MI vs LSG Score LIVE:அபார பந்துவீச்சு.. சொதப்பிய மும்பை.. 5 ரன்கள் வித்தியாசத்தில் லக்னோ வெற்றி

ஐபிஎல் தொடரில் இன்று நடைபெறும் முக்கிய லீக் போட்டியில், மும்பை இந்தியன்ஸ் மற்றும் லக்னோ சூப்பர் ஜெயண்ட்ஸ் அணிகள் மோத உள்ளன.

Background

ஐபிஎல் தொடரில் இன்று நடைபெறும் முக்கிய லீக் போட்டியில், மும்பை இந்தியன்ஸ் மற்றும் லக்னோ சூப்பர் ஜெயண்ட்ஸ் அணிகள் மோத உள்ளன. இந்த போட்டி இந்திய நேரப்படி இரவு 7.30 மணிக்கு தொடங்குகிறது.

ஐபிஎல் சீசன்:

நடப்பாண்டு ஐபிஎல் தொடர் பரபரப்பான இறுதி கட்டத்தை நெருங்கியுள்ளது. 62 லீக் போட்டிகள் முடிந்த பிறகும் இதுவரை குஜராத் டைட்டன்ஸ் அணி மட்டுமே அதிகாரப்பூர்வமாக பிளே-ஆஃப் சுற்றுக்கு தகுதி பெற்றுள்ளது. முன்னணியில் இருந்த மற்ற அணிகள் கூட அடுத்தடுத்த தோல்விகளால் தங்களுக்கான இடத்தை உறுதிப்படுத்த முடியாமல் தவித்து வருகின்றன. இந்நிலையில் தான் இன்று நடைபெறும் லீக் போட்டி, முக்கியத்துவம் வாய்ந்ததாக கருதப்படுகிறது.

லக்னோ - மும்பை மோதல்:

லக்னோவில் உள்ள ஏக்னா மைதானத்தில் இன்று நடைபெறும் தொடரின் 63வது லீக் போட்டியில், ரோகித் சர்மா தலைமையிலான மும்பை இந்தியன்ஸ் அணியும், க்ருணால் பாண்ட்யா தலைமையிலான லக்னோ சூப்பர் ஜெயண்ட்ஸ் அணிகளும் மோத உள்ளன. இன்றைய போட்டியில் வெற்றி பெற்றால், பிளே ஆஃப் சுற்றில் தங்களுக்கான இடத்தை உறுதிப்படுத்த முடியும் என்பதால், வெற்றிக்காக இரு அணிகளும் கடுமையாக மல்லு கட்டும் என எதிர்பார்க்கப்படுகிறது. தோல்வியுற்றால், பிளே-ஆஃப் சுற்று வாய்ப்பை இழக்கவும் வாய்ப்புள்ளது. இதனால், இரு அணி ரசிகர்களுக்கும் இந்த போட்டியின் மீதான எதிர்பார்ப்பு அதிகரித்துள்ளது. போட்டியின் நேரலையை ஸ்டார் ஸ்போர்ட்ஸ் தொலைக்காட்சி அலைவரிசையிலும், ஜியோ சினிமா செயலியிலும் ரசிகர்கள் கண்டுகளிக்கலாம்.

மும்பை அணி நிலவரம்:

ஆரம்பத்தில் வழக்கம்போல் அடுத்தடுத்த தோல்விகளை சந்தித்தாலும், சுதாரித்துக்கொண்ட மும்பை அணி அபாரமான ஆட்டத்தை வெளிப்படுத்தி வருகிறது. நடப்பு தொடரில் இதுவரை 12 போட்டிகளில் விளையாடி, 7 போட்டிகளில் வென்று புள்ளிப்பட்டியலில் 3ம் இடத்தில் நீடிக்கிறது. இன்றையை போட்டியில் வெற்றி பெற்றால், மும்பை அணி புள்ளிப்பட்டியலில் இரண்டாவது இடத்திற்கு முன்னேறும் என்பது குறிப்பிடத்தக்கது. கடைசியாக விளையாடிய லீக் போட்டியில் வலுவான குஜராத் அணியை வீழ்த்திய நம்பிக்கையுடன், மும்பை அணி இன்று களமிறங்குகிறது. எவ்வளவு பெரிய இலக்கை கொடுத்தாலும் துரத்தி அடிக்கும் அளவிற்கு மும்பை அணியின் பேட்டிங் வலுவாக உள்ளது. அதேநேரம், பேட்ஸ்மேன்கள் எவ்வளவு பெரிய ஸ்கோரை எதிரணிக்கு இலக்காக நிர்ணயித்தாலும் அதை விட்டுக்கொடுக்கும் அளவிற்கு மோசமான பந்துவீச்சு இருப்பது தான் மும்பை அணியின் பலவீனமாக உள்ளது. ஐந்துமுறை சாம்பியனான மும்பை அணி கடந்த இரண்டு ஆண்டுகளாக பிளே-ஆஃப் சுற்றிற்கு கூட தகுதி பெறாத நிலையில், நடப்பு தொடரில் அந்த நிலையை மாற்றும் என எதிர்பார்க்கப்படுகிறது.

லக்னோ அணி நிலவரம்:

லக்னோ அணி ஆரம்பத்தில் தொடர் வெற்றிகளை குவித்து வந்தாலும், கடந்த சில போட்டிகளில் அந்த அணி வெற்றி, தோல்விகளை மாறி மாறி பெற்று வருகிறது. அந்த அணியின் கேப்டன் கே. எல். ராகுல் காயம் காரணமாக தொடரிலிருந்து விலகியதும் இதற்கு காரணமாக பார்க்கப்படுகிறது. இதுவரை 12 போட்டிகளில் விளையாடி 6 வெற்றி மற்றும் ஒரு டிராவுடன், 13 புள்ளிகள் பெற்று புள்ளிப்பட்டியலில் நான்காவது இடத்தில் நீடிக்கிறது. இன்றையை போட்டியில் வெற்றி பெற்றால், லக்னோ அணி புள்ளிப்பட்டியலில் இரண்டாவது இடத்திற்கு முன்னேற வாய்ப்புள்ளது. கடைசியாக விளையாடிய லீக் போட்டியில் ஐதராபாத் அணியை வீழ்த்திய உத்வேகத்துடன், லக்னோ அணி இன்று களமிறங்குகிறது. பேட்டிங் மற்றும் பந்துவீச்சு என இரண்டிலும் நட்சத்திர வீரர்கள் பலர் இருந்தாலும், அவர்கள் தொடர்ந்து நிலையான ஆட்டத்தை வெளிப்படுத்தாதே அந்த அணியின் பலவீனமாக கருதப்படுகிறது. இந்நிலையில், உள்ளூர் மைதானத்தில் நடைபெறும் இன்றைய போட்டியில், லக்னோ வீரர்கள் ஜொலிப்பார்களா என்பதை பொறுத்து இருந்து தான் பார்க்க வேண்டும்.

மைதானம் எப்படி?

ஏக்னா மைதானம் பெரும்பாலும் சுழற்பந்துவீச்சாளர்களுக்கு சாதகமாகவே அமைகிறது. கடந்த 3 ஆண்டுகளில் அங்கு மொத்தமாக 30 டி-20 போட்டிகள் நடைபெற்றுள்ளன. அதில் வீழ்த்தப்பட்ட விக்கெட்டுகளில் 53% சுழற்பந்துவீச்சாளர்கள் தான் எடுத்துள்ளனர். கடைசியாக அங்கு விளையாடிய 5 லீக் போட்டிகளில் மூன்றில், முதலில் விளையாடிய அணி தான் வெற்றி பெற்றுள்ளது. இதனால் டாஸ் வெல்லும் அணி முதலில் பந்துவீச்சை தேர்வு செய்யவே விரும்பும்.

நேருக்கு நேர்?

இரு அணிகளும் இதுவரை இரண்டு முறை நேருக்குநேர் சந்தித்துள்ளன. இந்த இரண்டு போட்டிகளிலும் லக்னோ சூப்பர் ஜெயண்ட்ஸ் அணியே வெற்றிபெற்றது.

லக்னோ சூப்பர் ஜெயண்ட்ஸ் உத்தேச அணி:

குயின்டன் டி காக் (விக்கெட் கீப்பர்), கைல் மேயர்ஸ், க்ருனால் பாண்டியா (கேப்டன்), பிரேராக் மன்கட், மார்கஸ் ஸ்டோனிஸ், நிக்கோலஸ் பூரன், அமித் மிஸ்ரா, யாஷ் தாக்கூர், ரவி பிஷ்னோய், யுத்வீர் சிங் சரக், அவேஷ் கான்

மும்பை இந்தியன்ஸ் உத்தேச அணி :

ரோஹித் சர்மா (கேப்டன்), இஷான் கிஷன் (விக்கெட் கீப்பர்), சூர்யகுமார் யாதவ், நேஹால் வதேரா, விஷ்ணு வினோத், டிம் டேவிட், கேமரூன் கிரீன், கிறிஸ் ஜோர்டான், பியூஷ் சாவ்லா, ஜேசன் பெஹ்ரன்டோர்ஃப், குமார் கார்த்திகேயா

23:35 PM (IST)  •  16 May 2023

லக்னோ அபாரம்..

மும்பை அணியை 5 ரன்கள் வித்தியாசத்தில் வீழ்த்தி லக்னோ அணி அபார வெற்றி பெற்றது

23:27 PM (IST)  •  16 May 2023

கடைசி 6 பந்துகள்..

மும்பை அணி வெற்றி பெற கடைசி 6 பந்துகளில் 11 ரன்கள் தேவை