![ABP Premium](https://cdn.abplive.com/imagebank/Premium-ad-Icon.png)
Tokyo Olympics | டோக்கியோ பாராலிம்பிக் : நடப்பு பாராலிம்பிக் சாம்பியனை வீழ்த்தி பவினா அரையிறுதிக்கு தகுதி !
டோக்கியோ பாராலிம்பிக் மகளிர் டேபிள் டென்னிஸ் போட்டியில் இந்தியாவின் பவானி பட்டேல் காலிறுதிச் சுற்றில் செர்பியா வீராங்கனையை எதிர்த்து விளையாடினார்.
![Tokyo Olympics | டோக்கியோ பாராலிம்பிக் : நடப்பு பாராலிம்பிக் சாம்பியனை வீழ்த்தி பவினா அரையிறுதிக்கு தகுதி ! Tokyo paralympics: Women's Table tennis class 4 India's Bhavina patel beats World no2 and Defending champion Rankovic in quarterfinals Tokyo Olympics | டோக்கியோ பாராலிம்பிக் : நடப்பு பாராலிம்பிக் சாம்பியனை வீழ்த்தி பவினா அரையிறுதிக்கு தகுதி !](https://feeds.abplive.com/onecms/images/uploaded-images/2021/08/27/694650faed106c13dabf634b3e1e4d2e_original.jpg?impolicy=abp_cdn&imwidth=1200&height=675)
டோக்கியோ பாரலிம்பிக் தொடரின் மூன்றாவது நாளான இன்று, டேபிள் டென்னிஸ் விளையாட்டில் இந்தியாவின் பவினாபென் விளையாடினார். காலை நடைபெற்ற போட்டியில் பிரேசில் வீராங்கனை ஒலிவிரா ஜாய்ஸை எதிர்த்து அவர் போட்டியிட்டார். இந்த போட்டியில் 3-0 என்ற கேம் கணக்கில் பவினாபென் போட்டியை வென்று காலிறுதிக்கு முன்னேறினார்.
இந்நிலையில் காலிறுதிப் போட்டியில் அவர் உலக தரவரிசையில் இரண்டாம் நிலை வீராங்கனையான செர்பியா நாட்டின் பெரிக் ரென்கோவிக்கை எதிர்த்து விளையாடினார். இதில் முதல் கேமை 11-5 என்ற கணக்கில் பவினா பட்டேல் வென்றார். அதன்பின்னர் இரண்டாவது கேமையும் 11-6 என்ற கணக்கில் வென்று அசத்தினார். இதனால் 2-0 என முன்னிலை பெற்றார்.
ஆகவே மூன்றாவது கேமை வென்றால் போட்டியை வெற்றி பெறலாம் என்ற வலுவான நிலையில் இருந்தார். இதைத் தொடர்ந்து நடைபெற்ற மூன்றாவது கேமில் சிறப்பான ஆட்டத்தை தொடர்ந்த பவினா பட்டேல் 11-7 என்ற கணக்கில் வென்றார். இதனால் 11-5,11-6,11-7 என்ற கணக்கில் உலக தரவரிசையில் இரண்டாவது இடத்தில் இருந்த செர்பிய வீராங்கனையை தோற்கடித்தார். அத்துடன் அரையிறுதி போட்டிக்கு முன்னேறி அசத்தியுள்ளார். மேலும் 2016ஆம் ஆண்டு ரியோ பாராலிம்பிக் போட்டியில் கிளாஸ் 4 பிரிவு டேபிள் டென்னிஸ் போட்டியின் சாம்பியனான பெரிக் ரென்கோவிக்கை வீழ்த்தி பெரும் சாதனையை படைத்துள்ளார்.
#Tokyo2020 #Paralympics #ParaTableTennis
— Sports For All (@sfanow) August 27, 2021
RIO PARALYMPICS GOLD MEDAL WINNER AND WORLD #2 KNOCKED OUT BY @BhavinaPatel6!
Straight game win for #BhavinaPatel who has now earned a spot in the final 4! 11-7, 3rd game! #SheIsGold
Final Score: 🇮🇳3-0🇷🇸#MoreAlike #AbJeetegaIndia
முன்னதாக டோக்கியோ பாராலிம்பிக் போட்டிகளில் இந்தியாவின் சோனல் பட்டேல் டேபிள் டென்னிஸ் கிளாஸ் 3 பிரிவில் பங்கேற்று இருந்தார்.முதல் குரூப் போட்டியில் சோனல் பட்டேல் 11-9, 3-11, 17-15, 7-11, 4-11 என்ற கணக்கில் சீனாவின் கியூ லீ யிடம் தோல்வி அடைந்தார்.இரண்டாவது குரூப் போட்டியில் சோனல் பட்டேல் தென்கொரியாவின் மீ குயூ லீயை எதிர்த்து விளையாடினார். அதில் 12-10,5-11,3-11,8-11 என்ற கணக்கில் தோல்வி அடைந்தார். இரண்டு குரூப் போட்டிகளிலும் தோல்வி அடைந்ததால் அவர் நாக் அவுட் சுற்று போட்டிகளுக்கு தகுதிபெறும் வாய்ப்பை அவர் இழந்தார்.
தலைப்பு செய்திகள்
ட்ரெண்டிங் செய்திகள்
![ABP Premium](https://cdn.abplive.com/imagebank/metaverse-mid.png)
![வினய் லால்](https://cdn.abplive.com/imagebank/editor.png)