வெள்ளை அறிக்கை விரைவில்!ஆட்டத்தை தொடங்கிய விஜய்பதற்றத்தில் திமுக

''வெள்ளை அறிக்கை அனுப்பிட்டு தான் அடுத்த வேலையை தொடங்குவேன்’’ என முதல்வர் விஜய் சபதமிட்டுள்ள நிலையில், தற்போது தலைமை செயலகத்தில் வெள்ளை அறிக்கை தயாரிக்கும் பணி விறுவிறுப்பாக நடைபெற்றுவருவதாக தகவல் வெளியாகியுள்ளது.

தமிழக முதல்வராக தவெக தலைவர் விஜய் பதவியேற்ற உடனே, திமுக அரசு தமிழகத்தை சுமார் 10 லட்சம் கோடி ரூபாய் கடனில் விட்டுச் சென்றுள்ளதாகவும், கஜானா முழுமையாகக் காலி செய்யப்பட்டுள்ளதாகவும் அவர் குற்றம் சாட்டினார். இவ்வளவு பெரிய நிதி நெருக்கடிக்கு இடையில் தான் தவெக அரசு பொறுப்பேற்றுள்ளது என்பதையும் அவர் சுட்டிக்காட்டினார்.
இதனையடுத்து ஆட்சியில் நடக்கும் விஷயங்கள் மக்களுக்குத் தெரிய வேண்டும் என்பதால், தற்போதைய நிதி நிலைமை குறித்த 'வெள்ளை அறிக்கை'விரைவில் வெளியிடப்படும்.உண்மையான நிதி நிலவரத்தை மக்களுக்குத் தெரிவித்துவிட்டு, அதன் பிறகே அடுத்தகட்ட வளர்ச்சிப் பணிகளைத் தொடங்குவேன் என்று முதல்வர் விஜய் உறுதியளித்தார்.

ஒரு பக்கம் 10 லட்சம் கோடி கடன், மறுபக்கம் தேர்தல் வாக்குறுதிகளான மகளிருக்கு மாதம் ₹2,500, இலவச மின்சாரம் போன்ற பெரிய திட்டங்கள் எனப் புதிய அரசுக்கு சவால்கள் அதிகமாக உள்ள சூழலில், இந்த வெள்ளை அறிக்கை தமிழக அரசியலிலும் பொருளாதார வட்டாரத்திலும் மிகப்பெரிய எதிர்பார்ப்பை ஏற்படுத்தியுள்ளது.

இந்நிலையில் முதல்வர் பதவியேற்பு, அமைச்சர்கள் நியமனம், எம் எல் ஏக்கள் பதவியேற்பு, நம்பிக்கை வாக்கெடுப்பு என 4 நாட்களாக படு பிஸியாக இருந்தார் விஜய். சட்டமன்றம் நேற்றுடன் முடிந்த நிலையில், இன்று முதல் வேலையாக வெள்ளை அறிக்கை தயாரிக்கும் பணிகளை தொடங்க ஆணையிட்டுள்ளார் முதல்வர் விஜய். நிதித்துறை செயலாளர் சித்திக் ஐஏஎஸ், தலைமைச் செயலாளர் சாய்குமார் ஐஏஎஸ் மற்றும் முதல்வரின் தனிச் செயலாளர்கள் என பல முக்கிய அதிகாரிகள் வெள்ளை அறிக்கை தயாரிக்கும் குழுவில் இடம்பெற்றுள்ளனர். 

விறுவிறுப்பாக தரவுகள் எடுக்கபட்டு பல பக்க அறிக்கை ரெடியாகும் நிலையில், விரைவில் முதல்வர் விஜய் வெள்ளை அறிக்கையை வெளியிடுவார் என எதிரபார்க்கப்படுகிறது. 
2021 சட்டமன்றத் தேர்தலில் வெற்றி பெற்ற பிறகு, திமுக அரசு முந்தைய அதிமுக ஆட்சியில் இருந்து பெற்ற நிதி நெருக்கடியை விரிவாக விளக்கும் 120 பக்க வெள்ளை அறிக்கையை வெளியிட்டது. திமுக அரசின் ஸ்டைலில் விஜய் ஆட்சியை தொடங்கியுள்ளார் என அரசியல் விமர்சகர்கள் கருத்து தெரிவித்து வருகின்றனர்.