மேலும் அறிய

TNPSC: இன்டர்வியூ இல்லை; மருத்துவம், பொறியியல் தொழில்நுட்பத் தேர்வுக்கு விண்ணப்பிக்கலாம்- டிஎன்பிஎஸ்சி அறிவிப்பு

TNPSC Combined Technical Services Exam: இந்தத் தேர்வுக்கு இன்று (ஜூலை 26) முதல் ஆகஸ்ட் 24ஆம் தேதி வரை விண்ணப்பிக்கலாம். ஆக.28 முதல் 30ஆம் தேதி வரை விண்ணப்பங்களில் திருத்தம் செய்யலாம்.

By : மாய நிலா | Updated at : 27 Jul 2024 04:20 PM (IST)

TNPSC Combined Technical Services Examination Non Interview Posts Application From Today TNPSC: இன்டர்வியூ இல்லை; மருத்துவம், பொறியியல் தொழில்நுட்பத் தேர்வுக்கு விண்ணப்பிக்கலாம்- டிஎன்பிஎஸ்சி அறிவிப்பு

டிஎன்பிஎஸ்சி, தேர்வர்கள்

உதவிப் பொறியாளர், வேதியியலாளர், புவியியலாளர் உள்ளிட்ட பணியிடங்கள் அடங்கிய ஒருங்கிணைந்த தொழில்நுட்ப சேவைகள் தேர்வுக்கு இன்று (ஜூலை 26) முதல் விண்ணப்பிக்கலாம் என்று டிஎன்பிஎஸ்சி அறிவிப்பு வெளியிட்டுள்ளது.

தமிழ்நாடு முழுவதும் அரசுத் துறைகளில் காலியாக உள்ள இடங்கள், டிஎன்பிஎஸ்சி எனப்படும் தமிழ்நாடு அரசுப் பணியாளர் தேர்வாணையம் மூலம் நிரப்பப்படுகிறது. பல்வேறு பணியிடங்களுக்கு, குரூப் 1, குரூப் 2, 3, 4 என பல்வேறு போட்டித் தேர்வுகள் நடத்தப்பட்டு, தகுதியான ஆட்கள் நியமனம் செய்யப்படுகின்றனர்.

இந்த நிலையில் மருத்துவம், பொறியியல் உள்ளிட்ட தொழில்நுட்பப் படிப்புகள் சார்ந்த தேர்வுக்கான அறிவிப்பு தற்போது வெளியாகி உள்ளது. குறிப்பாக, உதவிப் பொறியாளர், வேதியியலாளர், புவியியலாளர் உள்ளிட்ட பணியிடங்கள் அடங்கிய ஒருங்கிணைந்த தொழில்நுட்ப சேவைகள் தேர்வுக்கு விண்ணப்பிக்க அறிவிக்கை வெளியாகி உள்ளது.

கட்டாயத் தமிழ் தகுதித் தேர்வு

எனினும் இந்தப் பாடங்களுக்கான தாள்கள் அனைத்தும் கட்டாயத் தமிழ் தகுதித் தேர்வில் தேர்ச்சி பெற்றால் மட்டுமே திருத்தப்படும்.

ஆகஸ்ட் 24ஆம் தேதி வரை விண்ணப்பிக்கலாம்

இந்தத் தேர்வுக்கு இன்று (ஜூலை 26) முதல் ஆகஸ்ட் 24ஆம் தேதி வரை விண்ணப்பிக்கலாம். ஆக.28 முதல் 30ஆம் தேதி வரை விண்ணப்பங்களில் திருத்தம் செய்யலாம். அக்டோபர் 14 முதல் 23ஆம் தேதி வரை பல்வேறு பணியிடங்களுக்குத் தேர்வு நடைபெற உள்ளது. மொத்தம் 654 பணி இடங்களுக்கு இந்தத் தேர்வு நடைபெற உள்ளது.

விண்ணப்பிப்பது எப்படி?

விண்ணப்பிக்க விரும்பும் தேர்வர்கள், https://apply.tnpscexams.in/secure?app_id=UElZMDAwMDAwMQ== என்ற இணைப்பை க்ளிக் செய்ய வேண்டும்.
அதில் கேட்கப்படும், தேவையான தகவல்களை உள்ளிட வேண்டும்.
கூறப்படும் வழிமுறைகளைப் பின்பற்றி, விண்ணப்பப் பதிவை மேற்கொள்ளலாம்.

தேர்வுக்கான பல்வேறு பாடங்களின் பாடத்திட்டம், எழுத்துத் தேர்வின்போது தேர்வர்கள் பின்பற்ற வேண்டிய விதிமுறைகள், ஆன்லைனில் விண்ணப்பிப்பது எப்படி? என்பன உள்ளிட்ட பல்வேறு தகவல்களைப் பற்றி அறியவும் கூடுதல் தகவல்களுக்கும்

அல்லது https://www.tnpsc.gov.in/Document/english/09_2024_CTS_NONOT_ENGLISH_.pdf என்ற இணைப்பை க்ளிக் செய்தும், காணலாம்.

மேலும் விவரங்களுக்கு: https://www.tnpsc.gov.in/

டிஎன்பிஎஸ்சி ஆணையத்தின் இலவச தொலைபேசி எண்: 18004190958 (வேலை நாட்களில் 10.00 a.m. முதல் 5.45 p.m வரை).

இ- மெயில் முகவரி: helpdesk@tnpscexams.in

About the author மாய நிலா

Ramani Prabha Devi writes news under the pseudonym of Maaya Nila. An Engineer by Education, Journalist by Profession, Ramani Prabha Devi hails from a tiny village in Tiruppur. Her agricultural background influenced to take part in the welfare of society.She quit her job from IT industry and joined Journalism with utmost enthusiasm. She has been working in Tamil media for the past 11 years. Her areas of focus are Education, Jobs, Politics, Psychology, Women, Health, Positive and Social Awareness news. She is the author of 3 books and got many awards. She keenly researches and provides accurate and detailed updated news on Education, Jobs which are important to each and everyone. In addition to that, she writes news and articles related to politics, national and international events to the public. Currently she works as Associate Producer in ABP NADU Tamil website.

Published at : 26 Jul 2024 11:52 AM (IST)

Tags :

TNPSC Jobs Breaking News Abp Nadu