RR Vs SRH, IPL 2024: பிளே-ஆஃப் வாய்ப்பை உறுதி செய்யுமா ராஜஸ்தான்? ஹாட்ரிக் தோல்வியை தவிர்க்குமா ஐதராபாத்?
RR Vs SRH, IPL 2024: ஐபிஎல் தொடரின் இன்றைய முதல் லீக் போட்டியில் ராஜஸ்தான் மற்றும் ஐதராபாத் அணிகள் மோத உள்ளன.
RR Vs SRH, IPL 2024: ராஜஸ்தான் மற்றும் ஐதராபாத் அணிகள் மோத உள்ள போட்டி, இரவு 7.30 மணிக்கு ராஜிவ் காந்தி சர்வதேச மைதானத்தில் நடைபெற உள்ளது.
ஐபிஎல் தொடர் 2024:
இந்திய கிரிக்கெட் திருவிழாவான ஐபிஎல் தொடரின் 17வது சீசன் கோலாகலமாக தொடங்கி நடைபெற்று வருகிறது. ஏற்கனவே 49 லீக் போட்டிகள் நடந்து முடிந்துள்ள நிலையில், இன்றைய போட்டியில் சஞ்சு சாம்சன் தலைமையிலான ராஜஸ்தான் ராயல்ஸ் மற்றும் பேட் கம்மின்ஸ் தலைமையிலான சன்ரைசர்ஸ் ஐதராபாத் ஆகிய அணிகள் மோத உள்ளன.
ராஜஸ்தான் - ஐதராபாத் மோதல்:
தெலங்கானா மாநிலம் ஐதராபாத்தில் உள்ள ராஜிவ் காந்தி சர்வதேச மைதானத்தில், இரவு 7.30 மணிக்கு இப்போட்டி தொடங்குகிறது. ராஜஸ்தான் அணி இதுவரை விளையாடிய 9 போட்டிகளில் ஒன்றில் மட்டுமே தோல்விகண்டு, 16 புள்ளிகளுடன் புள்ளிப்பட்டியலில் முதலிடத்தில் உள்ளது. இன்றைய போட்டியில் வெற்றி பெற்றால், நடப்பு தொடரில் பிளே-ஆஃப் சுற்றுக்கு தகுதி பெற்ற முதல் அணியாக ராஜஸ்தான் இருக்கும்.
ஐதராபாத் அணியோ 9 போட்டிகளில் விளையாடி 5 வெற்றிகளுடன் புள்ளிப்பட்டியலில் ஐந்தாவது இடத்தில் உள்ளது. அதேநேரம், நடப்பு தொடரில் கடைசியாக விளையாடிய இரண்டு போட்டிகளிலும் தோல்வியுற்றது. இதனால் ஹாட்ரிக் தோல்வியை தவிர்க்கும் நோக்கில் ஐதராபாத் அணி இன்று களமிறங்குகிறது. எனவே இந்த போட்டியில் பரபரப்பிற்கு பஞ்சமிருக்காது. போட்டியின் நேரலையை தொலைக்காட்சியில் ஸ்டார் ஸ்போர்ட்ஸ் அலைவரிசையிலும், ஒடிடியில் ஜியோ சினிமா செயலியிலும் ரசிகர்கள் கண்டுகளிக்கலாம்.
பலம், பலவீனங்கள்:
உள்ளூர் மைதானத்தில் களமிறங்குவது ஐதராபாத் அணிக்கு முக்கிய பலமாக பார்க்கப்படுகிறது. அதோடு டிராவிஸ் ஹெட், அபிஷேக் சர்மா, கிளாசென், மார்க்ரம் என பேட்ஸ்மேன்கள் அதிரடியான ஃபார்மில் உள்ளனர். அதேநேரம், கடைசி இரண்டு போட்டிகளிலும் மேற்குறிப்பிடப்பட்ட வீரர்கள் ரன்களை குவிக்க தவறினர். அதோடு, சேஸிங் என்பது அந்த அணிக்கு பிரச்னையாகவே தொடர்கிறது. பேட்ஸ்மேன்கள் அதிரடி காட்டினாலும், மறுபுறம் ஐதராபாத் பந்துவீச்சாளர்கள் அதிகப்படியான ரன்களை விட்டுக் கொடுத்து வருகின்றனர். மறுபுறம் ராஜஸ்தான் அணியில் பட்லர், ஜெய்ஷ்வால், சாம்சன் மற்றும் ரியன் பராக் ஆகிய அதிரடி பேட்ஸ்மேன்கள் நல்ல ஃபார்மில் உள்ளனர். பந்துவீச்சில் போல்ட், சந்திப் சர்மா, சாஹல் மற்றும் அஷ்வின் ஆகியோர் எதிரணிக்கு கடும் நெருக்கடி கொடுக்கின்றனர்.
நேருக்கு நேர்:
ஐபிஎல் வரலாற்றில் இதுவரை இரு அணிகளும் 18 முறை நேருகு நேர் மோதியுள்ளன. அதில் ராஜஸ்தான் மற்றும் ஐதராபாத் ஆகிய அணிகள் தலா 9 முறை வெற்றி பெற்றுள்ளன. ஐதராபாத் அணிக்கு எதிராக ஒரு போட்டியில் ராஜஸ்தான் அணி அதிகபட்சமாக 202 ரன்களையும், குறைந்தபட்சமாக 102 ரன்களையும் பதிவு செய்துள்ளது. அதேநேரம், ராஜஸ்தான் அணிக்கு எதிராக ஒரு போட்டியில் ஐதராபாத் அணி அதிகபட்சமாக 217 ரன்களையும், குறைந்தபட்சமாக 127 ரன்களையும் பதிவு செய்துள்ளது.
ஐதராபாத் மைதானம் எப்படி?
ஐதராபாத்தில் உள்ள ராஜீவ் காந்தி சர்வதேச மைதானம், பேட்ஸ்மேன்களால் விரும்பப்படும் ஒன்றாகும். இந்த மேற்பரப்பில் ரன்கள் எளிதாகக் கிடைக்கும். முதலில் பேட்டிங்கை தேர்ந்தெடுத்து, பெரிய இலக்கை நிர்ணயிப்பது வெற்றிக்கு உதவும்.
உத்தேச அணி விவரங்கள்:
ராஜஸ்தான்: யஷஸ்வி ஜெய்ஸ்வால், ஜோஸ் பட்லர், சஞ்சு சாம்சன், ரியான் பராக், துருவ் ஜூரல், ரவிச்சந்திரன் அஷ்வின், ஷிம்ரோன் ஹெட்மியர், ரோவ்மன் பவல், டிரெண்ட் போல்ட், அவேஷ் கான், யுஸ்வேந்திர சாஹல்
ஐதராபாத்: அபிஷேக் சர்மா, டிராவிஸ் தலைவர், ஐடன் மார்க்ராம், ஹென்ரிச் கிளாசென், நிதிஷ் குமார் ரெட்டி, அப்துல் சமத், ஷாபாஸ் அகமது, பாட் கம்மின்ஸ், புவனேஷ்வர் குமார், மயங்க் மார்கண்டே, ஜெய்தேவ் உனத்கட்
தலைப்பு செய்திகள்
ட்ரெண்டிங் செய்திகள்
