Pro Kabaddi League: மீண்டும் சறுக்கிய தமிழ் தலைவாஸ்; யு - மும்பா அணியிடம் 13 புள்ளிகள் வித்தியாசத்தில் தோல்வி

Pro Kabaddi League: தமிழ் தலைவாஸ் அணி இந்த போட்டி தொடங்குவதற்கு முன்னதாக 10வது இடத்தில் இருந்தது, ஆனால் இந்த போட்டி முடிந்த பின்னர்  11வது இடத்திற்குச் சென்றுள்ளது.

தமிழ் தலைவாஸ் - யு மும்பா அணிகளுக்கு இடையிலான போட்டியின்போது

Pro Kabaddi League: 

12 அணிகள் களமிறங்கி நாள் ஒன்றிற்கு 2 போட்டிகள் என மிகவும் விறுவிறுப்பாக நடந்து வரும் ப்ரோ கபடி சீசன் 10 மிகச் சிறப்பாகவும் பரபரப்பாகவும் சென்றுகொண்டு உள்ளது. இந்நிலையில் இன்று அதாவது டிசம்பர் 17ஆம் தேதி இரண்டு போடிகள் நடைபெற்றது. இதில் இரண்டாவது போட்டியில் தமிழ் தலைவாஸ் அணியும் - யு மும்பா அணியும் மோதிக்கொண்டது. புனேவில் நடைபெற்ற போட்டியில் மிகவும் சிறப்பாக இரு அணிகளும் கிட்டத்தட்ட போர் நடத்தியது என்றே கூறவேண்டும். 

பலமான யு-மும்பா அணி தொடக்கம் முதலே விளையாடி தமிழ் தலைவாஸ் அணியை எதிர்கொண்டது மட்டும் இல்லாமல் ஆதிக்கம் செலுத்த ஆரம்பித்தது. முதல் பாதி முடிந்தபோது இரு அணிகளில் யு-மும்பா அணி கிட்டத்தட்ட 11 புள்ளிகள் முன்னிலையில் இருந்தது. முதல் பாதியில் யு - மும்பா அணி முன்னிலை வகித்ததால் இரண்டாம் பாதியில் வந்த புள்ளிகளை தங்கள் பக்கம் அள்ளிப்போட்டபடி சிறப்பாக விளையாடினர். பெரும்பாலான நேரங்களில் நேரத்தை விரையம் செய்வதிலேயே அதிக கவனம் செலுத்தி வந்தனர். 

இதனால் தமிழ் தலைவாஸ் அணியால் யு - மும்பா அணியை நெருங்கவே முடியவில்லை. இறுதியில் போட்டியில் யு-மும்பா அணி 46 புள்ளிகள் பெற்று 13 புள்ளிகள் வித்தியாசத்தில் வெற்றி பெற்றது. தமிழ் தலைவாஸ் அணி 33 புள்ளிகள் மட்டுமே எடுத்தது. இந்த தோல்விக்குப் பின்னர் தமிழ் தலைவாஸ் அணி இந்த போட்டி தொடங்குவதற்கு முன்னதாக 10வது இடத்தில் இருந்தது, ஆனால் இந்த போட்டி முடிந்த பின்னர்  11வது இடத்திற்குச் சென்றுள்ளது. யு-மும்பா அணி 9வது இடத்தில் இருந்து 10வது இடத்திற்குச் சறுக்கியுள்ளது.