![ABP Premium](https://cdn.abplive.com/imagebank/Premium-ad-Icon.png)
Uber Cool : புதுசு புதுசா வார்த்த கண்டுபிடிக்கிறாங்க...இந்த ஆங்கில வார்த்தைகளுக்கு அர்த்தம் தெரியுமா சார்?
சமூக வலைதளங்களில் சமீப காலங்களில் அதிக புழக்கத்தில் இருக்கும் ஆங்கில வார்த்தைகளுக்கான அர்த்தங்களைப் பார்க்கலாம்
![Uber Cool : புதுசு புதுசா வார்த்த கண்டுபிடிக்கிறாங்க...இந்த ஆங்கில வார்த்தைகளுக்கு அர்த்தம் தெரியுமா சார்? meaning of english words trending on social media like uber cool pep talk mee time explanation Uber Cool : புதுசு புதுசா வார்த்த கண்டுபிடிக்கிறாங்க...இந்த ஆங்கில வார்த்தைகளுக்கு அர்த்தம் தெரியுமா சார்?](https://feeds.abplive.com/onecms/images/uploaded-images/2023/10/20/ff5545e25488df0141dd84b1af1c23671697801584499572_original.jpg?impolicy=abp_cdn&imwidth=1200&height=675)
புதிது புதிதாக ஆங்கில வார்த்தைகளை சமூக வலைதளங்களில் பரப்பி விடுவதே நெட்டிசன்களுக்கு பழக்கமாகிவிட்டது. சரி நாம் உண்டு நம் வேலை உண்டு என்று இருக்கலாம் என்றால் நாட்கள் செல்ல செல்ல நம்மைச் சுற்றி இருப்பவர்களும் இந்த வார்த்தைகளை பயன்படுத்தத் தொடங்கி விடுகிறார்கள். சரி தெரிந்துகொள்ளலாம் என்று கேட்டால் ‘இந்த வார்த்தை தெரியாதா, பூமர் என்று பட்டம் கொடுத்து விடுகிறார்கள்.
அப்படி சமீப காலங்களில் சமூக வலைதளங்களில் அதிக புழக்கத்தில் இருக்கும் சில ஆங்கில வார்த்தைகளுக்கான அர்த்தங்களைத் தெரிந்துகொள்ளலாம். இந்த வார்த்தைகளை கட்டாயம் பயன்படுத்த வேண்டும் என்கிற நிர்பந்தம் யாருக்கும் இல்லை. இன்னொருவர் பேசும்போது புரிந்துகொள்வதற்காக மட்டுமே கூட இதை நான் தெரிந்து கொள்ளலாம்
ஊபர் கூல் - Uber Cool
சமீப காலங்களில் அதிகம் பயன்படுத்தப் படும் ஒரு வார்த்தை ஊபர் கூல். ஊபர் என்பது கார் அதென்ன ஊபர் கூல் என்று எனக்குத் தோன்றியது போல் உங்களுக்கும் தோன்றினால் நாம் எல்லாரும் ஒரே இனம் என்று அர்த்தம். ஊபர் என்கிற சொல்லுக்கு ஜெர்மானிய மொழியில் அதீதம் அல்லது அதிகம் என்று பொருள். ஒருவர் மிக நிதானமாக எந்த விதமான சூழலிலும் தனது பொறுமையை இழக்காமல் இருக்கிறார் என்றால் அவரை கூல் என்கிறோம். இதே போல் எப்படியான ஒரு மோசமான நிலைமையிலும் பயப்படாமல் பதறாமல் நிதானமாக இருக்கிறார் என்றால் அவரை ஊபர் கூல் என்கிறோம். உதாரணத்திற்கு கஜினி படத்தில் சஞ்சய் ராமசாமி (பிளாஷ்பேக் சூரியா) சொல்லலாம்.
ஃப்ரெனிமி - Frenemy
பேரிலேயே இருப்பது போல் நண்பரும் எதிரியும் சேர்ந்தது தான் ஃப்ரெனிமி. அது எப்படி ஒரே நேரத்தில் நண்பர்களாகவும் எதிரிகளாகவும் இருக்க முடியும். வெளி உலகத்தில் பார்ப்பதற்கு இரண்டு நபர்கள் நெருக்கமான நண்பர்களாகவும் ஆனால் இருவரது மனதிற்குள்ளும் தீராத பகையுணர்வும் இருக்கும். வடசென்னையில் தனுஷ் மற்றும் சமுத்திரகனியின் கதாபாத்திரம்.
மீ டைம் - Me Time
சிலருக்கு தனியாக இருப்பது பிடிக்கும். சிலருக்கு எப்போது தன்னைச் சுற்றி எப்போதும் யாராவது இருந்து கொண்டே இருக்க வேண்டும் என்று ஆசைப்படுவார்கள். ஆனால் அப்படியானவர்களுக்கே கொஞ்ச நேரம் தனியாக இருந்தால் போதும் என்கிற உணர்வு அவ்வப்போது வரும். எல்லா நண்பர்கள் குடும்பத்தினர் இவர்களுக்காக இவர்களுடன் இருந்துவிட்டு நமக்காக நமக்கு பிடித்த வேலைகளை மட்டுமே செய்வதுநான் மீ டைம். விட்டத்தைப் பார்த்து தூங்கினாலும் பையை மாட்டிக் கொண்டு மலையேறினாலும் அது உங்கள் ஒருவருடைய திருப்திக்காக மட்டுமே செய்கிறீர்கள் என்றால் அதுதான் மீ டைம்.
பெப் டாக் - Pep Talk
ஒரு பரீட்சைக்கு முன்போ அல்லது ஒரு விளையாட்டு போட்டிக்கு முன்போ எப்போது நமக்கு கொஞ்சம் தைரியம் கொடுக்க யாராவது ஒருத்தர் இருப்பார்கள் இல்லையா. லாஜிக் இல்லாவிட்டாலும் கூட நமது நண்பர்கள் கொடுத்த மோடிவேஷனை கேட்டுவிட்டு எத்தனை கலவரங்களில் இறங்கியிருப்போம். கமல் சொல்வது போல் இந்த மாதிரி நேரங்களில் வீரன்கள் சொல்லும் வார்த்தை பாத்துக்கலாம். அதை தான் பெப் டாக் என்று சொல்லுகிறோம். பெப் என்கிற வார்த்தையின் முழு வடிவம் பெப்பர்.. அதாவது மிளகு. இயல்பாகவே ஊக்கமளிக்கும் திறன் மிளகில் இருப்பதால் பெப் டாக் என்று பெயர் வைத்துள்ளோம்.
தலைப்பு செய்திகள்
ட்ரெண்டிங் செய்திகள்
![ABP Premium](https://cdn.abplive.com/imagebank/metaverse-mid.png)
![வினய் லால்](https://cdn.abplive.com/imagebank/editor.png)