Jonny Bairstow Run Out: அசால்ட்டாக இருந்த பேரிஸ்டோவ்.. அலேக்காக ரன் அவுட் செய்த அலெக்ஸ் கேரி.. வைரலாகும் வீடியோ

Jonny Bairstow Run Out: லண்டன் லார்ட்ஸ் கிரிக்கெட் மைதானத்தில் நடைபெற்று வரும் ஆஸ்திரேலியாவுக்கு எதிரான இரண்டாவது டெஸ்ட் போட்டியில் பேரிஸ்டோவ் ரன் அவுட் செய்யப்பட்ட முறை சர்ச்சையாகியுள்ளது.

ரன் அவுட் செய்யப்பட்ட பேரிஸ்டோவ்

Jonny Bairstow Run Out: லண்டன் லார்ட்ஸ் கிரிக்கெட் மைதானத்தில் நடைபெற்று வரும் ஆஸ்திரேலியாவுக்கு எதிரான இரண்டாவது டெஸ்ட் போட்டியில் பேரிஸ்டோவ் ரன் அவுட் செய்யப்பட்ட முறை சர்ச்சையாகியுள்ளது. 

டெஸ்ட் போட்டியின் இரண்டாவது இன்னிங்ஸில் சேசிஸிங் செய்யும் அணிக்காக ஐந்து சதங்கள் அடித்த யூனிஸ் கானுக்குப் அடுத்து அதிக டெஸ்ட் சதம் அடித்தவர்கள் பட்டியலில் இரண்டாவது இடத்தைப் பிடித்துள்ளார். 

ஆஸ்திரேலிய அணி இங்கிலாந்துக்கு சுற்றுப்பயணம் மேற்கொண்டு 5 டெஸ்ட் போட்டிகள் கொண்ட ஆஷஸ் டெஸ்ட் போட்டியில் விளையாடி வருகிறது. முதல் டெஸ்ட் போட்டியில் ஆஸ்திரேலிய அணி வெற்றி பெற்று தொடரில் தனது வெற்றிக்கணக்கை துவங்கிய நிலையில், கடந்த ஜூன் 28ஆம் தேதி இரண்டாவது டெஸ்ட் போட்டி லண்டன் ஓவலில் உள்ள லார்ட்ஸ் மைதானத்தில் தொடங்கியது. 

முதல் இன்னிங்ஸில் ஆஸ்திரேலிய அணி 416 ரன்கள் எடுத்தது. அதன் பின்னர் களமிறங்கிய இங்கிலாந்து அணி 325 ரன்கள் சேர்த்தது. இரண்டாவது இன்னிங்ஸில் ஆஸ்திரேலிய அணி 279 ரன்களுக்கு ஆல் ஆவுட் ஆனது. இதனால் இங்கிலாந்து அணியின் வெற்றிக்கு 371 ரன்கள் நிர்ணயம் செய்யப்பட்டது. அதன் பின்னர் களமிறங்கிய இங்கிலாந்து அணி தொடக்கத்தில் யாரும் எதிர்பார்க்காத வகையில் இரண்டு விக்கெட்டுகளை இழந்தது. இந்த அதிர்ச்சியில் இருந்து மீள்வதற்குள் 50 ரன்களுக்குள் இங்கிலாந்து அணி 4 விக்கெட்டுகளை இழந்தது. அவ்வளவு தான் இந்த போட்டியிலும் ஆஸ்திரேலியா அணி வெற்றி பெற்று விடும் என அனைவரும் கூறத் தொடங்கி விட்டனர். ஆனால் அதன் பின்னர் பொறுப்புடன் ஆடிய பென் டக்கெட் மற்றும் பென் ஸ்டோக்ஸ் இருவரும் இங்கிலாந்து அணியை மீட்க ஆரம்பித்தனர். 

BAIRSTOW IS RUN-OUT.

WHAT A MOMENT IN ASHES.pic.twitter.com/Dw4EFpt0x3

— Johns. (@CricCrazyJohns) July 2, 2023

சிறப்பாக ஆடி வந்த பென் டக்கெட் 83 ரன்னில் தனது விக்கெட்டை இழக்க, அதன் பின்னர் வந்த பேரிஸ்டோவ் நிதானமாக ஆடிக்கொண்டு இருந்தார். கேமரூன் க்ரீன் வீசிய ஓவரின் கடைசிப் பந்தினை எதிர்கொண்ட பேரிஸ்டோவ் அதனை தவிர்த்து விட்டு, க்ரீஸில் இருந்து உடனே வெளியேறினார். ஆனால் அதற்குள் பந்தைப் பிடித்த ஆஸ்திரேலிய அணியின் விக்கெட் கீப்பர் அலெக்ஸ் கேரி பந்தை ஸ்டெம்பை நோக்கி வீச, பந்தும் ஸ்டெம்பில் பட்டது. உடனே ஆஸ்திரேலிய வீரர்கள் விக்கெட் கைப்பற்றியதாக கொண்டாட ஆரம்பித்தனர். இந்த நிகழ்வுகளை எல்லாம் ஒன்றும் புரியாமல் பேரிஸ்டோவ் பார்த்துக்கொண்டு இருந்தார். மூன்றாவது நடுவரின் முடிவில் பேரிஸ்டோவ் அவுட் என அறிவிக்கப்பட, ஏமாற்றத்துடன் வெளியேறினார். 

அதுவரை மிகவும் பொறுமையாக ஆடி வந்த ஸ்டோக்ஸ் அதன் பின்னர் ருத்ரதாண்டவ ஆட்டத்தினை வெளிப்படுத்தினார். அதாவது, தான் எதிர்கொண்ட முதல் 126 பந்துகளில் 62 ரன்கள் சேர்த்திருந்த ஸ்டோக்ஸ், அடுத்த 21 பந்தில் 46 ரன்கள் குவித்தார். அதில் ஹாட்ரிக் சிக்ஸர்களும் அடங்கும்.  

அதிரடியாக ஆடிய ஸ்டோக்ஸ் ஹாட்ரிக் சிக்ஸர் மூலம் சதத்தை நிறைவு செய்தார். அதன் பின்னர் பொறுப்புடன் ஆடிய ஸ்டோக்ஸ் 150 ரன்களைக் கடந்தார்.