IND Vs IRE Live: 33 ரன்கள் வித்தியாசத்தில் அபார வெற்றி... தொடரை கைப்பற்றியது இந்தியா..!
IND Vs IRE 2nd T20 Live Updates: இந்தியா- அயர்லாந்து அணிகள் மோதும் 2வது டி20 போட்டியின் கிரிக்கெட் ஸ்கோரை கீழே உடனுக்குடன் காணலாம்.
LIVE
Background
இந்தியா - அயர்லாந்து அணிகள் இடையேயான இரண்டாவது டி-0 போட்டி இன்று நடைபெற உள்ளது.
அயர்லாந்து சுற்றுப்பயணம்:
மேற்கிந்திய தீவுகள் அணிக்கு எதிரான சுற்றுப்பயணத்தை முடித்த, பாண்ட்யா தலைமையிலான இந்திய அணி 3-2 என்ற கணக்கில் இழந்தது. அதனை தொடர்ந்து காயத்திலிருந்து மீண்டு 11 மாதங்களுக்குப் பிறகு சர்வதேச போட்டிகளுக்கு திரும்பியுள்ள, பும்ரா தலைமையில் இளம் இந்திய அணி தற்போது அயர்லாந்து சென்றுள்ளது. அங்கு 3 போட்டிகள் கொண்டடி-20 தொடரில் விளையாட உள்ளது. டப்ளினில் நடைபெற்ற முதல் போட்டியின் பாதியில் மழை குறுக்கிட்டதால், இந்திய அணி டக்வர்த் லூயிஸ் முறைப்படி 2 ரன்கள் வித்தியாசத்தில் வென்று 1-0 என முன்னிலை வகிக்கிறது.
இரண்டாவது டி-20 போட்டி:
இந்நிலையில், இரு அணிகளுக்கு இடையேயான இரண்டாவது டி-20 போட்டி இன்று நடைபெற உள்ளது. டப்ளின் பகுதியில் உள்ள மைதானத்தில் இந்திய நேரப்படி இரவு 8 மணிக்கு இந்த போட்டி தொடங்க உள்ளது. இதில் வென்று தொடரை கைப்பற்ற பும்ரா தலைமையிலான இந்திய அணி தீவிரம் காட்டி வருகிறது. அதேநேரம், இந்த போட்டியில் வென்று தொடரை கைப்பற்றும் வாய்ப்பை நீட்டிக்க அயர்லாந்து அணி தீவிரம் காட்டி வருகிறது. இதனால், இந்த போட்டியில் பரபரப்பிற்கு பஞ்சமிருக்காது என எதிர்பார்க்கப்படுகிறது.
இந்திய அணி நிலவரம்:
இந்திய அணியின் பும்ரா தலைமையிலான பந்துவீச்சு இளம் வீரர்களுடன் வலுவாகவே காணப்படுகிறது. ரவி பிஷ்னோய் மற்றும் பிரஷித் கிருஷ்ணா ஆகியோர் நம்பிக்கை அளிக்கும் விதமாக உள்ளனர். டாப் ஆர்டருக்கு நேர்த்தியாக பந்துவீசினாலும், மிடில் மற்றும் டெயில் எண்டர்கள் விக்கெட்டை வீழ்த்துவதில் இந்திய அணி சிரமப்படுவது தொடர்கதையாக உள்ளது. கடைசி போட்டியில் கூட, 8வது வீரராக களமிறங்கிய அயர்லாந்து வீரர் மெக்கார்த்தி அரைசதம் விளாசியது குறிப்பிடத்தக்கது. இதன் காரணமாக டெயில் எண்டர்களை வீழ்த்த வியூகங்களை வகுப்பது இந்திய அணிக்கு அவசியம். பேட்டிங்கில் கெய்க்வாட், ஜெய்ஷ்வால், திலக் வர்மா, ரிங்கு சிங் மற்றும் சஞ்சு சாம்சன் என பெரும் பட்டாளமே உள்ளது.
மைதானம் எப்படி?
போட்டி நடைபெறும் மைதானம் அளவில் சிறியது என்பது பேட்ஸ்மேன்களுக்கு சாதகமாக உள்ளது. இதனால், புதுப்பந்தில் ஓவர்களை வீசும்போது பந்துவீச்சாளர்கள் சிரமத்தை எதிர்கொள்ள நேரிடும். இதனை கருத்தில் கொண்டு டாஸ் வெல்லும் அணி, முதலில் பந்துவீச்சையே தேர்வு செய்யும் என எதிர்பார்க்கப்படுகிறது.
உத்தேச அயர்லாந்து அணி: பால் ஸ்டிர்லிங், ஆண்ட்ரூ பால்பிர்னி, லோர்கன் டக்கர், ஹாரி டெக்டர், கர்டிஸ் கேம்பர், ஜார்ஜ் டோக்ரெல், மார்க் அடேர், பேரி மெக்கார்த்தி, கிரேக் யங், ஜோசுவா லிட்டில், பெஞ்சமின் ஒயிட்
உத்தேச இந்தியா அணி : ருதுராஜ் கெய்க்வாட், யஷஸ்வி ஜெய்ஸ்வால், சஞ்சு சாம்சன், திலக் வர்மா, ரின்கு சிங், சிவம் துபே, வாஷிங்டன் சுந்தர், பிரசித் கிருஷ்ணா, அர்ஷ்தீப் சிங், ஜஸ்பிரித் பும்ரா, ரவி பிஷ்னோய்
33 ரன்கள் வித்தியாசத்தில் அபார வெற்றி... தொடரை கைப்பற்றியது இந்தியா..!
186 ரன்கள் இலக்கை நோக்கி ஆடிய அயர்லாந்து அணி கடைசியில் 8 விக்கெட் இழப்பிற்கு 152 ரன்களை மட்டுமே எடுத்தது. இதன்மூலம் 33 ரன்கள் வித்தியாசத்தில் வெற்றி பெற்ற இந்தியா 2-0 என்ற கணக்கில் முன்னிலை பெற்று தொடரை வென்றது.
கடந்த போட்டியில் அசத்திய மெக்கர்த்தி அவுட்..!
கடந்த போட்டியில் இந்திய அணிக்கு எதிராக அரைசதம் விளாசிய மெக்கர்த்தி 2 ரன்னில் பும்ரா பந்துவீச்சில் ஆட்டமிழந்தார்.
இந்திய அணியை அச்சுறுத்திய பால்ப்ரைன் அவுட்..! நிம்மதி மூச்சுவிட்ட பவுலர்கள்..!
இந்திய அணிக்கு அச்சுறுத்தலாக ஆடிக்கொண்டிருந்த பால்ப்ரைன் 72 ரன்களில் அர்ஷ்தீப்சிங் பந்தில் ஆட்டமிழந்தார்.
அபாரமாக ஆடும் பால்ப்ரைன் அரைசதம்... போராடும் அயர்லாந்து..!
அயர்லாந்து அணிக்காக தனி ஆளாக போராடும் பால்ப்ரைன் அபாரமாக ஆடி அரைசதம் விளாசினார். 13 ஓவர்கள் முடிவில் அயர்லாந்து அணி 94 ரன்களை எட்டியுள்ளது.
4வது விக்கெட்டை இழந்த அயர்லாந்து.. தனி ஆளாக போராடும் பால்ப்ரைன்..!
அயர்லாந்து அணிக்காக பால்ப்ரைனுக்கு ஒத்துழைப்பு அளித்த காம்பெர் 17 ரன்களில் பிஷ்னோய் சுழலில் ஆட்டமிழந்தார்.
தலைப்பு செய்திகள்
ட்ரெண்டிங் செய்திகள்
