IND vs WI: அபாரமாக ஆடிய திலக் வர்மா, சூர்யகுமார் யாதவ்.. அசத்தல் வெற்றி பெற்ற இந்திய அணி!

IND vs WI: திலக் வர்மா மற்றும் சூர்யகுமார் யாதாவின் அதிரடி ஆட்டத்தால், 18வது ஓவரில் இந்திய அணி வெற்றி பெற்றது.

திலக் வர்மா

இந்தியா - வெஸ்ட் இண்டீஸ் இடையிலான மூன்றாவது டி20 போட்டி நேற்று நடைபெற்றது. டாஸ் வென்ற வெஸ்ட் இண்டீஸ் அணி முதலில் பேட்டிங் செய்வதாக முடிவெடுத்தது.

இதனை தொடர்ந்து களமிறங்கிய வெஸ்ட் இண்டீஸ் அணியின் தொடக்க ஆட்டக்காரர்கள் சிறப்பான தொடக்கத்தை கொடுத்தனர்.பிராண்டன் கிங்(42), கைல் மேயர்ஸ்(25) இவர்களின் பார்ட்னர்ஷிப் 55 ரன்கள் வரை நீடித்தது.

இந்திய அணியின் சிறப்பான பந்து வீச்சால் சீராக விக்கெட்டுகள் சரிந்தாலும் வெஸ்ட் இண்டீஸ் அணியின் ரன் வேட்டையை குறைக்க முடியவில்லை.

இறுதியாக ரோவ்மன் பவலின் அதிரடி ஆட்டத்தால் 20 ஓவர் முடிவில் 5 விக்கெட் இழப்பிற்கு 159 ரன்களை எடுத்தது வெஸ்ட் இண்டீஸ்.

160 ரன்கள் எடுத்தால் வெற்றி என்ற இலக்குடன் களமிறங்கிய இந்திய அணியின் தொடக்க ஆட்டகாரர்கள் சிறப்பாக ஆடாமல் சொற்ப ரன்களுக்கு ஆட்டமிழந்தார். இவர்களுக்கு அடுத்து களமிறங்கிய சூர்யகுமார் யாதவ் அதிரடியாக ஆடினார்

சூர்யகுமார் யாதவுடன் கைகோர்த்த திலக் வர்மா சிறப்பாக ஆட 17.5 ஓவரிலேயே வெற்றி பெற்றது இந்தியா. 44 பந்துகளுக்கு 83 ரன்கள் எடுத்த சூர்ய குமார் யாதவுக்கு ஆட்டநாயகன் விருது வழங்கப்பட்டது.