![ABP Premium](https://cdn.abplive.com/imagebank/Premium-ad-Icon.png)
FIFA Awards 2023: இது ஏழாவது முறை.. சிறந்த ஃபிபா கால்பந்து வீரருக்கான விருதை வென்றார் மெஸ்ஸி..!
கடந்த ஆண்டு கால்பந்தில் சிறப்பாக பங்காற்றிய சிறந்த வீரர்கள், வீராங்கனைகள் மற்றும் கோல் கீப்பர்கள் பெயர்கள் ஃபெடரேஷன் இன்டர்நேஷனல் டி ஃபுட்பால் அசோசியேஷன் ( ஃபிபா) பரிந்துரைக்கப்பட்டது.
![FIFA Awards 2023: இது ஏழாவது முறை.. சிறந்த ஃபிபா கால்பந்து வீரருக்கான விருதை வென்றார் மெஸ்ஸி..! FIFA Awards 2023 full list Lionel Messi wins FIFA Best Men Player award Alexia Putellas Best Women Player check details FIFA Awards 2023: இது ஏழாவது முறை.. சிறந்த ஃபிபா கால்பந்து வீரருக்கான விருதை வென்றார் மெஸ்ஸி..!](https://feeds.abplive.com/onecms/images/uploaded-images/2023/02/28/d9b8cb1a3f6514ca2d42a202866fedd71677566998192571_original.jpg?impolicy=abp_cdn&imwidth=1200&height=675)
கடந்த ஆண்டு இறுதியில் கத்தாரில் பரபரப்பாக நடைபெற்ற கால்பந்தாட்ட உலகக்கோப்பை தொடரின் இறுதிப்போட்டியில், பெனால்டி ஷூட் அவுட் முறையில் பிரான்சை வீழ்த்தி மெஸ்ஸி தலைமையிலான அர்ஜெண்டினா அணி மூன்றாவது முறையாக உலகக்கோப்பையை கைப்பற்றியது.
உலகளவில் கோடிக்கணக்கான ரசிகர்களை கொண்ட மெஸ்ஸி தனது கடைசி உலகக்கோப்பை தொடரிலாவது, கோப்பையை கைப்பற்றுவாரா என எதிர்பார்க்கப்பட்ட நிலையில், விறுவிறுப்பான போட்டியில் சிறப்பான பங்களிப்பு அளித்து கோப்பையை கைப்பற்றினார் மெஸ்ஸி. மைதானத்தில் 80 ஆயிரத்திற்கும் அதிகமானோரும், தொலைக்காட்சி மற்றும் இணையம் மூலமாக கோடிக்கணக்கான ரசிகர்களும் இந்த போட்டியை கண்டுகளித்தனர்.
இந்த போட்டிக்கு பிறகு கோல்டன் பூட் விருது எம்பாப்பேவுக்கும், தொடர் நாயகனுக்கான கோல்டன் பால் விருது அர்ஜெண்டினா கேப்டன் மெஸ்ஸிக்கு வழங்கப்பட்டது. அதேபோல், சிறந்த கோல்கீப்பருக்கான கோல்டன் கிளௌவ் விருது அர்ஜெண்டினா கோல்கீப்பர் எமிலியானோ மார்டினெஸ்க்கு வழங்கப்பட்டது.
இதையடுத்து, கடந்த ஆண்டு கால்பந்தில் சிறப்பாக பங்காற்றிய சிறந்த வீரர்கள், வீராங்கனைகள் மற்றும் கோல் கீப்பர்கள் பெயர்கள் ஃபெடரேஷன் இன்டர்நேஷனல் டி ஃபுட்பால் அசோசியேஷன் ( ஃபிபா) பரிந்துரைக்கப்பட்டது.
இந்த வாக்கெடுப்பில் ஃபிபா அமைப்பின் 211 உறுப்பு நாடுகள், பத்திரிக்கையாளர்கள், கேப்டன்கள், அணி வீரர்கள், பயிற்சியாளர்கள் மற்றும் ரசிகர்கள் என அனைவரும் மூலம் வாக்களித்தனர்.
சிறந்த ஃபிபா ஆடவர் வீரருக்கு இறுதி பட்டியலில் பிரான்சின் எம்பாப்பே, கரின் பென்சிமா மற்றும் லியோனல் மெஸ்ஸி ஆகியோர் தேர்வானவர்கள். வாக்குகளின் அடிப்படையில் எம்பாப்பே மற்றும் கரின் பென்சிமா ஆகியோரை தோற்கடித்து அர்ஜெண்டினா கேப்டன் லியோனல் மெஸ்ஸி ஃபிபா சிறந்த வீரராக தேர்வு செய்யப்பட்டார். இதன் மூலம், சிறந்த வீரருக்கான ஃபிபா விருதை லியோனல் மெஸ்ஸி 7வது முறையாக பெற்றார்.
#TheBest of #TheBest 🏆 pic.twitter.com/U2ZxPq2aux
— FIFA World Cup (@FIFAWorldCup) February 27, 2023
பாரிஸ் நடந்த ஃபிபா விருது வழங்கும் விழாவில் மறைந்த கால்பந்து வீரர் பீலேவுக்கு அஞ்சலி செலுத்தப்பட்டது.
முழு பட்டியல் விவரம்:
சிறந்த வீரர் - லியோனல் மெஸ்ஸி (அர்ஜெண்டினா)
சிறந்த வீராங்கனை - அலெக்ஸியா புட்டல்லாஸ் (ஸ்பெயின்)
சிறந்த பயிற்சியாளர் - லயோனல் ஸ்கோனி
சிறந்த மகளிர் பயிற்சியாளர் - சரினா வீக்மேன்
சிறந்த கோல்கீப்பர் - எமிலியானோ மார்டினெஸ்
சிறந்த மகளிர் கோல்கீப்பர் - மேரி ஏர்ப்ஸ்
தலைப்பு செய்திகள்
ட்ரெண்டிங் செய்திகள்
![ABP Premium](https://cdn.abplive.com/imagebank/metaverse-mid.png)
![வினய் லால்](https://cdn.abplive.com/imagebank/editor.png)