CA Results 2024: 83.33% மதிப்பெண் எடுத்து முதலிடம்; சி.ஏ இடைநிலை, இறுதித் தேர்வு முடிவுகள் வெளியீடு;

CA Results 2024: சிஏ எனப்படும் பட்டய கணக்காளர் 2024ஆம் ஆண்டு இடைநிலை மற்றும் இறுதித் தேர்வு முடிவுகள் வெளியாகியுள்ளது. எப்படி காணலாம் என்ற விவரத்தை இங்கே வழங்கப்பட்டுள்ளது.

C.A. தேர்வு முடிகள் வெளியீடு

Source : ICAI

சி.ஏ எனப்படும் பட்டய கணக்காளர் இடைநிலை (ICAI CA Intermediate) மற்றும் இறுதித் தேர்வு முடிவுகளை ஐ.சி.ஏ.ஐ. (The Institute of Chartered Accountants of India (ICAI)) வெளியிட்டுள்ளது. 

2024-ம் ஆண்டிற்கான சி.ஏ. இடைநிலை தேர்வுகள் குரூப், 1&2, இறிதித் தேர்வு குரூப் 1 கடந்த மே மாதம் நடைபெற்றது. 

Important Announcement - CA. Ranjeet K. Agarwal, President with CA. Charanjot Singh Nanda, Vice President along with ICAI Exam Committee Members signed the result of Chartered Accountants Final and Intermediate Examinations held in May 2024 at Delhi today!#ICAIat75 #ICAIResults pic.twitter.com/E4mBVQ5R7d

— Institute of Chartered Accountants of India - ICAI (@theicai) July 11, 2024

இறுதித் தேர்வில் 20,446 பேர் தேர்ச்சி பெற்றுள்ளதாக ஐ.சி.ஏ.ஐ. தெரிவித்துள்ளது. டெல்லியைச் சேர்ந்த ஷிவம் மிஸ்ரா இறுதித் தேர்வில் 83.33% மதிப்பெண் எடுத்து தேசிய அளவில் முதலிடம் பிடித்தார். இவர் 500 மதிப்பெண் எடுத்துள்ளார். 

இந்தத் தேர்வில் டெல்லியைச் சேர்ந்த வர்ஷா அரோரா என்பவர் 480 அல்லது 80% மதிப்பெண் எடுத்து இரண்டாம் இடம் பிடித்துள்ளார். 

மூன்றாவது இடத்தை இருவர் பகிர்ந்துகொண்டுள்ளனர். மும்பையைச் சேர்ந்த கிரன் ராஜேந்திர சிங் மனரால், கில்மேன் சாலிம் அன்சாசி ஆகிய இருவரும் 79.50% எடுத்து தேசிய அளவில் மூன்றாம் இடம் பிடித்துள்ளனர். சி.ஏ. இறுதித் தேர்வு குரூப் 1 பிரிவில் 74 ஆயிரத்து 887 பேர் எழுதினர். இதில் 20,479 பேர் தேர்ச்சி பெற்றுள்ளனர். 27.35% தேர்ச்சி பதிவு செய்யப்பட்டுள்ளது. குரூப் 2 பிரிவில் 58,891 பேர் தேர்வு எழுதியதில் 21,408 பேர் தேர்ச்சி பெற்றுள்ளனர். 

சி.ஏ. இடைநிலைத் தேர்வுக்கான முடிவுகளும் வெளியிடப்பட்டுள்ளது.

சி.ஏ. இடைநிலைத் தேர்வில் குஷ்காரா ராய் எபவர் 89.67% மதிப்பெண் எடுத்து முதலிடம் பிடித்துள்ளார். யுக் சச்சின் கரியா மற்றும் யாக்யா லலித் சந்தக் ஆகியோர் 87.67 % மதிப்பெண் எடுத்து இரண்டாம் இடம் பிடித்துள்ளனர். மஹித் சிங் பாட்டியா, ஹிரேஷ் கஷிரம்கா ஆகியோர் 80.50% எடுத்து மூன்றாம் இடம் பிடித்துள்ளனர்.1,17,764 பேர் தேர்வு எழுதியதில் 31.978 பேர் தேர்ச்சி பெற்றுள்ளனர். குரூப் 2 பிரிவில் 71, 145 பேர் தேர்வு எழுதியதில் 13,008 பேர் தேர்ச்சி பெற்றுள்ளனர். 

சி.ஏ. இறுதித் தேர்வு முடிவுகளை பார்ப்பது எப்படி?

• தேர்வு முடிவுகளை காண  https://www.icai.org/ -என்ற இணைப்பை க்ளிக் செய்யவும்.
• அதில், Final : May 2024 என்ற இணைப்பைத் தேர்வு செய்ய வேண்டும்.
• அடுத்து, வரிசை எண், பதிவு எண், கேப்ட்ச்சா ஆகியவற்றை பதிவிட வேண்டும்.
• எல்லா தகவல்களையும் கொடுத்தால் மதிப்பெண் பட்டியலைத் பதிவிறக்கம் செய்து கொள்ளலாம். 

இடைநிலைத் தேர்வு முடிவுகளைக் காண்பது எப்படி?

• தேர்வர்கள் icai.nic.in என்ற இணைப்பை க்ளிக் செய்யவும்.
• அதில், Intermediate Examination : May 2024 என்ற இணைப்பைத் தேர்வு செய்ய வேண்டும்.
• தேர்வு முடிவுகளை காண தேவையான வரிசை எண், பதிவு எண், கேப்ட்ச்சா ஆகிய தகவல்களை பதிவிட வேண்டும்.
• மதிப்பெண் பட்டியலைத் பதிவிறக்கம் செய்துகொள்ளலாம். 

---