ITR 2024: புகைப்படம், முகவரி, தொலைபேசி எண்ணை ஐடி போர்ட்டலில் மாற்றுவது எப்படி? எளிதான வழிமுறை இதோ..!

ITR 2024 Profile: வருமான வரி கணக்கு தளத்தில் பயனாளர்கள் தங்களது சுய விவரங்களை, புதுப்பிப்பது எப்படி என்பதை இந்த தொகுப்பில் அறியலாம்.

வருமான வரிக் கணக்கு 2024

 ITR 2024 Profile: வருமான வரி கணக்கு தளத்தில் பயனாளர்கள் தங்களது புகைப்படம், கைப்பேசி எண் மற்றும் முகவரி போன்ற சுய விவரங்களை, புதுப்பிப்பதற்கான வழிமுறைகள் கீழே விவரிக்கப்பட்டுள்ளன.

வருமான வரி கணக்கு தாக்கல் 2024:

2023-24 நிதியாண்டு அல்லது மதிப்பீட்டு ஆண்டு 2024-25க்கான வருமான வரிக் கணக்கை தாக்கல் செய்வதற்கு முன், வரி செலுத்துவோர் சில விஷயங்களை கவனத்தில் கொள்ள வேண்டியது அவசியம். அதன்படி, உங்கள் தனிப்பட்ட விவரங்களை சூழலுக்கு ஏற்ப போர்ட்டலில் புதுப்பித்து வைத்திருக்க வேண்டும். கடந்த காலத்தில் ITR (IT Return Filing) தாக்கல் செய்யும் நேரத்தில் இருந்த,  உங்களது முகவரி மற்றும் கைபேசி எண் போன்ற விவரங்கள் இப்போது மாறியிருக்கலாம். அப்படியானால், மாற்றப்பட்ட தகவல்கள் சரியான நேரத்தில் போர்ட்டலில் புதுப்பிக்கப்பட வேண்டும்.

வருமான வரி தளத்தில் என்ன விவரங்களைப் புதுப்பிக்கலாம்?

வருமான வரி இ-ஃபைலிங் போர்ட்டலில் ( https://eportal.incometax.gov.in/iec/foservices/#/login ) உள்நுழைந்து உங்கள் புகைப்படம், முகவரி, மொபைல் எண் உள்ளிட்ட சில விவரங்களைப் புதுப்பிக்கலாம். இந்த விவரங்களை எனது சுயவிவரம்/புதுப்பிப்பு சுயவிவர விருப்பங்களின் கீழ் புதுப்பிக்கலாம். பான், டான், ஆதார் எண். மொபைல் எண், இ-மெயில் ஐடி மற்றும் முகவரியை வங்கி விவரங்கள் மூலம் புதுப்பிக்கலாம்.

சுய விவரங்களை புதுப்பிப்பது எப்படி?

•  முதலில், https://eportal.incometax.gov.in/iec/foservices/#/login வழியாக வருமான வரி போர்ட்டல் உள்நுழைவு பக்கத்திற்குச் செல்லவும்
• பயனர் ஐடி (PAN), கடவுச்சொல் மூலம் போர்ட்டலில் உள்நுழைய வேண்டும்
• முகப்புப் பக்கத்தில், உங்கள் பெயர் மேல் வலதுபுறத்தில் தோன்றும். அதைக் கிளிக் செய்தால்  மெனு திறக்கும். அதில் எனது சுயவிவரத்தைக் கிளிக் செய்யவும். இப்போது ஒரு புதிய பக்கம் திறக்கும்
• புதிய பக்கத்தின் மேல் இடதுபுறத்தில் உங்கள் பெயர் மற்றும் புகைப்படம் தோன்றும். உங்கள் புகைப்படம் இல்லை என்றால், அல்லது பழைய புகைப்படம் இருந்தால், நீங்கள் கேமரா ஐகானைக் கிளிக் செய்து புதிய புகைப்படத்தைப் பதிவேற்றலாம்
• குடியுரிமை, முகவரி, பாஸ்போர்ட் எண் போன்ற தனிப்பட்ட விவரங்களை புதுப்பிக்கலாம்
• உங்கள் வருமான ஆதாரங்கள், வங்கி கணக்கு விவரங்கள், டீமேட் கணக்கு விவரங்கள் போன்றவற்றையும் இந்தப் பக்கத்தில் புதுப்பிக்கலாம்.

ஆதார், பான் மூலம் மொபைல் எண்ணைப் புதுப்பிக்கவும்

•  இ-ஃபைலிங் போர்ட்டலில் உள்ள எனது சுயவிவரப் பக்கத்திற்குச் செல்லவும்
• அங்கு தொடர்பு விவரங்கள் தோன்றும், அதற்கு அடுத்ததாக ஒரு திருத்து பொத்தான் இருக்கும். அதை கிளிக் செய்யவும்
• உங்கள் ஆதார், பான் அல்லது வங்கிக் கணக்கின்படி உங்கள் புதிய மொபைல் எண்ணை உள்ளிடவும்
• நீங்கள் எந்த விருப்பத்தைத் தேர்ந்தெடுக்க விரும்புகிறீர்கள் என்பதைக் கிளிக் செய்யவும்.
• அங்கீகாரத்திற்காக உங்கள் பதிவு செய்யப்பட்ட மொபைல் எண் அல்லது மின்னஞ்சல் ஐடிக்கு OTP அனுப்பப்படும்
• அங்கு 6 இலக்க OTP ஐ உள்ளிடவும்
• வங்கி விவரங்கள் மூலம் அப்டேட்டை முடிக்க விரும்பினால், உங்கள் வங்கிக் கணக்குடன் இணைக்கப்பட்ட மொபைல் எண்ணுக்கு OTP அனுப்பப்படும். அதை உள்ளிடவும்.
• இது இ-ஃபைலிங் போர்ட்டலில் புதுப்பிப்பு செயல்முறையை நிறைவு செய்கிறது.

விவரங்களைப் புதுப்பித்த பின்னரே வருமான வரிக் கணக்கைச் சமர்ப்பிப்பது நல்லது. ஐடி ரிட்டர்ன் தாக்கல் செய்ய ஜூலை இறுதி வரை அவகாசம் உள்ளது குறிப்பிடத்தக்கது.