Porsche 911 Hybrid: 541 குதிரைகளின் சக்தி - போர்ஷே 911 ஹைப்ரிட் கார் - தொடக்க விலை ரூ.1.98 கோடி

Porsche 911 Hybrid: சொகுசு கார்களுக்கு பெயர்போன போர்ஷே நிறுவனத்தின், 911 ஹைப்ரிட் கார் மாடல் சர்வதேச சந்தையில் அறிமுகப்படுத்தப்பட்டுள்ளது.

போர்ஷே 911 ஹைப்ரிட்

 Porsche 911 Hybrid: போர்ஷே நிறுவனத்தின் புதிய 911 ஹைப்ரிட் கார் மாடலின் விலை, இந்திய மதிப்பில் சுமார் 1 கோடியே 98 லட்ச ரூபாய் என நிர்ணயம் செய்யப்பட்டுள்ளது.

போர்ஷே 911 ஹைப்ரிட் கார்:

போர்ஷே தனது முதல் ஸ்ட்ரீட் லீகல் ஹைப்ரிட்டான 911 ஐ,  911 Carrera GTS வடிவில் அறிமுகப்படுத்தியுள்ளது. ஏழாவது ஜென் 911க்கான மிட்-சைக்கிள் ஃபேஸ்லிஃப்ட்டின் ஒரு பகுதியாக இந்த ஹைப்ரிட் மாடல் கொண்டுவரப்பட்டுள்ளது. வெளியில் ஏரோ மற்றும் டிசைன் மாற்றங்கள், கூடுதல் உபகரணங்கள் மற்றும் புதிய உட்புறத்தைக் கொண்டுவருகிறது. இந்திய சந்தையில் இதன் விலை ஒரு கோடியே 98 லட்சத்து 99 ஆயிரத்தில் இருந்து தொடங்கி, 2 கோடியே 75 லட்சத்து 42 ஆயிரம் ரூபாய் வரை நிர்ணயிக்கப்பட்டுள்ளது.

Porsche 911 ஹைப்ரிட் பவர்டிரெய்ன் விவரங்கள்:

புதிய டி-ஹைப்ரிட் பெட்ரோல்-எலக்ட்ரிக் சிஸ்டம் முதன்மையான கூடுதல் அம்சமாக உள்ளது. இந்த அமைப்பில் புதிய டர்போசார்ஜ் செய்யப்பட்ட 3.6 லிட்டர் ஆறு சிலிண்டர் பாக்ஸர் இன்ஜின், கியர்பாக்ஸ் பொருத்தப்பட்ட மின்சார மோட்டார் மற்றும் சிறிய திரவ-குளிரூட்டப்பட்ட லித்தியம்-அயன் பேட்டரி ஆகியவை இடம்பெற்றுள்ளன. இவை இணைந்து  541hp மற்றும் 610Nm வரையிலான டிரைவ் டிரெய்னை வழங்குகின்றன. அதன்படி, இது முந்தைய மாடலை விட 60hp மற்றும் 40Nm அதிக ஆற்றலை வெளிப்படுத்துகின்றன. பூஜ்ஜியத்திலிருந்து மணிக்கு 100 கிமீ வேகத்தை வெறும் 3 நொடிகளில் எட்டும். முந்தைய மாடல் இது 3.4 நொடிகளாக இருந்தது. மணிக்கு 160கிமி வேகத்தை 6.8 நொடிகளிலும்,  200கிமீ வேகத்தை 10.5 நொடிகளிலும் எட்டும் என தெரிவிக்கப்பட்டுள்ளது. அதிகபட்சமாக மணிக்கு 312கிமீ வேகத்தில் பயணிக்கும் என தெரிவிக்கப்பட்டுள்ளது.

வாகன வடிவமப்பு விவரங்கள்:

புதிய மாடலானது 1595 கிலோ எடையுடன்,  ஹைப்ரிட் GTSக்கான கர்ப் எடையை காட்டிலும் 50 கிலோ அதிகமாக கொண்டுள்ளது. அதில் 27 கிலோ பேட்டரியால் பங்களிக்கப்படுகிறது. ஆனால் அது முன்பக்கமாக அமர்ந்திருப்பதால், புதிய 911 இன் எடை விநியோகத்தை நுட்பமாக மேம்படுத்துவதாகக் கூறப்படுகிறது. இது தோராயமாக 37:63 முன்பக்க விகிதத்தை அளிக்கிறது. புதிய Carrera GTS ஆனது ரியர் டிரைவன் வடிவத்தில் வெளியிடப்படுகிறது. அத்நேரம்,  T-Hybrid அமைப்பு ஆல்-வீல் ட்ரைவ் அம்சத்திற்கும் இணக்கமானது என்பதை Porsche உறுதிப்படுத்தியுள்ளது, இது 911 Turbo மற்றும் Carrera 4 மாடலின் எதிர்கால எடிஷன்களும், புதிய டிரைவ் டிரெய்ன் தொழில்நுட்பத்தால் பயனடையும் என்பதை பரிந்துரைக்கிறது.

போர்ஸ் 911 ஃபேஸ்லிஃப்ட்: மற்ற புதிய அம்சங்கள்?

ரேடியேட்டர்கள் மற்றும் பிரேக்குகளின் குளிரூட்டும் தேவைகளைப் பொறுத்து,  திறந்த மற்றும் மூடும் லூவ்ர்களைக் கொண்ட ஒவ்வொரு பக்கத்திலும் புதிய செயலில் உள்ள  ஃப்ரண்ட் ஏர் டக்ட் கணிசமாக மேம்படுத்தப்பட்டுள்ளது. ஃபேஸ்லிஃப்ட் செய்யப்பட்ட 911 இன் முன் பம்பரின் கீழ் பகுதி இப்போது ரேடார் மற்றும் அல்ட்ராசோனிக் சென்சார்களால் ஆக்கிரமிக்கப்பட்டுள்ளது.  இண்டிகேட்டர் செயல்பாடுகள் இப்போது நிலையான LED மேட்ரிக்ஸ் ஹெட்லைட் கிளஸ்டர்களுக்குள் இணைக்கப்பட்டுள்ளன. பின்புறத்தில், 911 புதிதாக வடிவமைக்கப்பட்ட OLED டெயில்-லைட்கள், திருத்தப்பட்ட ஸ்பாய்லர் மற்றும் மறுவேலை செய்யப்பட்ட டிஃப்பியூசர் ஆகியவற்றை பெற்றுள்ளது. உட்புறம் வெளிப்படையாக மாற்றியமைக்கப்படவில்லை, ஆனால் டிரைவருக்கான டிஸ்பிளேவை முழுவதுமாக டிஜிட்டலாக மாற்றும் நோக்கில் அனலாக் டேகோமீட்டர் நீக்கப்பட்டுள்ளது.

விலை விவரங்கள்:

போர்ஷே 911 ஃபேஸ்லிஃப்ட் மாடலின் விலை சர்வதேச சந்தையில், 166895 அமெரிக்க டாலர்கள் என நிர்ணயம் செய்யப்பட்டுள்ளது. அதாவது இந்திய மதிப்பில் ஒரு கோடியே 40 லட்ச ரூபாயாகும். அதேநேரம், இந்தியாவிற்கு இந்த மாடல் எப்போது கொண்டு வரப்படும்  என்பது குறித்து இப்போதைக்கு எந்த தகவலும் இல்லை.