CBSE Term 1 Result: இன்று வெளியான சிபிஎஸ்இ பிளஸ் 2 பொதுத்தேர்வு ரிசல்ட்! அடுத்து கவனிக்க வேண்டியது என்ன?

சிபிஎஸ்இ 12ஆம் வகுப்பு முதல் பருவப் பொதுத்தேர்வு முடிவுகள் இன்று (டிசம்பர் 19) வெளியாகி உள்ளன. 

கோப்புப்படம்

சிபிஎஸ்இ 12ஆம் வகுப்பு மாணவர்களுக்கான முதல் பருவப் பொதுத்தேர்வு முடிவுகள் இன்று (டிசம்பர் 19) வெளியாகி உள்ளன. எனினும் இது ஆன்லைன் மூலம் வெளியிடப்படவில்லை. 
 
கரோனா பெருந்தொற்றுச் சூழல் காரணமாக சிபிஎஸ்இ 10, 12ஆம் வகுப்புகளுக்கான பொதுத் தேர்வுகள் கடந்த 2020ஆம் ஆண்டில் ரத்து செய்யப்பட்டன. அதுபோன்ற எதிர்பாராத சூழல் மீண்டும் ஏற்படுவதைத் தவிர்க்கும் விதமாக, இரு பருவப் பொதுத் தேர்வு முறையை சிபிஎஸ்இ கடந்த ஆண்டு அறிவித்தது.

புதிய நடைமுறையின்படி, பொதுத் தேர்வு இரண்டாகப் பிரிக்கப்பட்டு, முதல் பருவத் தேர்வு நவம்பர் - டிசம்பர் மாதங்களிலும், 2-வது பருவத் தேர்வு மார்ச் - ஏப்ரல் மாதங்களிலும் நடத்தப்படும் என்று அறிவிக்கப்பட்டது. அதன்படி, தேர்வு 90 நிமிடங்களுக்கு நடைபெறுகிறது.

ஒவ்வொரு பருவத் தேர்விலும் பாடத்திட்டத்தின் 50 சதவீதப் பகுதியில் இருந்து கேள்விகள் கேட்கப்படும். ஏதேனும் ஒரு தேர்வை நடத்த முடியாத சூழலில், ஏற்கெனவே நடத்தப்பட்ட தேர்வு முடிவுகளின் அடிப்படையில் மதிப்பெண் கணக்கிடப்பட்டு வழங்கப்படும் என்றும் அறிவிக்கப்பட்டது.

புதிய தேர்வு முறையை மாணவர்கள் எளிதில் புரிந்துகொள்ளும் வகையில், மாதிரி கேள்வித் தாள்களும், மாற்றி அமைக்கப்பட்ட பாடத்திட்டமும் சிபிஎஸ்இ இணையதளத்தில் வெளியிடப்பட்டன. ஏற்கெனவே திட்டமிட்டவாறு நடப்புக் கல்வி ஆண்டுக்கான (2021-22) சிபிஎஸ்இ முதல் பருவப் பொதுத்தேர்வு தொடங்கி நடைபெற்றது. 

இதற்கிடையே 10ஆம் வகுப்புக்கான இரண்டாம் பருவத் தேர்வு ஏப்ரல் 26ஆம் தேதி தொடங்கி மே 17ஆம் தேதி வரை நடைபெறுகிறது. 12ஆம் வகுப்புக்கான இரண்டாம் பருவத் தேர்வு ஏப்ரல் 26ஆம் தேதி தொடங்கி மே 19ஆம் தேதி வரை நடைபெறுகிறது.

இந்நிலையில், 12ஆம் வகுப்பு மாணவர்களுக்கான முதல் பருவப் பொதுத்தேர்வு முடிவுகளை சிபிஎஸ்இ வெளியிட்டுள்ளது. எனினும் இது ஆன்லைன் மூலம் வெளியிடப்படவில்லை. 

சிபிஎஸ்இ வாரியம் சம்பந்தப்பட்ட பள்ளிகளுக்கு மதிப்பெண் பட்டியலை இன்று (டிசம்பர் 19) அனுப்பியுள்ளது. எனினும் இந்தப் பட்டியலில் மாணவர்கள் தேர்ச்சி, தேர்ச்சி அடையவில்லை, மீண்டும் தேர்வு எழுத வேண்டும் என்பது மாதிரியான தகவல்கள் எதுவும் குறிப்பிடப்படவில்லை. இரண்டு பருவப் பொதுத் தேர்வுகளின் முடிவுக்குப் பிறகே அந்த அறிவிப்பு வெளியாகும் என்பது குறிப்பிடத்தக்கது.

மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்

ABP நாடு செய்திகளை சமூக வலைத்தள பக்கங்களிலும் பின் தொடரலாம்

பேஸ்புக் பக்கத்தில் தொடர

ட்விட்டர் பக்கத்தில் தொடர

யூடியூடிபில் வீடியோக்களை காண