TNPSC Group 5A: நாளை கடைசி- டிஎன்பிஎஸ்சி குரூப் 5ஏ தேர்வுக்கு விண்ணப்பித்து விட்டீர்களா? தகுதி, ஊதியம், பிற விவரங்கள் இதோ..!
TNPSC Group 5A Exam: ஒவ்வொரு தேர்வும் 100 மதிப்பெண்களுக்கு 3 மணி நேரம் நடைபெற உள்ளது. இதில் குறைந்தபட்சம் 60 மதிப்பெண்களைப் பெற வேண்டும்.
தமிழ்நாடு அரசுப் பணியாளர் தேர்வாணையம் குரூப் 5- A (தலைமை செயலக பணி ) உதவிப் பிரிவு அலுவலர் / உதவியாளர் பதவிக்களுக்கான காலிப் பணியிடங்களைப் பணி மாறுதல் மூலம் நியமனம் செய்வதற்கான எழுத்துத் தேர்விற்கு விண்ணப்பிக்க நாளை (நவ.15) கடைசித் தேதி ஆகும்.
யாரெல்லாம் விண்ணப்பிக்கலாம்?
டிஎன்பிஎஸ்சி குரூப் 5ஏ தேர்வுக்கு விண்ணப்பிக்க நாளையோடு அவகாசம் முடிகிறது. தேர்வர்கள் நவம்பர் 19ஆம் தேதி முதல் 21ஆம் தேதி நள்ளிரவு 11.59 மணி வரை விண்ணப்பங்களில் திருத்தம் மேற்கொள்ளலாம்.
எனினும் தமிழ்நாடு அமைச்சுப் பணி / தமிழ்நாடு நீதி அமைச்சுப் பணியில் பணிபுரியும் தகுதி வாய்ந்த உதவியாளர் / இளநிலை உதவியாளர்கள் மட்டுமே விண்ணப்பிக்க முடியும்.
தேர்வு முறை என்ன?
குரூப் 5 ஏ தேர்வு, தாள் 1 மற்றும் தாள் 2 ஆக நடக்கிறது. இவை முறையே பொதுத் தமிழ் மற்றும் பொது ஆங்கிலம் ஆகிய தாள்களாக நடக்கின்றன.
பட்டப் படிப்பு ரீதியிலான தரத்தில், எழுத்துத் தேர்வு முறையில் 2025ஆம் ஆண்டு ஜனவரி 4ஆம் தேதி அன்று காலை முதல் தாளும் மதியம் இரண்டாவது தாளும் நடைபெற உள்ளது. மொத்தம் 35 உதவிப் பிரிவு அலுவலர் பணியிடங்களுக்குத் தேர்வு நடக்க உள்ளது.
ஒவ்வொரு தேர்வும் 100 மதிப்பெண்களுக்கு 3 மணி நேரம் நடைபெற உள்ளது. இதில் குறைந்தபட்சம் 60 மதிப்பெண்களைப் பெற வேண்டும்.
ஊதியம் எப்படி?
பங்களிப்பு ஓய்வூதியத் திட்டத்தின்படி, நிலை 16-ன் அடிப்படையில் ஊதியம் வழங்கப்படும்.
விண்ணப்பிப்பது எப்படி?
தேர்வர்கள் https://apply.tnpscexams.in/secure?app_id=UElZMDAwMDAwMQ== என்ற இணைப்பை க்ளிக் செய்து விண்ணப்பிக்க வேண்டும்.
முன்பதிவு செய்யாத தேர்வுகள், புதிதாக முன்பதிவு செய்து விண்ணப்பிக்க வேண்டியது அவசியம்.
குரூப் 5 ஏ தேர்வு, இட ஒதுக்கீடு, கல்வித் தகுதி, நிபந்தனைகள், காலிப் பணியிடங்கள் உள்ளிட்ட முழுமையான தகவல்களுக்கு https://www.tnpsc.gov.in/Document/tamil/Group%20V%20A%20TAMIL_.pdf என்ற இணைப்பை க்ளிக் செய்து காணலாம்.
கூடுதல் தகவல்களுக்கு: https://www.tnpsc.gov.in/
தலைப்பு செய்திகள்
ட்ரெண்டிங் செய்திகள்
