Xiaomi 18 Pro: பக்கவாட்டில் இருந்து பார்த்தால் திரை கருப்பாகும்! வருகிறது புதிய Privacy Display!
Xiaomi 18 Pro Max: "ஷியோமி 18 ப்ரோவில் வருகிறது புதிய பிரைவசி டிஸ்ப்ளே, பக்கவாட்டில் பார்ப்பவர்களுக்கு திரை கருப்பாக மாறும்."
ஸ்மார்ட்போன் பயன்படுத்தும்போது அருகில் இருப்பவர்கள் திரையை எட்டிப் பார்ப்பதைத் தடுக்கும் வகையில், ஷியோமி நிறுவனம் புதிய Pixel-level Privacy Display தொழில்நுட்பத்தை அறிமுகப்படுத்தத் தயாராகி வருகிறது. வழக்கமான Privacy Tempered Glass அல்லது மென்பொருள் சார்ந்த திரை மறைப்பு முறைகளில் இருந்து முற்றிலும் மாறுபட்ட வகையில், இந்த தொழில்நுட்பம் டிஸ்ப்ளேவின் பிக்சல் அமைப்பிலேயே உருவாக்கப்பட்டுள்ளது. இந்த புதிய வசதி Xiaomi 18 Pro தொடரில் இடம்பெற உள்ளதாகத் தகவல்கள் வெளியாகியுள்ளன.
இந்த புதிய டிஸ்ப்ளே பேனலில் சாதாரண Wide-angle பிக்சல்களும், சிறப்பாக வடிவமைக்கப்பட்ட Narrow-angle Privacy பிக்சல்களும் 1:1 என்ற விகிதத்தில் மாற்றி மாற்றி அமைக்கப்பட்டுள்ளன. Privacy பிக்சல்களின் இடது மற்றும் வலது புறங்களிலும் மிக நுண்ணிய உடல் தடுப்புகள் (Microscopic Physical Baffles) பொருத்தப்பட்டுள்ளன. இதன் காரணமாக அந்த பிக்சல்களில் இருந்து வெளிப்படும் ஒளி குறிப்பிட்ட கோணத்திற்குள் மட்டுமே செல்லும் வகையில் கட்டுப்படுத்தப்படுகிறது.
வழக்கமான பயன்பாட்டின்போது இரண்டு வகையான பிக்சல்களும் செயல்படும். ஆனால், Privacy Mode இயக்கப்பட்டவுடன் சாதாரண பிக்சல்கள் அணைக்கப்பட்டு, தடுப்புகளுடன் கூடிய Privacy பிக்சல்கள் மட்டுமே ஒளிரும். இதனால் போனை நேராகப் பார்க்கும் பயனருக்கு திரை தெளிவாகத் தெரியும். அதே நேரத்தில், பக்கவாட்டில் இருந்து பார்ப்பவர்களுக்கு திரையின் வெளிச்சம் வெகுவாகக் குறையும்.
60 டிகிரிக்கு மேல் பார்த்தால் திரை கிட்டத்தட்ட கருப்பாகும்
இந்த தொழில்நுட்பத்தின் முக்கிய அம்சம் அதன் பார்வைக் கோணக் கட்டுப்பாடாகும். 60 டிகிரிக்கு மேல் பக்கவாட்டில் இருந்து திரையைப் பார்க்கும்போது, திரையின் வெளிச்சம் சுமார் 1 சதவீதம் வரை குறையும் என்று தெரிவிக்கப்பட்டுள்ளது. இதனால் பயனர் நேரடியாகப் பார்க்கும்போது வழக்கமான திரை அனுபவத்தைப் பெற முடியும்; அருகில் இருப்பவர்கள் பக்கவாட்டில் இருந்து திரையைப் பார்ப்பது மிகவும் கடினமாகிவிடும்.
வங்கி செயலிகள், தனிப்பட்ட உரையாடல்கள், கடவுச்சொற்கள் மற்றும் முக்கியமான தகவல்களை பொது இடங்களில் பயன்படுத்தும்போது இந்த வசதி கூடுதல் தனியுரிமையை வழங்கும் வகையில் உருவாக்கப்பட்டுள்ளது.
டிஸ்ப்ளே தரம் குறையாமல் இருக்க ‘SuperPixel 2.0’
Privacy Display தொழில்நுட்பம் கொண்ட திரைகளில் பொதுவாக Resolution அல்லது காட்சி தரம் பாதிக்கப்படலாம் என்ற எதிர்பார்ப்பு இருக்கும். ஆனால், அதனைத் தவிர்க்க ஷியோமி “SuperPixel 2.0” RGB Sub-pixel அமைப்பைப் பயன்படுத்தியுள்ளதாகக் கூறப்படுகிறது.
இந்த அமைப்பில் சுமார் 9.5 மில்லியன் Sub-pixels இடம்பெற்றுள்ளதாகத் தகவல் வெளியாகியுள்ளது. இதன் மூலம் பாரம்பரிய 2K டிஸ்ப்ளேவுக்கு இணையான தெளிவான காட்சியை வழங்கும் அதே நேரத்தில், 1.5K பேனலுக்கு நிகரான பேட்டரி பயன்பாட்டை வைத்திருக்க முயற்சி செய்யப்பட்டுள்ளது. மேலும், புதிய M11 Luminescent Material பயன்படுத்தப்பட்டுள்ள இந்த டிஸ்ப்ளே அதிகபட்சமாக 4,000 nits brightness மற்றும் BT.2020 colour coverage போன்ற அம்சங்களையும் கொண்டிருக்கும் என எதிர்பார்க்கப்படுகிறது.
AI மூலம் தானாக இயங்கும் Privacy Mode
இந்த பிரைவசி வசதியை பயனர்கள் விரைவாகக் கட்டுப்படுத்தும் வகையில் பல்வேறு Smart features வழங்கப்பட உள்ளதாகத் தெரிகிறது. Quick Settings மூலமாக Privacy Mode-ஐ உடனடியாக இயக்கலாம். அதேபோல், பிரத்யேக AI Button அல்லது Voice Command மூலமாகவும் இந்த வசதியை ஆன் அல்லது ஆஃப் செய்ய முடியும்.
குறிப்பிட்ட செயலிகள் மற்றும் இணையப் பக்கங்களைத் திறக்கும்போது Privacy Mode தானாகவே செயல்படும் வகையிலும் அமைத்துக்கொள்ள முடியும். குறிப்பாக Banking Apps அல்லது தனிப்பட்ட Chat பயன்பாடுகளுக்கு இந்த வசதி பயனுள்ளதாக இருக்கும்.
உற்றுப் பார்ப்பவர்களையும் கண்டறியும் வசதி
இதனுடன், போனின் முன்புற கேமரா மற்றும் சென்சார்களைப் பயன்படுத்தி, அருகில் அல்லது பின்னால் இருந்து யாராவது திரையைப் பார்க்கிறார்களா என்பதைக் கண்டறியும் Shoulder-surfing Detection வசதியும் இடம்பெறலாம் எனக் கூறப்படுகிறது.
யாராவது திரையை உற்றுப் பார்ப்பது கண்டறியப்பட்டால் பயனருக்கு எச்சரிக்கை வழங்குவது அல்லது பக்கவாட்டில் இருந்து தெரியும் திரைப் பகுதியை தானாக இருட்டாக்குவது போன்ற நடவடிக்கைகள் மேற்கொள்ளப்படலாம்.
இடத்துக்கு ஏற்ப Privacy Mode-ஐ மாற்றலாம்
Privacy Mode-ஐ குறிப்பிட்ட இடங்களுக்கு ஏற்ப தானாக இயக்கும் வசதியும் எதிர்பார்க்கப்படுகிறது. உதாரணமாக, அலுவலகம் அல்லது பொது இடங்களில் இந்த அம்சம் தானாக செயல்படும்படி Location Trigger அமைக்கலாம். அதே நேரத்தில், வீட்டில் இருக்கும் போது Privacy Mode தானாக முடக்கப்படும்படி அமைத்துக்கொள்ளும் வசதியும் வழங்கப்படலாம்.
செப்டம்பர் 23 அறிமுகம் – உலக சந்தைக்கு வருமா?
Xiaomi 18 Pro தொடர் செப்டம்பர் 23ஆம் தேதி சீனாவில் அதிகாரப்பூர்வமாக அறிமுகமாகும் என எதிர்பார்க்கப்படுகிறது. புதிய Pixel-level Privacy Display தொழில்நுட்பம் இந்த தொடரின் முக்கிய கவனம் பெறும் அம்சங்களில் ஒன்றாக இருக்கலாம். இதுதவிர, போனின் பின்புறத்தில் இடம்பெற உள்ளதாகக் கூறப்படும் Secondary Rear Display குறித்த எதிர்பார்ப்பும் அதிகரித்துள்ளது.
எனினும், இந்த புதிய Smart Privacy Display தொழில்நுட்பம் கொண்ட Xiaomi 18 Pro மாடல்கள் சீனாவுக்கு வெளியே, குறிப்பாக சர்வதேச சந்தைகளில் அறிமுகமாகுமா என்பது இன்னும் தெளிவாகவில்லை. ஷியோமியின் அதிகாரப்பூர்வ அறிவிப்புக்குப் பிறகே இதுகுறித்த முழுமையான தகவல்கள் தெரியவரும்.
தலைப்பு செய்திகள்
ட்ரெண்டிங் செய்திகள்
