TNPL 2023: டிஎன்பிஎல்லில் முதல் முறையாக ஏலம்.. தக்கவைத்துகொண்ட வீரர்கள்.. 70 லட்சம் தொகை.. முழுவிவரம்!

டிஎன்பிஎல் 2023 ம் ஆண்டிற்கான ஏலம் வருகிற பிப்ரவரி மாதம் 23 மற்றும் 24ம் தேதிகளில் மகாபலிபுரத்தில் உள்ள ஐடிசி கென்சஸ் ஹோட்டலில் நடைபெறும் என தமிழ்நாடு கிரிக்கெட் சங்கம் அறிவித்துள்ளது.

சேப்பாக் சூப்பர் கில்லீஸ்

தமிழ்நாடு கிரிக்கெட் சங்கம் சார்பில் கடந்த 2016ம் ஆண்டு முதல் தமிழ்நாடு பிரிமீயர் லீக் போட்டிகள் நடத்தப்பட்டு வருகிறது. இந்த தொடரானது இதுவரை 6 சீசன்களாக நடந்து முடிந்தநிலையில், 7வது சீசனானது வருகிற ஜூன் மற்றும் ஜூலை மாதங்களில் நடைபெற இருக்கிறது. மொத்தம் இந்த தொடரில் 8 அணிகள் பங்கேற்கும் நிலையில், இதுவரை நடத்தப்பட்ட போட்டிகளில் வீரர்கள் டிராஃப்ட் முறையில், இந்த வருடம் ஐபிஎல் போன்று வீரர்கள் ஏலத்தில் அடிப்படையில் தேர்வு செய்யப்பட இருக்கின்றனர். 

ஏலம்: 

இந்தசூழலில் டிஎன்பிஎல் 2023 ம் ஆண்டிற்கான ஏலம் வருகிற பிப்ரவரி மாதம் 23 மற்றும் 24ம் தேதிகளில் மகாபலிபுரத்தில் உள்ள ஐடிசி கென்சஸ் ஹோட்டலில் நடைபெறும் என தமிழ்நாடு கிரிக்கெட் சங்கம் அறிவித்துள்ளது. இதுதொடர்பாக தமிழ்நாடு கிரிக்கெட் சங்கம் வெளியிட்ட அறிக்கையில், “ டிஎன்பிஎல்-லில் பங்கேற்கும் ஒவ்வொரு அணியும் ஏற்கனவே 2 வீரர்களை தக்கவைத்து கொண்டுள்ளனர். மற்ற வீரர்கள் அனைவரும் ஏலத்தில் இடம் பெறுவார்கள். மொத்தம் 942 வீரர்களை கொண்டு நடத்தப்படும் இந்த ஏலத்தில் 4 பிரிவுகளாக பிரிக்கப்பட்டுள்ளன. 

விலை பிரிவு:

• ஏ பிரிவுக்கு ரூ.10 லட்சம் (சர்வதேச போட்டிகளில் விளையாடிய வீரர்கள்)
• B பிரிவுக்கு ரூ. 6 லட்சம் (பிசிசிஐ மூத்த உள்நாட்டுப் போட்டிகளில் விளையாடிய வீரர்கள்)
• C பிரிவுக்கு ரூ. 3 லட்சம் (பிரிவு A அல்லது B இல் இல்லாத ஆனால் 30 TNPL போட்டிகளுக்கு மேல் விளையாடிய வீரர்கள்)
• D பிரிவு வீரருக்கு ரூ. 1.50 லட்சம் வகை (மற்ற வீரர்கள்)

தக்கவைப்பதற்கான காலக்கெடு ஜனவரி 30, 2023 ஆகும்.

அணிகள் தக்கவைத்துள்ள வீரர்கள் பட்டியல்:

சேப்பாக் சூப்பர் கில்லீஸ் - (மீதமுள்ள இருப்பு தொகை: ரூ.61,00,000)

• என்.ஜெகதீசன் - பி பிரிவு
• சசிதேவ்.யு - சி பிரிவு

திண்டுக்கல் டிராகன்ஸ் - (மீதமுள்ள இருப்பு தொகை: ரூ.60,00,000)

• ரவிசந்திரன் அஸ்வின்- ஏ பிரிவு 

ஐட்ரீம் திருப்பூர் தமிழன்ஸ் - (மீதமுள்ள இருப்பு தொகை: ரூ.68,50,000)

• துஷார் ரஹேஜா - டி பிரிவு 

LYCA கோவை கிங்ஸ் - (மீதமுள்ள இருப்பு தொகை: ரூ.62,50,000)

• ஷாருக் கான்  - பி பிரிவு
• சுரேஷ் குமார் -  டி பிரிவு

நெல்லை ராயல் கிங்ஸ் - (மீதமுள்ள இருப்பு தொகை: ரூ.62,50,000)

• அஜிதேஷ் -  பி பிரிவு
• கார்த்திக் மணிகண்டன்  -  டி பிரிவு

ரூபி திருச்சி வாரியர்ஸ் - (மீதமுள்ள இருப்பு தொகை: ரூ.64,00,000)

• ஆண்டனி தாஸ் - பி பிரிவு

சேலம் ஸ்பார்டன்ஸ் - (மீதமுள்ள இருப்பு தொகை: ரூ.67,00,000)

• கணேஷ் மூர்த்தி  - சி பிரிவு

Siechem மதுரை பாந்தர்ஸ் - (மீதமுள்ள இருப்பு தொகை: ரூ.68,50,000

• கௌதம் - டி பிரிவு

ஏலத்தில் பங்கேற்கும் ஒவ்வொரு அணியும் 70 லட்சத்தை மொத்த தொகையாக கொண்டே, தங்கள் அணிக்கான வீரர்களை ஏலம் எடுக்க வேண்டும். 8 அணிகளும் ஏலத்தில் குறைந்தபட்சம் 16 வீரர்களிலிருந்து, அதிகபட்சமாக 20 வீரர்களை தேர்வு செய்யலாம்.