து தற்போது இந்தப் பாடல் வரும் 19ஆம் தேதி வெளியாக உள்ளதாக தெரிவிக்கப்பட்டுள்ளது.
இது தொடர்பான அறிவிப்பில் நடிகர் விஜய்(Vijay) பாடுவது போலவும், நெல்சன் திலீப் குமார் மற்றும் இசையமைப்பாளர் அனிரூத் ஆகியோர் வந்து நடனம் ஆடுவது போலவும் காட்சிகள் இடம்பெற்றுள்ளன. சன்பிக்சர்ஸ் இந்தப் புதிய அறிவிப்பு வெளியாகியவுடன் வேகமாக ட்ரெண்டாகி வருகிறது குறிப்பிடத்தக்கது. இந்த அறிவிப்பை விஜய் ரசிகர்கள் சமூக வலைதளங்களில் கொண்டாட தொடங்கியுள்ளனர்.
Also Read: Beast Audio Launch: ஆடியோ லாஞ்ச்க்கு நோ சொன்ன கலாநிதிமாறன்.. கடுப்பான விஜய்..
மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்
ABP நாடு செய்திகளை சமூக வலைத்தள பக்கங்களிலும் பின் தொடரலாம்
தலைப்பு செய்திகள்
ட்ரெண்டிங் செய்திகள்
