Mahindra EV: அடுத்தடுத்து சந்தைக்கு வரும் மஹிந்திராவின் XEV 9e & BE 6e கார்கள்- டாடா & மாருதிக்கு டஃப் கொடுக்குமா?
Mahindra Upcoming EV Cars: மஹிந்திரா நிறுவனத்தின் XEV 9e மற்றும் BE 6e கார் மாடல்கள், அடுத்தடுத்து இந்திய சந்தையில் அறிமுகப்படுத்த உள்ளன.
Mahindra Upcoming EV Cars: மஹிந்திரா நிறுவனத்தின் XEV 9e மற்றும் BE 6e கார் மாடல்கள், டாடா கர்வ் மற்றும் மாருதியின் eVX-க்கு போட்டியாக சந்தைப்படுத்தப்பட உள்ளன.
மஹிந்திரா மின்சார கார்கள்:
மஹிந்திரா இதுவரை XUV300 ஐ அடிப்படையாகக் கொண்ட XUV400 EV-ஐ மட்டுமே தனது, எலெக்ட்ரிக் கார் போர்ட்ஃபோலியோவில் கொண்டுள்ளது. எதிர்கால சந்தை வளர்ச்சியை கருத்தில் கொண்டு, இந்த செக்மெண்டில் வலுவாக காலூன்ற அந்நிறுவனம் திட்டமிட்டுள்ளது. அந்த வகையில் அடுத்தடுத்து இரண்டு மின்சார எஸ்யுவிக்களை, மஹிந்திரா நிறுவனம் இந்திய சந்தையில் அறிமுகப்படுத்த உள்ளது. அந்த இரண்டு புதிய EVகளையும், இரண்டு புதிய பிராண்டுகளின் பெயரில் அறிமுகப்படுத்துகிறது. நவம்பர் 26 ஆம் தேதி, மஹிந்திரா INGLO EV கட்டமைப்பை அடிப்படையாகக் கொண்ட XE மற்றும் BE பிராண்டை வெளியிடுகிறது. XEV 9e மற்றும் BE 6e என அழைக்கப்படும் இவை இரண்டும் பிரீமியம் காம்பாக்ட் SUV EV பிரிவை இலக்காகக் கொண்ட கூபே SUVகள் ஆகும்.
வடிவமைப்பு விவரங்கள்:
இரண்டு கார் மாடல்களுமே அவற்றின் கான்செப்ட் அவதார்களைப் போலவே தோற்றமளிக்கின்றன. மற்றும் அவற்றின் ஆக்ரோஷமான வடிவமைப்புகளைத் தக்கவைத்துக் கொள்கின்றன. XUV700 இன் எலக்ட்ரிக் கூபே SUV அவதாரமான ஃபிளாக்ஷிப் XEV 9e ஐ விட, BE 6e சிறியதாக இருப்பது குறிப்பிடத்தக்கது
இரண்டுமே அடிப்பகுதியில் முற்றிலுமாக வேறுபட்டுள்ளன. அவர்களின் இண்டர்னெல் கம்பஸ்டன் இன்ஜின் எடிஷன்களிடம் இருந்து எதையும் பகிர்ந்து கொள்ளாமல் உள்ளன. இரண்டு கார்களிலும் பெரிய பேட்டரி பேக்குகள் இருக்கும் என்று எதிர்பார்க்கப்படுகிறது. சிறிய BE மிகவும் தீவிரமானதாகத் தெரிகிறது, ஆனால் XEV ஆனது XUV700 இலிருந்து வேறுபட்டு காட்சியளிக்கிறது.
பேட்டரி பேக் விவரங்கள்:
INGLO பவர்டிரெய்ன் ஒற்றை மற்றும் இரட்டை மோட்டார் அமைப்பைக் கொண்டிருக்கலாம். அதே நேரத்தில் உட்புறமானது இரட்டைத் திரைகளுடன் பல செயல்பாடுகளைக் கொண்ட சிறிய வடிவமைப்பு அமைப்பைக் கொண்டிருக்கும். XEV 9e இன் விவரக்குறிப்புகள் என்ன என்பதைப் பொறுத்து இருந்து பார்க்க வேண்டும். அதே நேரத்தில் BE ஒற்றை மற்றும் இரட்டை மோட்டார் விவரக்குறிப்பைப் பெறும் என்று எதிர்பார்க்கப்படுகிறது.
இந்த இரண்டு EV கார் மாடல்களும் இந்திய ஆட்டோமொபைல் சந்தையில், Tata Curvv EV மற்றும் வரவிருக்கும் EVகளான Hyundai Creta EV மற்றும் Maruti eVX போன்றவற்றுடன் போட்டியிடும். இவை அனைத்தும் பிரீமியம் காம்பாக்ட் SUV செக்மெண்டில் இடம்பெறுவது குறிப்பிடத்தக்கது. மஹிந்திராவைப் பொறுத்தவரை, இங்குள்ள சிறப்பம்சங்கள், கான்செப்ட் காரைப் போன்ற அற்புதமான வடிவமைப்பு உற்பத்தி வடிவிலும் இடம்பெற்றுள்ளது. இம்மாதம் 26ஆம் தேதி, XEV 9e மற்றும் BE 6e ஆகிய இரண்டு கார் மாடல்களும் சென்னையில் வெளியிடப்படவுள்ள நிலையில், கூடுதல் விவரங்கள் அப்போது அதிகாரப்பூர்வமாக அறிவிக்கப்பட உள்ளன.
தலைப்பு செய்திகள்
ட்ரெண்டிங் செய்திகள்
