AK வந்துட்டாரு... சென்னை திரும்பிய அஜித்! விரைவில் டேர்டெவில் படப்பிடிப்பு தொடக்கம்!

நடிகர் அஜித்குமார் கார் பந்தயங்களில் பங்கேற்று வெற்றிக்கோப்பையுடன் சென்னை திரும்பிய நிலையில், விரைவில் டேர்டெவில் படப்பிடிப்பு தொடங்கும் என்று கருதப்படுகிறது.

அஜித்குமார் - டேர்டெவில் பூஜை

Source : twitter

தமிழ் திரையுலகின் உச்சநட்சத்திரமாக திகழ்பவர் நடிகர் அஜித்குமார்.  முதலமைச்சர் விஜய் நடிகராக இருந்தபோது அவரது போட்டியாளராக திகழ்ந்தவர். தற்போது கார் பந்தயத்திலும் தீவிர கவனம் செலுத்தி வரும் நடிகர் அஜித்குமார், டேர்டெவில் எனும் படத்தில் நடிக்க உள்ளார்.

சென்னை திரும்பிய அஜித்:

சர்வதேச கார் பந்தயங்களில் கடந்த இரண்டு ஆண்டுகளாக தொடர்ந்து அஜித்குமார் பங்கேற்று வந்த நிலையில், வெளிநாட்டில் இருந்து அஜித்குமார் நேற்று சென்னை திரும்பியுள்ளார். கார்பந்தயத்தில் வெற்றி பெற்ற கோப்பையுடன் திரும்பிய அஜித்திற்கு விமான நிலையத்தில் ரசிகர்கள் உற்சாக வரவேற்பு அளித்தனர்.

Welcome BACK AK Sir After Long Time Let's Start The Diwali Celebration From Now 😁 🤙⚡🔥 Lion Back To His Jungle 🦁 #AjithKumar #DareDevil https://t.co/ZWvQc585By

— Coimbatore AJITH Fans Community (@Akcommunitycbe) November 6, 2026

விரைவில் தொடங்கும் டேர்டெவில்:

அஜித் நடிக்கும் டேர்டெவில் படத்தின் பூஜை கடந்த சில நாட்களுக்கு முன்பு தொடங்கப்பட்ட நிலையில், அஜித் சென்னை திரும்பியுள்ள நிலையில், விரைவில் படப்பிடிப்பு தொடங்கும் என்று கருதப்படுகிறது. அஜித்தும் அதற்கான கெட்டப்பிலே சென்னை திரும்பியுள்ளார்.

குட் பேட் அக்லி படத்தை இயக்கிய ஆதிக் ரவிச்சந்தர் இயக்கத்தில் உருவாக உள்ள இந்த படத்தில் ஸ்ரீலீலா, பார்த்திபன் உள்ளிட்ட பலரும் நடிக்கின்றனர். அஜித்குமாரின் மனைவி ஷாலினி அஜித் இந்த படத்தை தயாரிக்கிறார். இதற்காக இவர்கள் ப்ரேவ்ஹார்ட் என்ற தயாரிப்பு நிறுவனத்தை தொடங்கியுள்ளனர்.

பணிகள் தீவிரம்:

படப்பிடிப்பு டிசம்பர் மாதம் தொடங்கும் என ஏற்கனவே தகவல்கள் வெளியாகிய நிலையில், தற்போது அதற்கான பணிகள் தொடங்கப்பட்டுள்ளது. படத்தில் நடிக்க உள்ள மற்ற நடிகர்கள், பணியாற்ற உள்ள மற்ற தொழில்நுட்ப கலைஞர்கள் ஆகியோரின் தேர்வுகளும் மும்முரமாக நடைபெற்று வருகிறது.

அஜித் கார்பந்தயத்திற்கு சென்ற பிறகு நடிப்பாரா? மாட்டாரா? என்று கேள்வி எழுந்த நிலையில் டேர்டெவில் பட அறிவிப்பு வெளியானது. அவரது நடிப்பில் கடைசியாக 2025ம் ஆண்டு ஏப்ரல் மாதம் வெளியானது. அதன்பின்னர் கடந்த ஒன்றரை ஆண்டுகளாக அவரது படம் வெளியாகாமலே உள்ளது.

ரசிகர்கள் மகிழ்ச்சி:

இதனால், ஒன்றரை ஆண்டுகளுக்கு பிறகு அவரது படத்தின் பணிகள் தொடங்கப்பட்டிருப்பது அவரது ரசிகர்கள் மத்தியில் மகிழ்ச்சியை உருவாக்கியுள்ளது. இந்த படமும் தொடங்கப்பட்டால் வரும் ஏப்ரல் மாதம்  திரைக்கு வரும் என்று எதிர்பார்க்கப்படுகிறது. 

அஜித் கார்பந்தயத்தில் பங்கேற்று வருவதால் அதற்கேற்ப படப்பிடிப்பு திட்டமிடப்பட்டுள்ளது. இந்த படத்திற்கு அனிருத் இசையமைக்கிறார். இந்த படத்தில் பிரபு, உன்னி முகுந்தன் முக்கிய வேடத்தில் நடிக்க உள்ளனர். ஆதிக் ரவிச்சந்தர் படங்களில் தவறாமல் நடிக்கும் சுனிலும் இந்த படத்தில் நடிக்கிறார். இந்த படம் சூதாட்டத்தை மையமாக கொண்ட திரைப்படமாக இருக்கும் என்று கருதப்படுகிறது.