GOLD RATE TODAY: குஷியோ குஷி.! தங்கத்தின் விலை அதிரடியாக 22,800 ரூபாய் குறைந்தது- 3 நாளில் தலைகீழ் மாற்றம்
GOLD RATE TODAY: தங்கத்தின் விலை கடந்த வெள்ளி மற்றும் சனிக்கிழமையில் எதிர்பாரா திருப்பமாக சவரனுக்கு 15,200 ரூபாய் சரிந்தது. இந்த நிலையில் இன்றும் தங்கத்தின் விலை சரிந்துள்ளது. அந்த வகையில் ஒரு சவரனுக்கு 7600 ரூபாய் குறைந்துள்ளது.
புதிய உச்சத்தை தொட்ட தங்கம் விலை
தங்கத்தின் விலையானது நாளுக்கு நாள் புதிய உச்சத்தை தொட்டு வருகிறது. அந்தவகையில் கடந்த ஒரு வாரத்தில் மட்டும் தங்கத்தின் விலையில் பல மாற்றங்களை சந்தித்துள்ளது. இதன் படி டாலர் மீது நம்பிக்கையை இழந்த பல்வேறு நாடுகள் தங்கத்தை அதிகளவு வாங்கி வருகிறது. இதன் காரணமாக தங்கத்திற்கான விலையானது பல மடங்கு உயர்ந்து வருகிறது. கடந்த ஒரு வருடத்திற்கு முன்பாக ஒரு சவரன் 60ஆயிரம் ரூபாய்க்கு விற்பனையானது. தற்போது இரண்டு மடங்காக அதிகரித்து 1.20 லட்சம் ரூபாயாக உள்ளது. இது வரும் நாட்களில் புதிய உச்சத்தை தொடும் என கணிக்கப்பட்டுள்ளது. இதே போல வெள்ளியின் விலையும் தங்கத்திற்கு இணையாக அதிகரித்து வருகிறது.
ஒரே நாளில் வரலாறு படைத்த தங்கம்
தங்கம் மற்றும் வெள்ளியின் விலை புதிய உச்சத்தால் நடுத்தர வர்க்க மக்கள் பெரும் பாதிப்பை சந்தித்து வருகிறார்கள். தங்கள் வீட்டில் நடைபெறும் சுப நிகழ்விற்கு தங்கத்தை வாங்க முடியாத நிலைக்கு தள்ளப்பட்டுள்ளனர். அந்த வகையில், கடந்த ஜனவரி 29 ஆம் தேதி யாரும் எதிர்பார்க்காத வகையில் ஒரே நாளில் தங்கத்தின் விலை புதிய உச்சத்தை தொட்டது. ஒரு கிராம் 16,800 ரூபாய்க்கும், ஒரு சவரன் 1,34,400 ரூபாய் என விற்பனையானது. இதனால் நகைப்பிரியர்கள் அதிர்ச்சி அடைந்த நிலையில்,
அடுத்த நாள் ஜனவரி 30-ம் தேதியன்று அதிரடியாக தங்கத்தின் விலை குறைந்தது. ஒரு கிராம் 950 ரூபாய் குறைந்து 15,850 ரூபாய்க்கும், சவரனுக்கு 7,600 ரூபாய் குறைந்து ஒரு சவரன் 1,26,800 ரூபாய்க்கும் விற்பனை செய்யப்பட்டது. இதனால் மக்கள் சற்று நிம்மதி அடைந்த நிலையில் மீண்டும் மகிழ்ச்சி அளிக்கக்கூடிய வகையில் மாதத்தின் கடைசி நாளான ஜனவரி 31ஆம் தேதியும் தங்கத்தின் விலை குறைந்தது.
ஏறிய வேகத்தில் குறைந்த தங்கம் விலை
கிராமிற்கு 950 ரூபாய் குறைந்து 14,900 ரூபாய்க்கும், சவரனுக்கு 7,600 ரூபாய் குறைந்து ஒரு சவரன் 1,19,200 ரூபாய்க்கும் விற்கப்படுகிறது. அந்த வகையில் 2 நாட்களில் மட்டும் தங்கத்தின் விலை 15,200 ரூபாய் அளவிற்கு குறைந்தது. இதனையடுத்து நேற்று மத்திய பட்ஜெட் தாக்கல் செய்யப்பட்ட நிலையில், தங்கத்தின் விலையில் மாற்றம் இருக்குமா.? என எதிர்பார்க்கப்பட்டது. ஆனால் எந்தவித மாற்றமும் ஏற்படவில்லை. அதே நேரம் பங்கு சந்தையில் வீழ்ச்சியை சந்தித்தது.
இந்த நிலையில் இன்று காலை வர்த்தகம் தொடங்கிய நிலையில், தங்கத்தின் விலை மீண்டும் குறைந்துள்ளது. அந்த வகையில் கிராம் ஒன்றுக்கு 950 ரூபாய் குறைந்து 13,950 ரூபாய்க்கு விற்பனையாகிறது. ஒரு சவரனுக்கு 7,600 ரூபாய்க்கு குறைந்து ஒரு சவரன் 1 லட்சத்து 11ஆயிரத்து 600 ரூபாய்க்கு விற்பனை செய்யப்படுகிறது. அந்த வகையில் தங்கத்தின் விலை கடந்த 3 நாட்களில் மட்டும் அதிரடியாக 22,800 ரூபாய் குறைந்துள்ளது.
இதேபோல வெள்ளியின் விலையும் சரசரவென குறைந்துள்ளது. வெள்ளி கிராமுக்கு 20 ரூபாய் குறைந்து 300 ரூபாய்க்கும், ஒரு கிலோவிற்கு 20ஆயிரம் ரூபாய் குறைந்து ஒரு கிலோ வெள்ளி 3லட்சத்திற்கும் விற்பனை செய்யப்படுகிறது.
Before You Go
Gold Price Hike | ஷாக் கொடுத்த தங்கம் ஈரான் தான் காரணமா? எப்போது குறையும் Gold Price | Iran War
தலைப்பு செய்திகள்
ட்ரெண்டிங் செய்திகள்
