Paris Olympics 2024: பாரீஸ் ஒலிம்பிக்..31 தங்கங்களுடன் சீனா முதல் இடம்! இந்தியாவுக்கு எத்தனையாவது இடம் தெரியுமா?
பாரீஸ் ஒலிம்பிக்கில் 31 தங்கப்பதக்கம் 25 வெள்ளிப்பதக்கம் மற்றும் 20 வெண்கலப்பதக்கங்கள் என 76 பதக்கங்களுடன் சீனா முதல் இடத்தில் இருக்கிறது.
பாரீஸ் ஒலிம்பிக் 2024:
பாரீஸ் ஒலிம்பிக் தொடர் கடந்த ஜூலை 26 ஆம் தேதி தொடங்கியது. அந்தவகையில் தற்போது இந்த தொடர் இறுதிக்கட்டத்தை எட்டியுள்ளது. இதில் இந்தியா சார்பில் மொத்தம் 117 வீரர்கள் பங்கேற்றனர். அதே நேரம் மனு பாக்கர், சரப்ஜோத் சிங், ஸ்வப்னில் குசலே, ஹாக்கி இந்தியா மற்றும் நீரஜ் சோப்ரா ஆகியோர் இந்தியாவிற்கு பதக்கம் வென்று கொடுத்துள்ளனர்.
சீனா முதலிடம்:
இதில் 31 தங்கப்பதக்கம் 25 வெள்ளிப்பதக்கம் மற்றும் 20 வெண்கலப்பதக்கங்கள் என 76 பதக்கங்களுடன் சீனா முதல் இடத்தில் இருக்கிறது. இரண்டாவது இடத்தில் 30 தங்கபதக்கம் 38 வெள்ளிப்பதக்கம் மற்றும் 35 வெண்கலப்பதக்கம் என மொத்தம் 103 பதக்கங்களுடன் அமெரிக்கா இரண்டாவது இடத்தில் இருக்கிறது.
ஆஸ்திரேலியா 18 தங்கம், 14 வெள்ளி மற்றும் 14 வெண்கலப் பதக்கம் என்று மொத்தமாக 46 பதக்கங்கள் வென்று பதக்கப்பட்டியலில் 3ஆவது இடத்தில் உள்ளது.
பாரீஸ் ஒலிம்பிக் தொடரில் கடந்த டோக்கியோ ஒலிம்பிக் தொடரை விட ஒவ்வொரு நாடுகளும் குறைவான எண்ணிக்கையில் பதக்கங்களை வென்றுள்ளது ரசிகர்களை சோகத்தில் ஆழ்த்தியுள்ளது. இதற்கு அங்குள்ள வெப்பநிலையும் ஒரு காரணமாக சொல்லப்படுகிறது. அதோடு, பாரீஸ் ஒலிம்பிக் தொடரில் இடம் பெற்ற வீரர், வீராங்கனைகளுக்கு போதுமான வசதிகள் செய்து கொடுக்கப்படவில்லை என்ற குற்றச்சட்டும் எழுந்துள்ளது.
முன்னதாக இந்தியா தங்களது வீரர், வீராங்கனைகளுக்கு உதவும் வகையில் 40 குளிர்சாதனங்களை வழங்கியிருந்தது குறிப்பிடத்தக்கது. கடந்த டோக்கியோ ஒலிம்பிக் தொடரில் ஒரு தங்கம், 2 வெள்ளி மற்றும் 4 வெண்கலப் பதக்கங்களை வென்ற இந்தியா இந்த முறை ஒரு தங்கம் கூட வெல்லவில்லை என்பது கவனிக்கத்தக்கது.
மேலும் படிக்க: Paris Olympics 2024: அர்சாத் நதீமும் என்னுடைய மகன் தான்.. நீரஜ் சோப்ராவின் தாயார் உருக்கம்!
மேலும் படிக்க: Paris Olympics 2024: ஸ்ரீஜேஷ் ஓய்வு..ரசிகையாக சோகம்.. மனைவியாக மகிழ்ச்சி! ஸ்ரீஜேஷின் மனைவி அனீஷ்யா
தலைப்பு செய்திகள்
ட்ரெண்டிங் செய்திகள்
