ஆடி மாசம் அம்மன் மாசம்தான்.. காஞ்சிபுரம் தும்பவனத்தம்மன் கோயிலில் சிறப்பு வழிபாடு

காஞ்சிபுரம் தும்பவனத்தம்மன் கோயிலில் ஆடி மாதம் வெள்ளிக்கிழமை முன்னிட்டு அம்மனுக்கு சிறப்பு அபிஷேகங்கள் செய்யப்பட்டது.

காஞ்சிபுரம் தும்பவனத்தம்மன் அம்மன் கோயிலில் ஆடி மாத வழிபாடு

Source : ABP ORIGINAL

காஞ்சிபுரம் தும்பவனத்தம்மன் கோயிலில் ஆடி வெள்ளியை ஒட்டி பொங்கல் வைத்து பெண்கள் சிறப்பு வழிபாடு செய்தனர். ஆடி மாதம் முதல் வெள்ளிக்கிழமையை முன்னிட்டு மஞ்சள் காப்பு அலங்காரத்தில் தும்பவனத்தம்மன் பக்தர்களுக்கு காட்சி அளித்தார்

ஆடி மாதம் - அம்மன் மாதம் 

அம்மனுக்கு உகந்த மாதம் ஆடி மாதம் என்பார்கள். ஒவ்வொரு வருடமும் ஆடி மாதமன்று அம்மன் கோவில்களில் திருவிழாக்களும், சிறப்பு அபிஷேக ஆராதனைகளுடன் பக்தர்கள் கூட்டம் அனைத்து அம்மன் கோவில்களும் ஆடி மாதத்தில் களைகட்டும்.

காஞ்சிபுரம் தும்பவனத்தம்மன் கோயில்

ஆடி வெள்ளியை முன்னிட்டு சின்ன காஞ்சிபுரத்தில் அமைந்துள்ள பிரசித்திப்பெற்ற ஸ்ரீ தும்பவனத்தம்மன் கோயிலில் சிறப்பு பூஜை நடைபெற்றது. இதில் திரளான பக்தர்கள் கலந்துகொண்டனர்.

தும்பவனத்தம்மன் ஆலயத்தில் ஆடி வெள்ளியை ஒட்டி பொங்கல் வைத்து பெண்கள் வழிபாடு செய்தனர். குறிப்பாக ஆடி மாதம் வரும் ஆடி வெள்ளியன்று தங்கள் குல தெய்வமான அம்மன் கோயில்களில் பெண்கள் தங்களது, குடும்பத்தினரோடு சென்று பொங்கல் வைத்து சிறப்பு வழிபாட்டில் ஈடுபடுவதுண்டு. அதேபோல் அன்றைய நாட்களில் அம்மனுக்கு சிறப்பு அபிஷேகமும், ஆராதனையும் நடைபெறுவது வழக்கம்.

சிறப்பு அபிஷேகம்

 

அவ்வகையில் கோயில் நகரமான காஞ்சிபுரத்தில் சின்ன காஞ்சிபுரம் பகுதியில் பிரசித்திப்பெற்ற ஸ்ரீ தும்பவனத்தம்மன் கோயிலில் இன்று, பம்பை அடித்து அம்மன் பாடல்கள் பாடி பல்வேறு மலர்களால் அலங்கரிக்கப்பட்ட தும்பவனத்தம்மனுக்கு சிறப்பு அபிஷேகம் மற்றும் பூஜைகள் நடைபெற்றது. காஞ்சிபுரம் மாநகர் மற்றும் சுற்று வட்டார கிராமப்பகுதிகளில் சேர்ந்த பக்தர்கள் பொங்கல் வைத்தும், மாவிளக்கேற்றியும் தும்பவனத்தம்மனை வழிபட்டனர்.