Mishaa Ghoshal: லூசா நீங்க.. நான் ஜனநாயகன் பார்த்தா உங்களுக்கு என்ன?.. கொந்தளித்த மீஷா கோஷல்

பணம் கொடுத்து டிக்கெட் வாங்கி தியேட்டரில் சீட்டில் உட்கார்ந்து கொண்டு அழுகிறமோ, சிரிக்கிறமோ, கைதட்டுகிறோமோ எதுவாக இருந்தாலும் உங்களுக்கு என்ன? என நடிகை மீஷா கோஷல் தெரிவித்துள்ளார்.

விஜய், மீஷா கோஷல்

Source : ABP

ஜனநாயகன் படம் பார்த்த தன்னை தற்குறி என விமர்சித்தவர்களை நடிகை மீஷா கோஷல் சரமாரியாக சாடியுள்ளார். 

ஜனநாயகன் படம்

ஹெச்.வினோத் இயக்கத்தில் விஜய், மமிதா பைஜூ, பூஜா ஹெக்டே, பாபி தியோல் உள்ளிட்டோர் நடிப்பில் வெளியான படம் ஜனநாயகன். கடந்த ஜனவரி மாதம் வெளியாக வேண்டிய இந்த படம் பெரும் போராட்டங்களை கடந்து ஜூலை 23ம் தேதி ரிலீசானது. இந்த படம் விஜயின் சினிமா கேரியரில் கடைசிப்படம் என அறிவிக்கப்பட்டதால் பலரும் தியேட்டருக்கு சென்று படம் பார்த்து வருகின்றனர். அப்படியான பிரபல நடிகை மீஷா கோஷலும் ஜனநாயகன் படம் பார்த்துள்ளார். இதுதொடர்பான வீடியோவைப் பகிர்ந்த அவரைப் பார்த்து நெகட்டிவ் கமெண்டுகளை சிலர் தெரிவித்தனர். இதனால் கொதித்தெழுந்த மீஷா கோஷல் கடுமையாக கண்டித்து வீடியோ வெளியிட்டுள்ளார். 

 

 

 

 

 

View this post on Instagram

 

 

 

 

 

 

 

 

 

 

 

A post shared by Mishaa Ghoshal (@meesha.ghoshal)

காரணம் இல்லாமல் வெறுப்பது ஏன்?

அதில், “எனக்கு ஒன்று மட்டும் புரியவில்லை. உலகில் அத்தனை ஹீரோக்கள், ஹீரோயின்கள் இருக்கிறார்கள். ஒவ்வொருவருக்கும் யாரை பிடிக்க வேண்டும், யார் படங்களைப் பார்க்க வேண்டும், பார்க்கக்கூடாது என்பதை முடிவு செய்ய வேண்டியது தனிப்பட்ட விஷயமாகும். ஆனால் தளபதி விஜயை பின்பற்றும் எங்களை வெறுப்பது என்ன காரணம் என புரியவில்லை. அப்படி என்ன தவறு செய்து விட்டோம். நாங்கள் 2024ம் ஆண்டு ஜனநாயகன் படம் அறிவிப்பு வெளியானதில் இருந்து மிகுந்த எதிர்பார்ப்புடன் காத்துக் கொண்டிருந்தோம். நாங்கள் எங்கள் அபிமான நடிகரின் படம் வந்ததால் தியேட்டருக்கு சென்று கொண்டாட்டத்தில் ஈடுபடுகிறோம். 

பணம் கொடுத்து டிக்கெட் வாங்கி தியேட்டரில் சீட்டில் உட்கார்ந்து கொண்டு அழுகிறமோ, சிரிக்கிறமோ, கைதட்டுகிறோமோ எதுவாக இருந்தாலும் உங்களுக்கு என்ன?.. உங்களுக்கு பார்க்க பிடிக்கவில்லை என்றால் ஜனநாயகன் படத்துக்கு செல்லாதீர்கள். யார் உங்களிடம் போக சொல்லி கெஞ்சியது. ஏன் தேவையில்லாமல் சமூக வலைத்தளப் பதிவுகளில் கமெண்டுகளை வெளியிடுகிறீர்கள். 

நான் யார் படத்தைப் பார்த்தால் உங்களுக்கு என்ன?.. விஜய் தவிர வேறு எந்த ஹீரோவின் படம் பார்த்தால் இப்படி திட்டியிருப்பீர்களா?.. கமெண்டுகளின் அன் ஃபாலோ, தற்குறி என சொல்கிறீர்கள். குழந்தைக்கு கூட உங்களை விட சிறந்த அறிவு இருக்கும். வாழு, மற்றவரை வாழ விடுங்கள். இப்படியெல்லாம் இருப்பவர்கள் தயவு செய்து என் சமூக வலைத்தளப் பக்கத்தை பின் தொடர வேண்டாம். என் பணத்தில் நான் என்ன வேண்டுமானாலும் செய்வேன். அதைப் பற்றி கேட்க உங்களுக்கு எந்த உரிமையும் இல்லை. 

நீங்க நீட் போராட்டம் பற்றி பேச வேண்டுமா போய் பேசுங்கள். இன்ஸ்டாகிராமில் பொய்யான ஐடி மூலம் பேசாதீர்கள். மற்றவர்களை கேள்வி கேட்காதீர்கள். இந்த செயலை நிறுத்துங்கள். உங்களுக்கு தேவையானதை மட்டும் பாருங்கள். கொஞ்சமாவது அறிவு சார்ந்து நடந்துக் கொள்ளுங்கள். நான் ஜனநாயகன் படத்தை கொண்டாடினால் தற்குறி சொல்கிறீர்களே.. லூசா நீங்கள்.. கொஞ்சமாவது வளருங்கள் என மீஷா கோஷல் தெரிவித்துள்ளார்.