TNPL Auction 2025: தொடங்கியது TNPL ஏலம்.. எந்த வீரர்கள் எந்ததெந்த அணிக்கு போறாங்கன்னு தெரியுமா.?

TNPL Auction 2025: தமிழ்நாடு ப்ரீமியர் லீக் கிரிக்கெட் போட்டிகளுக்கான வீரர்கள் ஏலம் தொடங்கியது. முக்கிய வீரர்களை எந்தெந்த அணிகள் வாங்கியுள்ளன என தெரிந்துகொள்ளலாம்.

டிஎன்பிஎல் ஏலம் 2025

Source : @TNPremierLeague

தமிழ்நாட்டில், முன்னணி லீக் போட்டிகளில் ஒன்றான டிஎன்பிஎல் எனப்படும் தமிழ்நாடு ப்ரீமியர் லீக் கிரிக்கெட் போட்டிகனின் 9-வது சீசனுக்கான வீரர்கள் ஏலம் தொடங்கியது. இதில், பிரபலமான முன்னணி கிரிக்கெட் வீர்ர்கள் ஏலத்தில் எடுக்கப்பட்டு, எந்தெந்த அணிகளில் இடம்பிடிக்கப் போகிறார்கள் என்பதை பார்க்கலாம்.

விஜய் சங்கரை வாங்கிய சேப்பாக் சூப்பர் கில்லீஸ்

தமிழ்நாட்டில், பிரபலமான அணிகளில் ஒன்றாக விளங்குவது, சேப்பாக் சூப்பர் கில்லீஸ். இன்று ஏலம் தொடங்கியதும், முதல் வீரராக ஏலத்திற்கு விடப்பட்ட, ஆல் ரவுண்டரான விஜய் சங்கரை சேப்பாக் சூப்பர் கில்லீஸ் அணி தன் வசமாக்கியது. திண்டுக்கல் டிராகன்ஸ், மதுரை பேந்த்தர்ஸ் மற்றும் சேப்பாக் சூப்பர் கில்லீஸ் இடையே கடும் போட்டி நிலவிய நிலையில், விஜய் சங்கரை 18 லட்சம் ரூபாய் கொடுத்து வாங்கியது சேப்பாக் சூப்பர் கில்லீஸ். 

இதேபோல், ஸ்வப்னில் சிங்கை 10.80 லட்சம் ரூபாய்க்கு ஏலத்தில் எடுத்தது சேப்பாக் சூப்பர் கில்லீஸ்.

வாஷிங்டன் சுந்தரை வாங்கிய திருச்சி கிராண்ட் சோழாஸ்

இதேபோல், பிரபல இந்திய கிரிக்கெட் வீரர் வாஷிங்டன் சுந்தரை ஏலத்தில் எடுத்தது திருச்சி கிராண்ட் சோழாஸ். அவரை 6 லட்சம் ரூபாய் கொடுத்து வாங்கியுள்ளது திருச்சி கிராண்ட் சோழாஸ். சமீபத்தில் நடந்த இங்கிலாந்துக்கு எதிரான டி20 தொடரில் சிறப்பான ஆட்டத்தை வெளிப்படுத்திய வாஷிங்டன் சுந்தர், திருச்சி கிராண்ட் சோழாஸ் அணிக்கு நிச்சயம் பலமாக அமைவார்.

ஆல் ரவுண்டர் கவுஷிக் ஜெ-வை 8 லட்சம் ரூபாய் கொடுத்து வாங்கியுள்ளது திருச்சி கிராண்ட் சோழாஸ். இதேபோல், கடந்த முறை அணியில் இருந்த சரவண குமாரை, மீண்டும் 8.4 லட்சம் ரூபாய் கொடுத்து இந்த அணி வாங்கியுள்ளது.

கடும் போட்டிக்கிடையே ஆல் ரவுண்டர் முகமது-வை வாங்கிய சேலம் ஸ்பார்டன்ஸ்

தற்போது நடைபெறும் ஏலத்தில், இதுவரை அதிக விலைக்கு ஏலம் எடுக்கப்பட்டுள்ள வீரராக மாறியுள்ளார் முகமது. எம். ஆல் ரவுண்டரான இவரை, கடும் போட்டிக்கிடையே சேலம் ஸ்பார்டன்ஸ் அணி 18.4 லட்சம் ரூபாய் கொடுத்து வாங்கியுள்ளது.

இதேபோல், அதிரடி பேட்ஸ்மேனான ஹரி நிஷாந்த்தை 12 லட்சம் ரூபாய் கொடுத்து வாங்கியது சேலம் ஸ்பார்டன்ஸ்.

ஏலத்தில் எடுக்கப்பட்ட மற்ற வீரர்கள்

• வேகப்பந்து வீச்சாளர் பெரியசாமி. ஜி-யை ரூ.9.8 லட்சத்திற்கும், மான் கே பாஃப்னாவை ரூ.5.7 லட்சத்திற்கும் வாங்கியது திண்டுக்கல் டிராகன்ஸ் அணி.
• இடது கை டாப் ஆர்டர் பேட்ஸ்மேனான அனிருத் சீதா ராமை மதுரை பேந்த்தர்ஸ் அணி ரூ.6.2 லட்சத்திற்கு ஏலம் எடுத்தது.
• வேகப்பந்து வீச்சாளர் அஜய் கிருஷ்ணனை ரூ.4.4 லட்சத்திற்கு வாங்கியது நெல்லை ராயல் கிங்ஸ்.
• வேகப்பந்து வீச்சாளர் ஆர். சிலம்பரசனை ரூ.9 லட்சம் கொடுத்து வாங்கியது திருப்பூர் தமிழன்ஸ் அணி.