BJP executive cheating: இளம்பெண்களுக்கு மிரட்டல்! சிக்கிய ஆபாச வீடியோக்கள்! பாஜக நிர்வாகி கைது

தாம்பரம் அருகே திருமணம் செய்து கொள்வதாக இளம்பெண்களிடம்  ஆசை வார்த்தை கூறி, தனிமையில் இருக்கும் வீடியோவை வைத்து மிரட்டி பிஜேபி இளைஞர் அணி செயலாளர் பணம் பறித்த சம்பவம் அதிர்ச்சியை ஏற்படுத்தியுள்ளது.

தாம்பரம் அடுத்த செம்பாக்கம் பகுதியை சேர்ந்தவர் தமிழரசன். தனியார் சட்டகல்லூரியில் இறுதியாண்டு படித்து வரும் இவர் பிஜேபியில் செங்கல்பட்டு வடக்கு மாவட்ட இளைஞர் அணி செயலாளராகவும் இருந்து வருகிறார்.

இந்த நிலையில் காரமராஜபுரம் பகுதியை சேர்ந்த பெண் ஒருவரை கடந்த ஆறு ஆண்டு காலம் காதலித்து வந்துள்ளார். அதோடு அந்த பெண்ணை தனது வீட்டிற்க்கு அழைத்து சென்று பெற்றோர் உதவி உடன் திருமணம் செய்வதாக கூறி மூளை சலைவை செய்தவர் சிறிது சிறிதாக முப்பது லட்சம் ரூபாய் பணத்தையும்,15 சவரன் தங்க நகைகளையும் வாங்கியுள்ளார். 

இந்நிலையில் தமிழரசன் வைத்திருந்த laptop -ஐ அப்பெண் சோதனை செய்த போது இன்ஸ்டாகிராமில் பல பெண்களுடன் தொடர்பில் இருந்தது தெரியவந்துள்ளது. இது குறித்து அவரிடம் கேட்ட போது அப்பெண்ணையும் தனிமையில் இருக்கும் போது வீடியோ எடுத்து வைத்ததாக மிரட்டிய தமிழரசன் மீண்டும் பணத்தை பறித்துள்ளார். இச்சூழலில் சம்பந்தப்பட்ட அந்த பெண் பெற்றோரிடம் தெரிவித்ததால்  சிட்லப்பாக்கம் மகளிர் காவல் நிலையத்தில்  புகார் அளிக்கபட்டது. தமிழரசனை  கைது செய்த போலீசார் லாப்டாப் மற்றும் செல்போனில் சோதனை செய்ததில் 10க்கும் மேற்பட்ட பெண்களின் ஆபாச வீடியோக்கள் இருப்பது கண்டுபிடிக்கபடடது.

இதனைத் தொடர்ந்து ஆந்திராவை சேர்ந்த இளம் பெண்ணிடமும் திருமணம் செய்து கொள்வதாக ஆசை வார்த்தை கூறி ஐந்து லட்சம் ரூபாய் வரை பணத்தை மிர்ட்டி பறித்ததாக  அப்பெண் புகார் அளித்துள்ளார். இதனையடுத்து வழக்கு பதிவு செய்த போலீசார் தமிழரசனை  நீதிமன்றத்தில் ஆஜர்படுத்தி சிறையில் அடைத்தனர். மேலும் தமிழரசனால் எத்தனை பெண்கள் ஏமாற்றபட்டுள்ளனர் என்பது குறித்து போலீசார் விசாரித்து வருகின்றனர்.