இன்று நடக்கிறது விசிக மது ஒழிப்பு மாநாடு;பிரமாண்ட மேடை..பிரமிக்க வைக்கும் ஏற்பாடுகள்!

விடுதலை சிறுத்தைகள் கட்சியின் மது மற்றும் போதைப்பொருள் ஒழிப்பு மாநாடு உளுந்தூர்பேட்டையில் பிரமாண்டமாக நடைபெற உள்ளது.

விசிக மது ஒழிப்பு மாநாடு திடல்

கள்ளக்குறிச்சி மாவட்டம் உளுந்தூர்பேட்டையில் இன்று மாலை 3 மணியளவில் வி.சி.க.வின் மது ஒழிப்பு மாநாடு நடைபெற உள்ளது. இந்த மாநாட்டின் முக்கிய அம்சமாக தமிழ்நாடு உள்பட நாடு முழுவதும் முழு மதுவிலக்கை அமல்படுத்த வேண்டும், தேசிய மதுவிலக்கு சட்டம் இயற்ற வேண்டும் போன்ற பல்வேறு கோரிக்கைகள் மாநாட்டில் தீர்மானமாகவும் நிறைவேற்ற உள்ளன.விசிக மது மற்றும் போதைப்பொருள் ஒழிப்பு மாநாடு நுழைவு வாயில்.. முன்னேற்பாடுகள் நடைபெற்று வருகிறது.

விசிக மாநாடு கழுகு பார்வை......இந்த மாநாட்டிற்கு திருமாவளவன் தலைமை தாங்குகிறார். இந்த மாநாட்டில் கூட்டணி கட்சியான தி.மு.க.வின் மூத்த நிர்வாகிகளில் ஒருவரும், அக்கட்சியின் அமைப்புச் செயலாளர் ஆர்.எஸ்.பாரத, தி.மு.க. செய்தித் தொடர்பாளர் டி.கே.எஸ்.இளங்கோவன், மார்க்சிஸ்ட் கம்யூனிஸ்ட் அனைத்திந்திய மாதர் சங்கத் துணைத்தலைவர் வாசுகி, இந்திய கம்யூனிஸ்ட் கட்சி பொதுச்செயலாளர் ஆனிராஜா. காங்கிரஸ் எம்.பி. சுதா ஆகியோர் பங்கேற்கின்றனர்.

விசிக மாநாடு முகப்பு மேடை...இந்த மாநாட்டிற்காக உளுந்தூர்பேட்டை முழுவதும் பிரம்மாண்ட ஏற்பாடுகள் செய்யப்பட்டுள்ளது. அரசியல் கட்சித் தலைவர்கள், ,லட்சக்கணக்கான மக்கள் பங்கேற்க இருப்பதால் போலீசார் பலத்த பாதுகாப்புக்கு ஏற்பாடு செய்துள்ளனர். மாநாடு நடைபெற உள்ள இடத்தில் போக்குவரத்து மாற்றம் செய்யப்பட்டுள்ளது.

மாநாடு திடலை பார்வையிட்ட விடுதலை சிறுத்தைக் கட்சி தலைவர் தொல்.திருமாவளவன்

மாநாடு திடலில் விசிக தலைவர் திருமாவளவன் மற்றும் ஆதவ் அர்ஜூன்

ஆளுங்கட்சியான தி.மு.க.வின் கூட்டணியில் உள்ள திருமாவளவன், மது விலக்கு பற்றி இந்த மாநாட்டில் என்ன பேசப்போகிறார் என்ற எதிர்பார்ப்பு எழுந்துள்ளது. மாநாடு நடைபெறும் திடல் ..

மாநாடு திடல் பகுதியில் விசிக தலைவர் திருமாவளவன் மற்றும் ஆதவ் அர்ஜூன்