Vijayakanth: விஜயகாந்த் மகன்களுக்கு ஆதரவு கொடுங்க.. நினைவிடத்தில் கண்ணீர் விட்ட நடிகை ராதா!

Vijayakanth: “புலிக்குப் பிறந்தது பூனையாகாது அவருடைய இரு மகன்களும் வாழ்க்கையில் முன்னேறுவோம் என்று நம்பிக்கையாக இருக்கிறார்கள்” - ராதா

மகன்களுடன் விஜயகாந்த், ராதா

நடிகர் சங்கத்திற்கு மறைந்த விஜயகாந்தின் பெயரை வைக்க வேண்டும் என்பதை நினைக்க கூடாது அதை முதலில் செய்ய வேண்டும் என்றும், நடிகர் சங்கத்திற்கு அவருடைய பெயர் பொருந்தும் வகையில் வேறு யார் பெயரும் பொருந்தாது என்றும் நடிகை ராதா தெரிவித்துள்ளார்.

80ஸ் ஹிட் ஜோடி

மறைந்த தேமுதிக தலைவரும் நடிகருமான விஜயகாந்த் நினைவிடத்தில் கடந்த 10 நாட்களாகவே  பொதுமக்கள், கட்சித் தலைவர்கள், திரைப்பட பிரபலங்கள் என பல்வேறு தரப்பினர் அவருடைய நினைவிடத்தில் தொடர்ந்து மலர் தூவி அஞ்சலி செலுத்தி வருகின்றனர். 

அந்த வகையில் நடிகர் விஜயகாந்துடன் ஜோடி சேர்ந்து ஹிட் படங்களைக் கொடுத்த நடிகை ராதா  இன்று மதியம் கோயம்பேட்டில் உள்ள அவருடைய நினைவிடத்தில் மலர் தூவி அஞ்சலி செலுத்தினார். அம்மன் கோயில் கிழக்காலே, சட்டம் ஒரு விளையாட்டு, நினைவே ஒரு சங்கீதம், உழவன் மகன் என பல சூப்பர் ஹிட் திரைப்படங்களில் நடித்துள்ள நடிகை ராதா அவரது நினைவிடத்தில் கண்ணீர் மல்க மலர் தூவி அஞ்சலி செலுத்தினார்.

கண்ணீர் மல்க அஞ்சலி

அதனைத் தொடர்ந்து சாலிகிராமத்தில் உள்ள அவருடைய வீட்டிற்கு சென்று அவருடைய புகைப்படத்திற்கு மலர் தூவி, அஞ்சலி செலுத்தி விட்டு, தேமுதிக பொதுச் செயலாளர் பிரேமலதா விஜயகாந்தை சந்தித்து ஆறுதல் கூறினார். அதனைத் தொடர்ந்து செய்தியாளர்களை சந்தித்து பேசினார். அப்போது நடிகர் சங்கத்திற்கு மறைந்த விஜயகாந்தின் பெயரை வைப்பது குறித்த கேள்விக்கு பதிலளித்த ராதா, “நடிகர் சங்கத்திற்கு மறைந்த விஜயகாந்தின் பெயரை வைக்க வேண்டும் என்பதை நினைக்கக் கூடாது, அதை முதலில் செய்ய வேண்டும்.

 நடிகர் சங்கத்திற்கு அவருடைய பெயர் பொருந்தும் வகையில் வேறு யார் பெயரும் பொருந்தாது. அவர் இருந்தபோது நடிகர் சங்கத்தில் இருந்த ஒற்றுமை தற்போது இருக்கிறதா என்று எனக்கு தெரியவில்லை. அவர் நடிகர் சங்கத்தில் இருந்தது ஒரு பொற்காலம் போன்று இருந்தது. ஒரு நடிகரிடம் இணைந்து நடித்துவிட்டு அவருடைய தினமும் பழகுதல் ஒரு சாதாரண விஷயம் இல்லை.

புலிக்கு பிறந்தது பூனை ஆகாது!

புலிக்குப் பிறந்தது பூனையாகாது அவருடைய இரு மகன்களும் வாழ்க்கையில் முன்னேறுவோம் என்று நம்பிக்கையாக இருக்கிறார்கள்.

பொதுமக்கள் அவருக்கு கொடுத்திருந்த ஆதரவு, நம்பிக்கையும் தொடர்ந்து அவருடைய குடும்பத்திற்கு கொடுக்க வேண்டும்” என்றார். தொடர்ந்து விஜயகாந்துக்கு மணிமண்டபம் கட்டுவது தொடர்பான கேள்விக்கு பதிலளித்த ராதா, “ஒரு உயர்ந்த மனிதனுக்கு என்ன கடமைகள் செய்ய வேண்டுமோ அதை எல்லோரும் இணைந்து செய்ய வேண்டும்” என்றும் கூறினார்.

மேலும் படிக்க: Shahrukh Khan: விமானத்தில் தைய தைய்யான்னு ஆட ரெடி.. மணிரத்னம் படத்தில் நடிக்க கெஞ்சிய ஷாருக் கான்!

மேலும் படிக்க: Nayanthara: "சுயநலத்துக்கு பின்னால் ஒரு பொதுநலம் இருக்கு" - புது பிசினஸ் குறித்து மனம் திறந்த நடிகை நயன்தாரா!