மேலும் அறிய

Crab Soup : வீட்டிலே சுவையான நண்டு சூப் செய்வது எப்படி?

Crab Soup : இந்த வெயில் காலத்திலும் சிலருக்கு சளி பிடித்துவிடும். அதை போக்க, இந்த சுவையான நண்டு சூப்பை செய்யலாம்.

Written By : ABP NADU | Updated at : 29 Apr 2024 03:40 PM (IST)

நண்டு சூப்

1/6

தேவையான பொருட்கள் : 4 நண்டு கால்,1 கப் சின்ன வெங்காயம், 1 மேஜை கரண்டி நல்லெண்ணெய, இஞ்சி சிறிதளவு, 6 பல் பூண்டு, 1/4 தேக்கரண்டி சோம்பு, 10 கறிவேப்பிலை, 1 தக்காளி, 1/4 தேக்கரண்டி மஞ்சள் தூள், தேவையான அளவு உப்பு, 1.5 லிட்டர் தண்ணீர்,1 தேக்கரண்டி நெய், 1/2 கப் கொத்தமல்லி இலைகள், மிளகு, சீரகம், சோம்பு ஆகியவை ஒரு தேக்கரண்டி

2/6

செய்முறை: நண்டு காலை சுத்தம் செய்து இடிக்கல்லால் நண்டின் ஓடுகளை இடித்து கொள்ளவும். அம்மியில் சின்ன வெங்காயம், இஞ்சி, பூண்டு, பச்சை மிளகாய், தக்காளி அனைத்தையும் கொரகொரவென அரைத்துக்கொள்ளவும்.

3/6

கடாயில் நல்லெண்ணெய் ஊற்றி எண்ணெய் சூடான பின் சோம்பு, கருவேப்பிலை சேர்த்து பச்சை மனம் போகும் வரை வதக்கவும். இதில் இடித்து வைத்துள்ள இஞ்சி, பூண்டு, தக்காளி, பச்சை மிளகாய் , சின்ன வெங்காயம் கலவையோடு சிறிது உப்பு , மஞ்சள்தூள் சேர்த்து வதக்கவும்.

4/6

பின் நண்டு கால்களை சேர்த்து பிரட்டி விடவும் அதோடு தண்ணீர் ஊற்றி மூடி வைக்கவும். சிறிது தீயில் அரை மணி நேரம் வேக வைக்கவும்.

5/6

சீரகம், சோம்பு, மிளகு மூன்றையும் அம்மியிலோ அல்லது மிக்ஸியிலோ கொரகொரவென அரைத்துக் கொள்ளவும்.

6/6

அரைமணி நேரத்திற்கு பிறகு மூடியை திறந்து அரைத்து வைத்த பொடியை சேர்த்து சூப்பில் கலந்து விடவும். சிறிது நேரத்திற்கு பின், அடுப்பை அணைத்து விட்டு கொத்தமல்லியை தூவி விட்டால் சுவையான நண்டு சூப் தயார் ஆகிவிடும்.