Upcoming Compact SUV Cars: Tata முதல் Kia வரை.. கம்பீரமாக வரப்போகும் 5 காம்பேக்ட் எஸ்யூவி கார்கள் - இதான் லிஸ்ட்!
இந்தியாவில் அடுத்த 2 ஆண்டுகளில் சந்தையில் அறிமுகமாக உள்ள புதிய காம்பேக்ட் எஸ்யூவி கார்களின் பட்டியலை கீழே காணலாம்.
இந்தியாவில் வாடிக்கையாளர்களின் வசதியை கருத்தில் கொண்டு கார் நிறுவனங்கள் புதிய, புதிய கார்களை ஆண்டுதோறும் அறிமுகப்படுத்தி வருகிறது.
அந்த வகையில், இந்தியாவில் இந்தாண்டு மற்றும் அடுத்தாண்டான 2027ம் ஆண்டு சந்தையில் அறிமுகமாக உள்ள புதிய காம்பக்ட் எஸ்யூவி கார்களின் பட்டியலை கீழே காணலாம்.
1. Renault Mini Duster:
ரெனால்ட் நிறுவனத்தின் மிகவும் புகழ்பெற்ற கார் Duster. ரெனால்ட் நிறுவனம் விரைவில் அறிமுகப்படுத்த உள்ள கார் Renault Mini Duster ஆகும். டஸ்டர் காரில் உள்ள அதே வசதிகளை அப்டேட் வெர்சனாக இந்த காரில் அளிக்க உள்ளனர். 1.0 லிட்டர் டர்போ பெட்ரோல் எஞ்ஜின் இந்த காரில் பொருத்தப்பட உள்ளது.
2. VW Compact SUV:
வோக்ஸ்வோகன் நிறுவனம் விரைவில் இந்த காம்பக்ட் எஸ்யூவி காரை அறிமுகப்படுத்த உள்ளது. அடுத்தாண்டு இடைப்பகுதியில் இந்த கார் அறிமுகமாகும் என்று கருதப்படுகிறது. இந்த காரில் 1.0 லிட்டர் டிஎஸ்ஐ டர்போ பெட்ரோல் எஞ்ஜின் பொருத்தப்படும் என்று கருதப்படுகிறது. 114 பிஎச்பி மற்றும் 178 என்எம் டார்க் இழுதிறன் இந்த காரில் இருக்கும் என்று தகவல் வெளியாகியுள்ளது.
3. Tata Punch EV Facelift:
டாடா நிறுவனத்தின் வெற்றிகரமான படைப்பு Tata Punch. இந்த காரின் மின்சார வெர்சனிலே Tata Punch EV Facelift என்ற புதிய காரை அறிமுகப்படுத்த டாடா தயாராகி வருகிறது. ஹாரியர் இவி காரில் இருந்து உத்வேகம் பெற்று இந்த காரைத் தயாரித்து வருவதாக கூறப்படுகிறது. 25 கிலோவாட் மற்றும் 35 கிலோவாட் பேட்டரி பொருத்தப்பட்ட மின்சார கார்களாக இது உருவாக உள்ளது. அதிநவீன வசதிகளும், பாதுகாப்பு அம்சங்களும் இந்த காரில் இருக்கும் என்று கருதப்படுகிறது.
4. Hyundai Compact Electric SUV:
ஹுண்டாய் நிறுவனம் சந்தையில் அறிமுகப்படுத்த உள்ள புதிய கார் இந்த Hyundai Compact Electric SUV. மின்சார காரான இந்த கார் இந்தியாவிலே தயாரிக்கப்பட உள்ளது. இந்த கார் அடுத்தாண்டு சந்தைக்கு வரும் என்று கருதப்படுகிறது. இந்த கார் 2 வகையான பேட்டரிகள் கொண்ட காராக வரும் என்று எதிர்பார்க்கப்படுகிறது. 300 கிலோ மீட்டர் முதல் 350 கிலோமீட்டர் வரை மைலேஜ் தரும் ஆற்றல் கொண்ட காராக இந்த கார் சந்தையில் அறிமுகமாகும் என்று கருதப்படுகிறது.
5. Kia Syros EV:
கியா நிறுவனம் இந்தியாவில் குறைந்த காலத்திலே பிரபலமான கார். இவர்களின் வெற்றிகரமான கார் Kia Syros. இந்த காரின் மின்சார காராக Kia Syros EV கார் அறிமுகமாக உள்ளது. அதிநவீன கேபின் வசதிகள், நல்ல மைலேஜ், பாதுகாப்பு அம்சங்களுடன் இந்த கார் சந்தைக்கு வரும் என்று கருதப்படுகிறது.
மேலே கூறிய கார்கள் சந்தையில் அறிமுகமானால் மிகப்பெரிய தாக்கத்தை ஏற்படுத்தும் என்று எதிர்பார்க்கப்படுகிறது.
தலைப்பு செய்திகள்
ட்ரெண்டிங் செய்திகள்
