Sania Mirza - Shoaib Malik : சானியா மிர்ஸா - ஷோயப் மாலிக் பிரிவு வெறும் வதந்திதானா? மிஸ் யூ சொன்ன ஷோயப்..

ஈகைத் திருநாளன்று தனது மனைவி சானியா மிர்ஸாவுடன் சேர்ந்து கொண்டாட முடியாததற்கான காரணங்களை தெரிவித்தார் பாகிஸ்தான் கிரிக்கெட் வீரர் ஷோயப் மலிக்.

சானியா, ஷோயப், இஷான்

அண்மைக் காலங்களில் பிரபல டென்னிஸ் வீரர் சானியா மிர்ஸா மற்றும் அவரது கணவராகிய முன்னாள் பாகிஸ்தான் கிரிக்கெட் கேப்டன் ஷோயப் மாலிக் ஆகிய இருவரும் விவாகரத்து செய்துக்கொள்ளப் போவதாக இணையதளத்தில் செய்திகள் பரவத் தொடங்கின. இந்த வதந்திகள் தொடர்பாக இருவர் சார்பிலும் எந்த விளக்கமும்  அளிக்கப்படவில்லை . மேலும் சானியா தனது சமூக வலைதளப் பக்கத்தில் பகிர்ந்த சில பதிவுகள் ஒருவேளை இந்த வதந்திகள் உண்மையாக இருக்கலாம் என்கிற சந்தேகத்தை ரசிகர்கள் மத்தியில் ஏற்படுத்தின. இந்த சந்தேகங்களுக்கு, கடந்த ரமலான் பண்டிகையை இவர்கள் இருவரும் சேர்ந்து கொண்டாமல் இருந்தது வலுசேர்த்தது.

இந்த வதந்திகள் குறித்து தற்போது பதில் அளித்துள்ளார்  ஷோயப் மலிக். இருவருக்கும் அவர் அவருக்கான வேலைச்சுமை அதிகம் இருந்ததே ரமலான் பண்டிகையை சேர்ந்து கொண்டாட முடியாமல் போனதற்கான காரணம் என்று அவர் தெரிவித்தார்.தற்போது ஐ.பி. எல் கிரிக்கெட் போட்டி நடந்துவருவதால் அதில் சானியா நிகழ்ச்சி ஒன்றை எடுத்து நடத்தி வருவதால் அவருக்கு போதிய நேரம் இல்லாத காரணத்தினால் மட்டுமே அவரால் தனது குடும்பத்துடன் நேரம் செலவிட முடியவில்லை என்பதே உண்மையான காரணம் என ஷோயப் தெரிவித்துள்ளார்.

மேலும்  அவர் தாங்கள் இருவரும்  நிறைவேற்ற வேண்டிய கடமைகள் நிறைய இருக்கின்றன, என்றாலும்  மனதிற்கு நெருக்கமானவர்கள் உடன் செர்ந்து கொண்டாடும் இது போன்ற ஒரு நல்ல நாளில்தான் சானியாவை ரொம்பவும் மிஸ் செய்வதாக கூறியுள்ளார்.

2010 எப்ரல் 12 இல் சானியா மிர்ஸாவிற்கும் ஷோயப் மலிக்கிற்கும் திருமணம் நடை பெற்றது. 2018  அக்டோபரில் இவர்கள் இருவருக்கும் மகன் (இஷான்) பிறந்தார். சில மாதங்களுக்கு முன்பு இவர்கள் இருவரும் விவாகரத்து செய்துகொள்ளப் போவதாக வெளியான செய்தி  இணையத்தில் பரவலாக பேசப்பட்டது. இந்த தகவல் குறித்த எந்த விளக்கமும் இந்த தம்பதியிடமிருந்து வராத வேளையில் ஷோயப் மற்றும் சானியா முறையாக விவாகரத்து பெற்றுவிட்டதாகவும் அதை பற்றி கூடுதலான தகவலை தன்னால் பகிர முடியாது எனவும் ஷோயபின்  நெருங்கிய நண்பர் தெரிவித்தார். இதனால் இவர்கள் ரசிகர்கள் பெரும் குழப்பத்திற்கு உள்ளானார்கள்.

சானியாவின் சமூக வலைதளப் பதிவுகள்

 இதற்கிடையில், அன்மைக் காலங்களில் சானியா தனது டிவிட்டர் பக்கத்தில்  நிறைய  பதிவுகளை போட்டு வருகிறார்.இவை அனைத்தும் பெரும்பாலும் பிரிவு தொடர்பான பதிவுகள். இது அவரின் திருமணம் முடியப்போவதற்கான அறிகுறிகளாக அவரது  ரசிகர்களால் புரிந்துகொள்ளப் படுகிறது. தனது பிறந்த நாளுக்கு பின், சில தினங்கள் கழித்து  சானியா பிரிவு குறித்தான நீண்ட கவிதை ஒன்றை பகிர்ந்திருக்கிறார். இந்த கவிதைதான் சில நாட்களுக்கு இணையதளத்தில் பேசுபொருளாக இருந்தது.