BJP Cadre Arrest: பாஜகவின் மன்மதன் - பெண்களுடன் உல்லாசம், வீடியோ எடுத்து பணம் கேட்டு மிரட்டல், தட்டி தூக்கிய போலீஸ்

BJP Cadre Arrest: பெண்களை ஏமாற்றி தனிமையில் இருந்த வீடியோவை வைத்து மிரட்டிய, பாஜக பிரமுகர் சென்னையில் கைது செய்யப்பட்டார்.

கைதான தமிழரசன்

Source : Special Arrangement - ABP Network

BJP Cadre Arrest: கைதாகியுள்ள பாஜக பிரமுகர் தமிழரசன், 10-க்கும் மேற்பட்ட பெண்களை ஏமாற்றியதாக தகவல்கள் தெரிவிக்கின்றன.

சிக்கிய பாஜக பிரமுகர்:

சென்னை தாம்பரம் அடுத்த செம்பாக்கம் பகுதியை சேர்ந்தவர் தமிழரசன் (24). இவர் தனியார் சட்டக்கல்லூரியில் இறுதியாண்டு படித்து வருகிறார் மற்றும் பிஜேபியில் செங்கல்பட்டு வடக்கு மாவட்ட இளைஞர் அணி செயலாளராகவும் இருந்து வருகிறார், இந்த நிலையில் காரமராஜபுரம் பகுதியை சேர்ந்த பெண் ஒருவரை கடந்த ஆறு ஆண்டு காலம் காதலித்து வந்துள்ளார் மேலும் தனது வீட்டிற்க்கு அழைத்து சென்றவர் பெற்றோர் உதவி உடன் அப்பெண்ணை திருமணம் செய்வதாக கூறி மூளை சலைவை செய்து, சிறிது சிறிதாக முப்பது லட்சம் ரூபாய் பணத்தையும்,15 சவரன் தங்க நகைகளையும் பெற்றுள்ளார்.

இந்நிலையில் தமிழ் வைத்திருந்த லேப்டாப்பை அப்பெண் சோதனை செயத போது,  இன்ஸ்டாகிராமில் பல பெண்களுடன் தொடர்பில் இருந்தது தெரியவந்துள்ளது. இது குறித்து தமிழரசனிடம் கேட்ட போது, அப்பெண்ணுடன் தனிமையில் இருந்தபோது எடுத்த வீடியோவை காட்டி மீண்டும் பணத்தை பறித்துள்ளார்.

தட்டி தூக்கிய போலீசார்:

இது குறித்து பெற்றோரிடம் அப்பெண் தெரிவித்ததால்  சிட்லப்பாக்கம் மகளிர் காவல் நிலையத்தில்  புகார் அளிக்கபட்டது. அதனடிப்படையில் தமிழரசனை கைது செய்த போலீசார் லேப்டாப் மற்றும் செல்போனை ஆய்வு செய்த போலீசார், 10க்கும் மேற்பட்ட பெண்களின் ஆபாச வீடியோக்கள் இருப்பது கண்டுபிடிக்கபடடது, தொடர்ந்து ஆந்திராவை சேர்ந்த இளம் பெண்ணிடமும் திருமணம் செய்து கொள்வதாக ஆசை வார்த்தை கூறி ஐந்து லட்சம் ரூபாய் வரை பணத்தை மிரட்டி பறித்ததாக  அப்பெண் புகார் அளித்துள்ளார்.

இதனையடுத்து வழக்கு பதிவு செய்த போலீசார் தமிழரசனை நீதிமன்றத்தில் ஆஜர்படுத்தி சிறையில் அடைத்தனர். மேலும் தமிழரசனால் எத்தனை பெண்கள் ஏமாற்றபட்டுள்ளனர் என்பது குறித்து போலீசார் விசாரித்து வருகின்றனர்.

இதனிடையே, பாஜக மாநில தலைவர் அண்ணாமலை உள்ளிட்டோருடன், தமிழரசன் எடுத்துக்கொண்ட புகைப்படங்கள் இணையத்தில் வைரலாகியுள்ளது. பெண்களுக்கு எதிரான குற்றங்களில் ஈடுபட்டதாக அடிக்கடி பாஜகவினர் கைதாவது தொடர்கதையாகி வருகிறது.