Crime: கொடைக்கானலில் பிறந்தநாள் கொண்டாட சென்ற இளைஞர் கிணற்றில் சடலமாக மிதந்தார் - போலீஸ் விசாரணை

கொடைக்கானலில் பிறந்தநாள் விழா கொண்டாட சென்ற இளைஞர் 3 நாட்களுக்கு பிறகு  சடலமாக  கிணற்றில் மீட்பு.

கொடைக்கானலில் இளைஞர் உயிரிழப்பு

திண்டுக்கல் மாவட்டம் கொடைக்கானல் டிப்போ பகுதியை சேந்தவர் சந்தோஷ்(19) தின கூலி வேலை செய்து வருகிறார். இவர் கடந்த திங்கட்கிழமை தனது பிறந்த நாளை முன்னிட்டு கே.ஆர்.ஆர் கலையரங்கம் அருகே உள்ள தனியார் மதுபான கடையில் இரவு நேரத்தில் நண்பர்களுடன் மது அருந்தியதாக கூறப்படுகிறது. இதனையடுத்து இவருக்கும் சக நண்பர்களுக்கும் வாக்குவாதம் ஏற்பட்டு சண்டையிட்டதாக அப்பகுதி மக்களால் கூறப்படுகிறது,

இதனை தொடர்ந்து இளைஞர் வீட்டிற்கு வராத காரணத்தினால்  இளைஞரின் உறவினர்கள் கடந்த 3 தினங்களாக தேடி வந்தனர். இன்று காலை உறவினர்கள் தனியார் மதுபான கடையின் அருகே தேடிப்பார்த்த போது பியர்சோலா சாலை அருகே தனியார் தோட்ட பகுதியில் உள்ள கிணற்றில் உடல்  மிதப்பதை பார்த்த பார்த்தனர். உடனே, காவல் துறையினருக்கும், தீயணைப்பு துறையினருக்கும் தகவல் அளித்தனர். தகவல் அடிப்படையில் வந்த தீயணைப்பு துறையினர் சுமார் அரை மணி நேரமாக போராடி கிணற்றில் இருந்த சடலத்தை மீட்டனர். சடலத்தை பார்த்த உறவினர்கள் பிறந்த விழா கொண்டாடிய சந்தோஷ் என்பதை உறுதி செய்தனர்.

இதனை தொடர்ந்து காவல் துறையினர் சடலத்தை மீட்டு உடற்கூறு ஆய்விற்காக கொடைக்கானல் அரசு மருத்துவமனைக்கு அனுப்பி வைத்தனர். இது கொலையா அல்லது தற்கொலையா அல்லது மது போதையில் கிணற்றில் தவறி விழுந்துள்ளாரா என்ற கோணத்தில் காவல்துறையினர் விசாரணை மேற்கொண்டு வருகின்றனர். இச்சம்பவத்தால் இப்பகுதியில் சிறிது நேரம் பரபரப்பு நிலவியது.

---

மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்

ABP நாடு செய்திகளை சமூக வலைத்தள பக்கங்களிலும் பின் தொடரலாம்

பேஸ்புக் பக்கத்தில் தொடர

ட்விட்டர் பக்கத்தில் தொடர

யூட்யூபில் வீடியோக்களை காண