TVK Vijay: விஜய் பற்றி ஜூலி பேசலாமா? - விளாசிய வனிதா விஜயகுமார்.. இதெல்லாம் தேவையா?
உங்க அண்ணன், தம்பி, மாமன் நான் வர்றேன்.. நீ ரெடியா என கேட்கிறார். விஜய் எங்களையே மதிக்கவில்லை. அவர் ரசிகர்களை மட்டும் தான் மதிக்கிறார் என வனிதா விஜயகுமார் தெரிவித்துள்ளார்.
தமிழ்நாடு அரசியல் களத்தில் விஜய் சவாலான ஒரு போட்டியாளர் என நடிகை வனிதா விஜயகுமார் தெரிவித்துள்ளார்.
நேர்காணல் ஒன்றில் பேசியபோது, விஜய்க்கு எதிராக பிக்பாஸ் ஜூலி பேசியது பற்றி வனிதா விஜயகுமாரிடம் கேள்வி எழுப்பப்பட்டது. அதற்கு பதிலளித்த அவர், “ஜூலி அரசியலில் இருக்கிறார். திமுகவின் பரப்புரைக்கு செல்கிறார். நான் தனிப்பட்ட முறையில் அவரை தாக்கி பேச விரும்பவில்லை. காரணம், நீ எப்படி விஜய்க்கு எதிராக பேசலாம் என கேட்க எனக்கு உரிமை கிடையாது. அந்த மாதிரி நிறைய பேர் பண்றாங்க. ஆனால் ஜூலி வேறு மாதிரி பண்றாங்க.
நான் தவெகவில் இருந்திருந்தால் எதிராக பேசியிருப்பேன். ஜூலி பிக்பாஸ் மூலம் தான் நல்ல பிரபலமாகி இருக்கிறார்கள். உண்மை அதுதான். எல்லா கட்சியிலும் பேசுகிறவர்கள் நிறைய பேர் இருக்கிறார்கள். எனினும் ஜூலி பேசுவது அவ்வளவாக எடுபடவில்லை. பிரச்சாரம் செய்ய பணம் கொடுத்து தான் அழைக்கிறார்கள். காசு வாங்கிட்டு ஜூலி பேசியிருக்கலாம். ஆனால் நான் அப்படி செல்லவில்லை” என கூறினார்.
தவெகவினர் பெண்களை இழிவாக திட்டுகிறார்கள். அதனால் தான் நான் இறங்கி பேசுறேன்னு ஜூலி சொன்னது பற்றி கேட்கப்பட்டது. அதற்கு, “யார் விஜய்க்கு சப்போர்ட், சப்போர்ட் இல்லன்னு யார் முடிவு பண்றாங்கன்னு தெரியவில்லை. சமூக வலைத்தளங்களில் அதையெல்லாம் கொடுத்தா நாம் இயங்க முடியும். பிக்பாஸூக்கு போய் தான் நீங்க சம்பாதிச்சீங்க. அப்ப திட்டும்போது அசிங்கமாக தெரியவில்லையா?. என்னோட மகளும் பிக்பாஸ் போனாங்க. அவ்வளவு பேர் திட்டுனாங்க. அவ்வளவு ரோஷம் இருந்திருந்தான் நான் போயிருக்கக்கூடாது,மகளை அனுப்பியிருக்கக்கூடாது. அவர்களை ஒரு ஆளாகவே மதிக்கவில்லை. விஜய் வேலை வெட்டி இல்லாமல் ஆள் வச்சு பெண்களை திட்டுவது தான் வேலையா?. நீங்கள் ஒரு விஷயத்தை உருவாக்க நினைக்கும்போது விஜய் எப்படி இதில் சம்பந்தப்படுவார் என தெரியவில்லை.
விஜய் பணம் கொடுத்து என்னை பற்றி நல்லா பேசுங்க, சப்போர்ட் பண்ணுங்க என சொன்னால் சரி என எடுக்கலாம். நீ எவ்வளவு பெரிய ஆளாக இருந்தாலும் எனக்கு வேண்டாம் என சொல்லி விட்டார். உங்க அண்ணன், தம்பி, மாமன் நான் வர்றேன்.. நீ ரெடியா என கேட்கிறார். விஜய் எங்களையே மதிக்கவில்லை. அவர் ரசிகர்களை மட்டும் தான் மதிக்கிறார்.
விஜய் யார் கூடவும் கூட்டணி வைக்கவில்லை. தமிழ்நாடு மக்கள் தான் என கூட்டணி என சொல்கிறார். அவர் ஜெயிப்பாரு, ஜெயிக்கவில்லை என்பது பிரச்னை கிடையாது. விஜய் சவாலான ஒரு போட்டியாளர். தமிழ் சினிமாவில் இருந்து அரசியல் விழிப்புணர்வை ஏற்படுத்தியிருப்பது என்பது சாதனை தான். எனக்கு அரசியலில் பெரிதாக விரும்பவில்லை. இப்போது ஆர்வம் ஏற்பட்டுள்ளது” என வனிதா விஜயகுமார் கூறியுள்ளார்.
தலைப்பு செய்திகள்
ட்ரெண்டிங் செய்திகள்
