Tamil Nadu Lok Sabha Election 2024: ஃப்ரீயாக வந்த அஜித்; திணறிய விஜய்! தமிழ்நாட்டில் ஜனநாயக கடைமையாற்றிய பிரபலங்களின் மொத்த லிஸ்ட்!

Tamil Nadu Lok Sabha Election 2024 Voting: மக்களவை தேர்தலுக்கான வாக்குப்பதிவு தமிழ்நாடு மற்றும் புதுச்சேரியில் இன்று நடைபெற்று முடிந்துள்ள நிலையில் திரைப்பிரபலங்கள் பலரும் தங்கள் ஜனநாயக கடமையை நிறைவேற்றினர். 

வாக்களித்த திரை பிரபலங்கள்

Tamil Nadu Lok Sabha Election 2024 Voting: 2024ஆம் ஆண்டுக்கான மக்களவை தேர்தலுக்கான வாக்குப்பதிவு தமிழ்நாடு மற்றும் புதுச்சேரியில் இன்று நடைபெற்று முடிந்துள்ளது. தமிழ்நாட்டின் இன்று மாலை 5 மணி நிலவரப்படி மொத்தம் 63.20 சதவீதம் வாக்குகள் பதிவான நிலையில், திரைப்பிரபலங்கள் பலரும் இன்று காலை முதல் உற்சாகமாக தங்கள் வாக்குச் சாவடிகளுக்கு வந்து ஜனநாயக கடமையை நிறைவேற்றினர். அவர்களின் மொத்த லிஸ்ட்டை பார்க்கலாம்.

• நடிகர் அஜித் காலை 6.40 மணிக்கே வாக்குச்சாவடிக்கு வந்து 7 மணிக்கு முதல் ஆளாக வாக்கினை பதிவு செய்தார்.
• நடிகர் சிவகார்த்திகேயன் தனது மனைவி ஆர்த்தியுடன் வளசரவாக்கத்தில் உள்ள பள்ளியில் வாக்களித்தார்.
• கொட்டிவாக்கத்தில் உள்ள வாக்குச்சாவடியில் நடிகையும், பாஜக வேட்பாளருமான ராதிகா, கணவர் சரத்குமாருடன் வாக்களித்தார்.

• நடிகர் கௌதம் கார்த்திக் தனது தந்தை கார்த்திக் உடன் வந்து ஸ்டெல்லா மேரீஸ் கல்லூரியில் வாக்களித்தார்
• சென்னை ஸ்டெல்லா மேரீஸ் கல்லூரியில் நடிகர் ரஜினிகாந்த் தனது வாக்கை பதிவு செய்தார்
• நடிகர் தனுஷ் ஆழ்வார்பேட்டையில் உள்ள வாக்குச்சாவடியில் வாக்களித்தார்
• தியாகராய நகர் வாக்குச்சாவடியில் இசையமைப்பாளர் இளையராஜா வாக்கினை பதிவு செய்தார். 
• கீழ்ப்பாக்கத்தில் உள்ள வாக்குச்சாவடியில் விஜய் சேதுபதி வாக்கினை பதிவு செய்தார்
• 
  
• நடிகைகள் வரலட்சுமி சரத்குமார், குஷ்பூ, இயக்குநர்கள் சுந்தர் சி, வெற்றிமாறன் வாக்களித்தனர்
• ஆழ்வார்பேட்டையில் உள்ள வாக்குச்சாவடியில் நடிகர் கமல்ஹாசன் வாக்களித்தார்
•  நடிகர் யோகிபாபு தன் மனைவியுடன் வாக்களித்தார். மேலும் ஹரீஷ் கல்யாண், பிரசன்னா, சினேகா, அதிதி பாலன் உள்ளிட்டோரும் வாக்களித்தனர். 
• ஆழ்வார்பேட்டை உள்ள பள்ளியில் நடிகை த்ரிஷா வாக்களித்தார். ஆழ்வார்பேட்டை எஸ்ஐஇடி கல்லூரியில் அமைச்சர் உதயநிதி ஸ்டாலின், மனைவி கிருத்திகா வாக்களித்தார். 
• இயக்குநர்கள் பாரதிராஜா,மனோஜ்குமார், சந்தான பாரதி, அமீர் , ஹரி என பலரும் வாக்களித்துள்ளனர். 
• நடிகர்கள் விஜய், விக்ரம், சூர்யா, அரவிந்த்சாமி, கார்த்தி, சிவகுமார் ஆகியோர் தங்கள் வாக்கை செலுத்தினர்.
• 
  
• மும்பையில் இருந்து சென்னை வந்த இயக்குநர் சுசி கணேசன், மடுவங்கரை ஐந்து பர்லாங் சாலையில் இருக்கும் பூத் நம்பர் 236இல் வாக்கு செலுத்தினார்.
• இயக்குநர் பிரதீப் ரெங்கநாதன் மடிப்பாக்கத்தில் வாக்கு செலுத்தினார். 
• நடிகர் ஜெயம் ரவி தனது மனைவி ஆர்த்தியுடன் வந்து சென்னை, டிடிகே சாலையில் புனித சேவியர் மெட்ரிகுலேசன் பள்ளியில் தனது வாக்கினை செலுத்தினார்.

• நடிகர் பாபி சிம்ஹா சென்னை, மணப்பாக்கத்தில் தனது வாக்கினை செலுத்தினார். 

• சென்னை, விருகம்பாக்கம், காவேரி பள்ளியில் நடிகர் வடிவேலு தனது வாக்கினை செலுத்தினார்.

• நடிகர் விஷால் சைக்கிளில் வந்து தனது வாக்கினை செலுத்தினார். 

• நடிகை ஜனனி ஐயர், சென்னை,  மேற்கு மாம்பலம் அஞ்சுகம் பள்ளியில் குடும்பத்தினருடன் வந்து தனது வாக்கினைப் பதிவு செய்தார்.

• சாலிகிராமம், பாலலோக் பள்ளிக்கு வாக்கு செலுத்த வந்த நடிகர் சூரி, தனது பெயர் விடுபட்டிருந்ததால் வாக்கு செலுத்த முடியாமல் வேதனையுடன் பகிர்ந்தார்.