மேலும் அறிய

Dual Screen Phone: அடேங்கப்பா.. செம்மல்ல!! இருபுறமும் திரை.. சாம்சங் ஸ்மார்ட்ஃபோன் வருது விரைவில்..

அதாவது முன்பக்கம் ஒரு திரையும் , வெளிப்படையாக பின்பக்கம் ஒரு திரையும் இந்த மொபைலில் இடம்பெறும் என கூறப்படுகிறது.

Written By : அபிநயா எஸ் அருள்குமார் | Updated at : 28 Aug 2022 02:25 PM (IST)

சாம்சங்

பிரபல சாம்சங் மொபைல் இருபுறமும் திரை கொண்ட மொபைல்போனை உருவாக்கி வருவதாக செய்திகள் வெளியாகியுள்ளது.

இரட்டை திரைக்கொண்ட சாம்சங் மொபைல் :

பிரபல சாம்சங் நிறுவனம் சாம்சங்கின் சமீபத்திய மடிக்கக்கூடிய ஸ்மார்ட்போன்களான Galaxy Z Fold 4 மற்றும் Galaxy Z Flip 4 ஆகிய இரண்டையும் அறிமுகப்படுத்தியது . இந்த நிலையில் சாம்சங்கின் இரட்டை திரை கைபேசிக்கான காப்புரிமை விண்ணப்பம் உலக அறிவுசார் சொத்து அலுவலகத்தில் (WIPO) பதிவு செய்யப்பட்டிருப்பது கண்டுபிடிக்கப்பட்டிருக்கிறது. கடந்த ஜனவரி மாதம் இது தாக்கல் செய்யப்பட்டிருக்கிறது.SamMobile இன் சமீபத்திய அறிக்கையின்படி, சாம்சங் இரட்டை திரை கொண்ட ஸ்மார்ட்போனில் வேலை செய்வதாக கூறப்படுகிறது. அதாவது முன்பக்கம் ஒரு திரையும் , வெளிப்படையாக பின்பக்கம் ஒரு திரையும் இந்த மொபைலில் இடம்பெறும் என கூறப்படுகிறது. இது குறித்த அறிவிப்பை சாம்சங் விரைவில் வெளியிடும் என எதிர்பார்க்கலாம்.

Dual Screen Phone: அடேங்கப்பா.. செம்மல்ல!! இருபுறமும் திரை.. சாம்சங் ஸ்மார்ட்ஃபோன் வருது விரைவில்..

Samsung Galaxy Z Fold 4:

Samsung Galaxy Z Fold 4 மற்றும் Samsung Galaxy Z Flip 4 ஆகியவை இந்த மாத தொடக்கத்தில் உலகளவில் அறிமுகப்படுத்தப்பட்டன. இரட்டை சிம் (நானோ) Samsung Galaxy Z Fold 4 ஆனது ஆண்ட்ராய்டு 12L அடிப்படையிலான One UI 4.1.1 இல் இயங்கும் முதல் ஸ்மார்ட்போன் ஆகும், இது மடிக்கக்கூடியவை உட்பட பெரிய திரை அனுபவங்களுக்காக உருவாக்கப்பட்டுள்ளது. இந்த ஸ்மார்ஃபோனானது குவால்காம் ஸ்னாப்டிராகன் 8+ Gen 1 SoC ஐப் பெறுகிறது, இது 12ஜிபி ரேம் தரத்துடன் இணைக்கப்பட்டுள்ளது. ஸ்மார்ட்போன் 4,400mAh இரட்டை பேட்டரியைக் கொண்டுள்ளது.சாம்சங் அதன் 25W சார்ஜருடன் கிடைக்கும் . சார்ஜரை தனியாக வாங்கிக்கொள்ள வேண்டியது அவசியம்.

Samsung Galaxy Z Flip 4:

இதே போல Samsung Galaxy Z Flip 4 ஆனது Android 12 இல் OneUI 4.1.1 உடன் இயங்குகிறது. இது 6.7-இன்ச் முதன்மை முழு-எச்டி+ டைனமிக் AMOLED 2X இன்ஃபினிட்டி ஃப்ளெக்ஸ் டிஸ்ப்ளே கொண்டுள்ளது. கிளாம்ஷெல் மடிக்கக்கூடிய ஸ்மார்ட்போன் குவால்காம் ஸ்னாப்டிராகன் 8+ Gen 1 SoC மூலம் இயக்கப்படுகிறது, இது 8GB RAM உடன் இணைக்கப்பட்டுள்ளது. சாம்சங் கேலக்ஸி Z Flip 4 இல் 3,700mAh பேட்டரியை வழங்கியுள்ளது, இது 25W வேகமான சார்ஜிங்கை ஆதரிக்கிறது. Galaxy Z Flip 4 ஆனது IPX8 நீர் எதிர்ப்பிற்காக மதிப்பிடப்பட்டது மற்றும் சாம்சங்கின் ஆர்மர் அலுமினியத்தால் ஆனது.

மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்

Published at : 28 Aug 2022 03:37 PM (IST)

Tags :

Samsung Smartphone Dual Screen Phone