Apple Watch-ல் கூகுள் மேப்பை பயன்படுத்தலாம்! இந்த ஸ்டெப்ஸ்லாம் ஃபாலோ பண்ணுங்க!

உண்மையில் ஆப்பிள் வாட்சில் கூகுள் மேப் வசதி இருக்கிறது . ஆனால் மொபைலை ஒப்பிடும்போது அதில் சில மாற்றங்கள் இருக்கலாம்.

ஆப்பிள் வாட்ச்

ஆப்பிள் வாட்சினை பயன்படுத்தும் பலருக்கு அதில் கூகுள் மேப்பினை எப்படி பயன்படுத்துவது என்பது தெரிவதில்லை. அதோடு சிலர் வாட்சில் கூகுள் மேப் வசதி இல்லை என நினைத்துக்கொண்டிருக்கின்றனர். உண்மையில் ஆப்பிள் வாட்சில் கூகுள் மேப் வசதி இருக்கிறது . ஆனால் மொபைலை ஒப்பிடும்போது அதில் சில மாற்றங்கள் இருக்கலாம். கீழ்கண்ட வழிமுறைகளை பயன்படுத்தி ஆப்பிள் வாட்சில் கூகுள் மேப்பை பயன்படுத்த கற்றுக்கொள்ளுங்கள்.

ஆப்பிள் வாட்சில் கூகுள் மேப்பை பயன்படுத்துவதற்கு முன்பு இதை தெரிந்துக்கொள்ளுங்கள்:

ஆப்பிள் வாட்சை பொறுத்தவரையில் நேரடியாக ஒரு புதிய இடத்தை உள்ளிட முடியாது என்பதை நினைவில் கொள்ளுங்கள். அதற்கு பதிலாக நீங்கள் உங்களது ஐபோனைத்தான் பயன்படுத்த வேண்டும்.அதில் உங்களது தற்போதையை இடத்தையும் , சென்று சேரவேண்டிய இடத்தின் லொக்கேஷனையும் பதிவிட்ட  பிறகு  வாட்சில் உள்ள வழிமுறைகளை நீங்கள் பயன்படுத்தாலம். மற்றொரு விஷயத்தை நினைவில் கொள்ளுங்கள்  ஆப்பிள் வாட்சில் வரைபடம் கிடையாது . ஆனால் லொக்கேஷனுக்கான தூரம் எவ்வளவு இருக்கிறது. பயண நேரம் எவ்வளவு , திசைக்கான அம்புக்குறி இவற்றையெல்லாம் காண முடியும்.

இதையெல்லாம் உறுதி செய்துக்கொள்ளுங்கள் :

• உங்கள் ஆப்பிள் வாட்சானது WatchOS 5 அல்லது அதற்கு மேற்பட்ட இயங்குதள பதிப்புடன் இருக்க வேண்டும்.
• அதேபோல உங்கள் ஐபோனானது IOS10 அல்லது அதற்கு மேற்ப்பட்ட இயங்குதள பதிப்புடன் இருக்க வேண்டியது அவசியம். 
• அடுத்ததாக இரண்டு டிவைசிலும் ப்ளூடூத் வசதி ஆக்டிவாக இருக்க வேண்டும்.
• அதே போல ஆப்பிள் வாட் மற்றும் ஐபோனில் லொக்கேஷனை ஆன் செய்து வைத்துக்கொள்ளுங்கள். வாட்சின் லொக்கேஷனை மொபைல் மூலமாகவே ஆக்டிவ் செய்யலாம் . அதற்கு settings-->privacy---> locatiom --->services-->google maps என்னும் வசதியை பயன்படுத்தலாம். இதை செய்தால்தான் இந்த சேவையை நீங்கள் பயன்படுத்த முடியும்.

 

சிலர் தினமும் ஒரே லொகேஷனுக்கு சென்று வர வேண்டியிருக்கும் அவர்கள் சேமிக்கப்பட்ட இலக்கு வசதியை பயன்படுத்தலாம். அதற்கு  உங்கள் ஆப்பிள் வாட்சில் , கூகுள் மேப் வசதியை திறக்க வேண்டும்.

• அதில் home அல்லது work  என்னும் வசதியை க்ளிக் செய்ய வேண்டும்.
•  அதன் பிறகு படிப்படியான வழிமுறைகளை உங்கள் வாட்சில் பெறலாம்

வேறு லொக்கேஷனை மாற்ற விரும்பினால் இந்த வழிமுறைகளை பின்பற்ற வேண்டும் :

• உங்கள் ஐபோனில் கூகுள் மேப்ஸை திறக்க வேண்டும் .
• அதில் நேவிக்கேஷனை தொடங்குங்கள்.
• அதன் பிறகு உங்கள் ஆப்பிள் வாட்சை எடுத்து அதில்  கூகுள் மேப்பை திறந்துக்கொள்ளுங்கள்.
• அதில் current trip என்னும் வசதிக்கு கீழ் உள்ள  ETA என்னும் வசதியை க்ளிக் செய்து மாற்றிக்கொள்ளலாம்.