Watch Video | ஏ.ஆர்.ரஹ்மான் இசையில் இந்தி மற்றும் தமிழில் பாடி அசத்திய தனுஷ்- வைரலாகும் வீடியோ!
“இது காதலிப்பதற்கும் கொண்டாடுவதற்குமான காலம் தனுஷுடன் வருகிறோம். இப்பொழுது #LittleLittle எங்களிடமிருந்து உங்களுக்கு! “ என ARR குறிப்பிட்டுள்ளார்.
கோலிவுட் மட்டுமல்லாது , பாலிவுட் ஹாலிவுட் என கால் பதித்து கலக்கி வருகிறார் நடிகர் தனுஷ். குறிப்பாக அம்பிகாபதி திரைப்படத்திற்கு பிறகு பாலிவுட்டிலும் அதீத ரசிகர்களை கொண்ட தென்னிந்திய நடிகர் என்ற அந்தஸ்தையும் தனுஷ் பெற்றுள்ளார். பாலிவுட்டின் பல முன்னணி நட்சத்திரங்களுடன் கூட்டணி அமைக்கும் தனுஷ் தற்போது அக்ஷய் குமார் , சாரா அலிகானுடன் இணைந்து அட்ராங்கி ரே என்னும் திரைப்படத்தில் நடித்துள்ளார். இந்த திரைப்படம் தமிழிலும் டப் செய்து வெளியாகவுள்ளது. வருகிற கிருஸ்துமஸ் பண்டிகையை முன்னிட்டு நேராடியாக டிஸ்னி பிளஸ் ஹாட்ஸ்டார் ஓடிடி தளத்தில் வெளியாகவுள்ளது குறிப்பிடத்தக்கது. தற்போது படத்தின்ப் புரமோஷன் வேலைகளில் ஈடுப்பட்டுள்ளனர் படக்குழுவினர். இதற்காக மும்பை சென்ற போது எடுக்கப்பட்ட தனுஷின் புகைப்படங்கள் இணையத்தில் வெளியாகி வைரலானது. கோலிவுட்டின் நடிகர் , பாலிவுட்டில் கலக்குவது அவரது ரசிகர்களை குஷிப்படுத்தியது.
View this post on Instagram
பிரபல இயக்குநர் ஆனந்த் எல்.ராய் இயக்கத்தில் உருவாகியுள்ள கலாட்டா கல்யாணம் திரைப்படத்திற்கு ஏ.ஆர்.ரஹ்மான் இசையமைத்துள்ளார். படத்தின் பாடல்கள் ஒவ்வொன்றாக வெளியாகி ஹிட்டாகி வருகிறது. குறிப்பாக சக்கா சக்களத்தி என்னும் பாடல் இன்ஸ்டாகிராம் ரீல்ஸிலும் கூட வைரலானது. இந்த நிலையில் தனுஷ் தமிழ் மற்றும் இந்தியில் சொந்த குரலில் , ஏ.ஆர்.ரஹ்மான் இசையில் பாடியுள்ளார். அந்த பாடல் தற்போது வெளியாகியுள்ளது. லிட்டில் லிட்டில் என பெயரிடப்பட்டிருக்கும் அந்த பாடலை தன்ஷுடன் இணைந்து ஷாலினி ஸ்ரீநிவாஷ் பாடியுள்ளார். இது குறித்த அறிவிப்பை வெளியிட்ட இசையமைப்பாளர் ஏ.ஆர்.ரஹ்மான் “இது காதலிப்பதற்கும் கொண்டாடுவதற்குமான காலம் தனுஷுடன் வருகிறோம். இப்பொழுது #LittleLittle எங்களிடமிருந்து உங்களுக்கு! “ என குறிப்பிட்டுள்ளார்.
இதோ அந்த பாடல் :
தலைப்பு செய்திகள்
ட்ரெண்டிங் செய்திகள்
