Crime: மெரினாவில் பரபரப்பு.....பட்டப்பகலில் கத்திகளுடன் கல்லூரி மாணவர்கள் மோதல்

ஒரு மாணவரை 10க்கும் மேற்பட்ட மாணவர்கள் துரத்தித் தாக்கும் வீடியோ இணையத்தில் வெளியானது.

கைது

Crime : சென்னை மெரினா கடற்கரையில் கல்லூரி மாணவர்கள் மோதல் விவகாரம் தொடர்பாக நான்கு மாணவர்கள் கைது செய்யப்பட்டுள்ளனர்.

சென்னையில் மிக முக்கிய சுற்றுலா தளங்களில் ஒன்று மெரினா கடற்கரை. வார நாட்களாக இருந்தாலும் சரி, வார இறுதியாக இருந்தாலும் மெரினா கடற்கரையில் மக்கள் கூட்டம் அலைமோதும். மக்கள் எப்போதும் அதிகம் இருக்கும் நேரத்தில் மெரினாவில் நேற்று மதியம் கல்லூரி மாணவர்களிடையே மோதல் ஏற்பட்டது. இந்த வீடியோனது இணையத்தில் வைரலாகி வந்தது.

கல்லூரி மாணவர்களிடையே மோதல்

சென்னை மெரினா கடற்கரையில் உள்ள நேதாஜி சிலை பின்புறம் உள்ள மணல் பகுதியில் ஒரே கல்லூரியை சேர்ந்த மாணவர்கள்  இடையே  மோதல் ஏற்பட்டது. இதில் இளங்கலை வரலாறு மற்றும் பொருளாதாரத் துறையை சார்ந்த மூன்றாம் ஆண்டு மாணவர்கள் இடையே மோதல் ஏற்பட்டது. அதன்படி மாணவர்கள் பிரகாஷ், சூர்யா நவீன் உள்ளிட்ட மாணவர்கள் பாட்டில் மற்றும் கத்தியால் ஒருவரைக்கொருவர் சரமாரியாக தாக்கிக் கொண்டுள்ளனர்.

இதில் தலை மற்றும் கை, கால் பகுதிகளில் பலத்த காயம் ஏற்பட்டுள்ளது. இதனைத்தொடர்ந்து, சூர்யா நவீன், சூர்யா பிரகாஷ் ஆகியோர் சென்னை ராயப்பேட்டை அரசு மருத்துவமனையில் அனுமதிக்கப்பட்டுள்ளனர்.

கைது 

இந்த சம்பவம் தொடர்பான வீடியோ இணையத்தில் வெளியாகி வைரலாகி வந்தது. ஒரு மாணவரை 10க்கும் மேற்பட்ட மாணவர்கள் துரத்தித் தாக்கும் வீடியோ இணையத்தில் வெளியானது. அதனை அடுத்து, இது குறித்து போலீசார் வழக்குப்பதிவு செய்து விசாரணை நடத்தி வந்தனர். பின்னர், இந்த சம்பவம் தொடர்பாக மாணவர்கள் நான்கு பேரை கைது செய்துள்ளனர். அதன்படி முதலாம் மாணவர்கள் ஒருவரும், 3ஆம் ஆண்டு படித்து வந்த மாணவர்கள் 2 பேரையும் போலீசார் கைது செய்துள்ளனர். இந்த சம்பவம் அப்பகுதியில் பெரும் பரபரப்பை ஏற்படுத்தியுள்ளது.