IPL Points Table: மும்பையை போட்டுதாக்கிய குஜராத்.. 2வது இடத்திற்கு ஏற்றம்..! புள்ளிப்பட்டியலில் ஏற்பட்ட மாற்றம் என்ன?
ஐ.பி.எல். தொடரில் நேற்று குஜராத் அணி பெற்ற த்ரில் வெற்றி, புள்ளிப்பட்டியலில் என்ன தாக்கத்தை ஏற்படுத்தியுள்ளது என்பதை இந்த தொகுப்பில் அறியலாம்.
ஐ.பி.எல். தொடரில் நேற்று குஜராத் அணி பெற்ற த்ரில் வெற்றி, புள்ளிப்பட்டியலில் என்ன தாக்கத்தை ஏற்படுத்தியுள்ளது என்பதை இந்த தொகுப்பில் அறியலாம்.
ஐபிஎல் சீசன்:
16வது ஐ.பி.எல். சீசன் கடந்த மாதம் 31ம் தேதி தொடங்கி கோலாகலமாக நடைபெற்று வருகிறது. 3 ஆண்டுகளுக்குப் பிறகு ஐ.பி.எல். அணிகள் தங்களது சொந்த மண்ணில் உள்ளூர் ரசிகர்களுக்கு முன்னிலையில் விளையாடி வருகின்றன. இதனால் போட்டிகளை காண மைதானங்களில் மட்டுமின்றி தொலைக்காட்சி முன்னிலையிலும் மற்றும் ஆன்லைன் ஸ்டிரீமிங் தளங்களிலும் ரசிகர்கள் குவிந்து வருகின்றனர். இதுவரை 35 லீக் போட்டிகள் நடந்து முடிந்துள்ள நிலையில், பிளே ஆஃப் சுற்றுக்கு தகுதிபெற அடிப்படையான புள்ளிப்பட்டியலில் முதல் 4 இடங்களை பிடிப்பதற்காக 10 அணிகளும் முட்டி மோதி வருகின்றன.
நேற்றைய போட்டி:
நரேந்திர மோடி மைதானத்தில் நடைபெற்ற நேற்றைய லீக் போட்டியில் பாண்ட்யா தலைமையிலான குஜராத் டைட்டனஸ் அணி, ரோகித் சர்மா தலைமையிலான மும்பை இந்தியன்ஸ் அணியை 55 ரன்கள் வித்தியாசத்தில் வீழ்த்தி அபார வெற்றி பெற்றது. குஜராத் அணி நிர்ணயித்த 208 ரன்கள் என்ற இலக்கை எட்ட முடியாமல், 152 ரன்கள் மட்டுமே எடுத்து மும்பை அணி தோல்வியை தழுவியது. இதன் மூலம் புள்ளிப்பட்டியலில் ஏற்பட்டுள்ள மாற்றங்கள் என்ன என்பதை இந்த தொகுப்பில் அறியலாம்.
புள்ளிப்பட்டியல்:
| அணிகள் | போட்டிகள் | வெற்றி | தோல்வி | புள்ளிகள் |
| சென்னை | 7 | 5 | 2 | 10 |
| குஜராத் | 7 | 5 | 2 | 10 |
| ராஜஸ்தான் | 7 | 4 | 3 | 8 |
| லக்னோ | 7 | 4 | 3 | 8 |
| பெங்களூரு | 7 | 4 | 3 | 8 |
| பஞ்சாப் | 7 | 4 | 3 | 8 |
| மும்பை | 7 | 3 | 4 | 6 |
| கொல்கத்தா | 7 | 2 | 5 | 4 |
| ஐதராபாத் | 7 | 2 | 5 | 4 |
| டெல்லி | 7 | 2 | 5 | 4 |
முதல் நான்கு இடங்களில் யார்?
சென்னை அணி நடப்பு தொடரில் 7 போட்டிகளில் விளையாடி 5 வெற்றிகளுடன் புள்ளிப்பட்டியலில் 10 புள்ளிகளுடன் முதலிடத்தில் நீடிக்கிறது. நேற்றைய அபார வெற்றியின் மூலம் 10 புள்ளிகளுடன் குஜராத் அணி இரண்டாவது இடத்திற்கு முன்னேறியுள்ளது. ராஜஸ்தான், லக்னோ, பெங்களூரு மற்றும் பஞ்சாப் ஆகிய அணிகள் தலா 4 வெற்றிகளுடன் புள்ளிப்பட்டியலில் அடுத்தடுத்த இடங்களை பிடித்துள்ளன. முன் எப்போதும் இல்லாத அளவில் அணிகளுக்கு இடையே முதல் 4 இடங்களை பிடிக்க கடும் போட்டி நிலவி வரும் நிலையில், ரன் ரேட் முக்கிய பங்காற்றி வருகிறது. பிளே-ஆஃப் சுற்றுக்குள் எந்த அணிகள் நுழையும் என்பதையும் இந்த முறை ரன் ரேட் தான் நிர்ணயிக்கும் என கருதப்படுகிறது.
மற்ற அணிகளின் நிலை:
மும்பை அணி 3 வெற்றிகளுடன் புள்ளிப்பட்டியலில் 7வது இடத்தில் நீடிக்க கொல்கத்தா, ஐதாராபாத் மற்றும் டெல்லி ஆகிய அணிகள் தலா 4 புள்ளிகள் உடன், புள்ளிப்பட்டியலில் முறையே 8 முதல் 10வது இடங்களில் நீடிக்கின்றன.
இன்றைய போட்டி:
சின்னசாமி மைதானத்தில் நடைபெற உள்ள இன்றைய லீக் போட்டியில் டூப்ளெசிஸ் தலைமையிலான ராயல் சேலஞ்சர்ஸ் பெங்களூரு அணியுடன் ராணா தலைமையிலான கொல்கத்தா நைட் ரைடர்ஸ் அணி மோத உள்ளது. இதில் பெங்களூரு அணி அபார வெற்றி பெற்றால், புள்ளிப்பட்டியலில் அதிகபட்சம் 3வது இடம் வரையில் முன்னேறலாம். கொல்கத்தா அணி வெற்றி பெற்றால் புள்ளிப்பட்டியலில் 7வது இடத்திற்கு முன்னேற முடியும்.
தலைப்பு செய்திகள்
ட்ரெண்டிங் செய்திகள்
