கரூர் மாரியம்மன் ஆலய வைகாசி திருவிழா - புஷ்ப வாகனத்தில் சுவாமி திருவீதி உலா
அருள்மிகு கரூர் மாரியம்மன் ஆலயத்தில் வைகாசி திருவிழாவை முன்னிட்டு இன்று புஷ்ப வாகனத்தில் சுவாமி திருவீதி உலா.
தென் தமிழகத்தில் அம்மன் ஆலயங்களில் புகழ்பெற்ற அருள்மிகு ஸ்ரீ கரூர் மாரியம்மன் ஆலயத்தில் வைகாசி மாத திருவிழாவை முன்னிட்டு நாள்தோறும் சுவாமி பல்வேறு வாகனத்தில் திருவீதி உலா காட்சி தருகிறார்.
அருள்மிகு கரூர் மாரியம்மன் மற்றும் மாவடி ராமசுவாமி புஷ்ப வாகனத்தில் திருவீதி உலா காட்சி அளித்தனர். ஆலயத்தில் இருந்து மேள தாளங்கள் முழங்க புறப்பட்ட சுவாமியின் திருவீதி உலா முக்கிய வீதியின் வழியாக வலம் வந்த பிறகு மீண்டும் ஆலயம் குடி புகுந்தது. பின்னர், மாரியம்மன் மற்றும் மாவடி ராமசுவாமிகளுக்கு ஆலயத்தின் பூசாரி மகா தீபாராதனை காட்டினார். அதைத்தொடர்ந்து வைகாசி மாத புஷ்ப வாகன திருவீதி விழா சிறப்பாக நிறைவு பெற்றது. திருவீதி உலாவை காண ஏராளமான பக்தர்கள் வழி எங்கிலும் காத்திருந்து சுவாமி தரிசனம் செய்தனர்.
நிகழ்ச்சியின் ஏற்பாட்டை மாரியம்மன் ஆலய பரம்பரை அறங்காவலர் முத்துக்குமார் சிறப்பான முறையில் ஏற்பாடுகளை செய்திருந்தார்.
ஸ்ரீ விஸ்வகர்மா சித்தி விநாயகர் ஆலயத்தில் வைகாசி மாத சங்கடஹரா சதுர்த்தி விழா
அருள்மிகு ஸ்ரீ விஸ்வகர்மா சித்தி விநாயகர் ஆலயத்தில் வீற்றிருக்கும் மூலவர் கணபதிக்கு வைகாசி மாத சங்கடஹரா சதுர்த்தி விழாவை முன்னிட்டு உற்சவர் கணபதிக்கும், மூலவர் கணபதிக்கும் என்னைக்காப்பு சாற்றி, பால், தயிர், பஞ்சாமிர்தம், தேன், நெய், இளநீர், எலுமிச்சை சாறு, திருமஞ்சள், மஞ்சள், சந்தனம், அபிஷேக பொடி, விபூதி, பன்னீர் உள்ளிட்ட வாசனை திரவியங்களால் சிறப்பு அபிஷேகம் நடைபெற்றது.
அதை தொடர்ந்து மூலவர் கணபதிக்கும், உற்சவர் கணபதிக்கும் ஆலயத்தின் சிவாச்சாரியார் பட்டாடை உடுத்தி, வண்ண மாலைகள் அணிவித்து அதை தொடர்ந்து சுவாமிக்கு உதிரிப்பூக்களால் நாமாவளிகள் கூறினார். பின்னர் சுவாமிக்கு தூப தீபங்கள் காட்டப்பட்டு, நெய் வைத்தியம் சமர்ப்பிக்கப்பட்டு, பஞ்ச கற்பூர ஆலாத்தியுடன் மகா தீபாராதனை நடைபெற்றது. ஏராளமான பக்தர்கள் ஆலயம் வருகை தந்து சுவாமி தரிசனம் செய்தனர் . நிகழ்ச்சியின் ஏற்பாட்டை ஆலய அர்ச்சகர் சார்பாக சிறப்பான முறையில் ஏற்பாடுகளை செய்திருந்தனர்.
மேலும், கரூர் மாவட்டத்தில், அண்ணா சாலை அருள்மிகு கற்பக விநாயகர் ஆலயம், எல்ஜி பி நகர் குபேர சக்தி விநாயகர் ஆலயம், வெங்கமேடு செல்வ விநாயகர் ஆலயம், காந்திகிராமம் சித்தி விநாயகர் ஆலயம், தான்தோன்றி மலை சக்தி விநாயகர் ஆலயம், ராயனூர் கணபதி ஆலயம் உள்ளிட்ட பல்வேறு ஆலயங்களில் வைகாசி மாத சங்கடகர சதுர்த்தி பூஜை சிறப்பாக நடைபெற்றது.
சங்கடகர சதுர்த்தி பூஜையை முன்னிட்டு மூலவர் கணபதிக்கு ஏராளமான பக்தர்கள் அருகம்புல் மாலை கொண்டு வந்து தங்களது நேர்த்திக்கடனை செய்தனர். பல்வேறு ஆலயங்களில் இரவு அன்னதானமும் நடைபெற்றது.
தலைப்பு செய்திகள்
ட்ரெண்டிங் செய்திகள்
