Actor Ajith father: தந்தையின் இறுதிச் சடங்கில் கலந்து கொண்ட நடிகர் அஜித்..!

நடிகர் அஜித்தின் தந்தை சுப்பிரமணியம் உடல்நலக் குறைவு மற்றும் வயது மூப்பின் காரணமாக சென்னையில் காலமானார்.

தனது தந்தையின் இறுதிச் சடங்கில் நடிகர் அஜித்

நடிகர் அஜித்தின் தந்தை சுப்பிரமணியம் உடல்நலக் குறைவு மற்றும் வயது மூப்பின் காரணமாக  சென்னையில் காலமானார்.

சுப்பிரமணியம் கடந்த நான்கு ஆண்டுகளாக பக்கவாத நோயால் பாதிக்கப்பட்டு சிகிச்சை பெற்று வந்துள்ளார். இந்நிலையில் இன்று (மார்ச், 24)காலை சுமார் 3.15 மணியளவில் உடல்நலக் குறைவால் காலமானார்.  இது நடிகர் அஜித் மற்றும் அவரது குடும்பத்தினர் மத்தியில் பெரும் சோகத்தினை ஏற்படுத்தியுள்ளது. இவரது மறைவையொட்டி முதலமைச்சர் உள்ளிட்ட பலரும் தங்களது இரங்கலைத் தெரிவித்து வருகின்றனர். 

ஏற்கனவே நடிகர் அஜித் குடும்பத்தின் சார்பில், அவரது தந்தை மறைவையொட்டி அறிக்கை ஒன்றின் மூலம் தெளிவுபடுத்தப்பட்டு இருந்தது. இதில், எங்கள் தந்தையாரின் இறுதி சடங்குகள் ஒரு குடும்ப நிகழ்வாகவே இருக்க கருதுகிறோம். எனவே இந்த இறப்பு தகவலை அறிந்த அனைவரும் எங்களுடைய துயரத்தையும், இழப்பயும் புரிந்துகொண்டு, குடும்பத்தினர் துக்கத்தை அனுசரிக்கவும், இறுதி சடங்குகளை தனிபட்ட முறையில் செய்யவும் ஒத்துழைக்கும்படி வேண்டிக்கொள்கிறோம் என குறிப்பிட்டு இருந்தனர். 

இதன்படி, இன்று (மார்ச், 24) நண்பகல் 12 மணி அளவில் சென்னை பெசண்ட் நகரில் உள்ள மின்மயானத்தில் தகனம் செய்யப்பட்டது. இறுதிச் சடங்கில் நடிகர் அஜித் அவரது மனைவி ஷாலினி, அவரது சகோதரர்கள் அஜய் குமார்ம் அனில் குமார் உள்ளிட்ட குடும்பத்தினருடன் கலந்து கொண்டார்.