Share Market: பணவீக்கத்தை தொடர்ந்து சென்செக்ஸ், நிஃப்டி புள்ளிகள் சரிவுடன் முடிவடைந்தன

ஏற்ற இறக்கங்களுடன் சென்று கொண்டிருந்த இந்திய பங்கு சந்தை சரிவுடன் முடிவடைந்தது.

பங்கு சந்தை

ஏற்றம் மற்றும் இறக்கத்துடன் சென்று கொண்டிருந்த இந்திய பங்கு சந்தை, இன்றையை நாள் முடிவில் சரிவிடன் முடிவடைந்தது. மும்பை சந்தை குறியீடான சென்செக்ஸ், 147.47 புள்ளிகள் சரிந்து 50,958.03 ஆகவும்,  தேசிய பங்குச் சந்தை குறியீடான நிஃப்டி 37.50 புள்ளிகள் சரிந்து 17,858.20 புள்ளிகளாகவும் வர்த்தகமாகி வருகிறது. உலகளவில் நிலவும் பணவீக்கத்தின் தாக்கத்தால் இந்திய பங்கு சந்தை சரிவுடன் காணப்பட்டதாக வல்லுநர்கள் தெரிவித்தனர்.

Sensex declines 147.47 points to end at 59,958.03; Nifty slips 37.50 points to 17,858.20

— Press Trust of India (@PTI_News) January 12, 2023

லாபம்-நஷ்டம்:

நிஃப்டியில் டிவிஸ் லேப்ஸ், ரிலையன்ஸ் இண்டஸ்ட்ரீஸ், பிபிசிஎல், ஆக்சிஸ் வங்கி மற்றும் டாடா மோட்டார்ஸ் ஆகியவை அதிக சரிவில் காணப்பட்டன.

எஸ்பிஐ லைஃப் இன்சூரன்ஸ், அல்ட்ராடெக் சிமெண்ட், லார்சன் அண்ட் டூப்ரோ, ஹச்சிஎல் டெக்னாலஜிஸ் மற்றும் டாக்டர் ரெட்டி ஆய்வகங்கள் ஏற்றத்தில் இருந்தன.

துறைகளைப் பொறுத்தவரை, எண்ணெய் மற்றும் எரிவாயு குறியீடு 1 சதவீத சரிவிலும், வங்கி குறியீடுகள் 0.5 சதவீத சரிவிலும், மூலதன பொருட்கள் மற்றும் தகவல் தொழில்நுட்ப குறியீடுகள் தலா 0.5 சதவீதமும் ஏற்றத்தில் இருந்தன.

கச்சா எண்ணெய்:

முன்னணி எண்ணெய் இறக்குமதியாளரான சீனா கடுமையான கோவிட் -19 கட்டுப்பாடுகள் முடிந்த பின்னர் அதன் பொருளாதாரத்தை மீண்டும் திறக்கிறது, இது 2023 ஆம் ஆண்டில் எரிபொருளுக்கான தேவை அதிகரிக்கும் என்ற நம்பிக்கையை அதிகரிக்கிறது.

பிரெண்ட் கச்சா எண்ணெய் விலை 0.5% அதிகரித்து பீப்பாய்க்கு 83.04 டாலராகவும், அமெரிக்க வெஸ்ட் டெக்சாஸ் இடைநிலை கச்சா 5 சென்ட்கள் உயர்ந்து 77.46 டாலராகவும் இருந்தது. உலகப் பொருளாதாரம் குறித்த நம்பிக்கையால், இரண்டு குறியீடுகளும் புதன்கிழமை 3% உயர்ந்தன. இதனால் அமெரிக்க டாலர் சற்று வலுவடையும் என எதிர்பார்க்கப்படுகிறது.

ரூபாயின் மதிப்பு:

Rupee gains 13 paise to close at 81.55 (provisional) against US dollar

— Press Trust of India (@PTI_News) January 12, 2023

இந்நிலையில், அமெரிக்க டாலருக்கு எதிரான இந்திய ரூபாயின் மதிப்பு 13 காசுகள் அதிகரித்து 81.55 ரூபாயாக உள்ளது.

தொடர்ந்து படிக்க: Direct Tax: கடந்த நிதியாண்டை விட இந்த நிதியாண்டில் நேரடி வரியானது 24.58 % அதிக வசூல் - மத்திய நிதியமைச்சகம்..