Beetroot Rasam : பீட்ரூட்டில் ரசமா? சத்தான இந்த டிஷ்ஷை எளிதாக செய்துவிடலாம்!

Beetroot Rasam : எப்போதும் தக்காளி ரசம் சாப்பிட்டு போர் அடித்து விட்டதா? அப்போது இந்த பீட்ரூட் ரசத்தை ட்ரை பண்ணுங்க.

பீட்ரூட் ரசம்

தேவையான பொருட்கள் : 1 பீட்ரூட்,1 தக்காளி, 1 டீஸ்பூன் சீரகம்,1/2 டீஸ்பூன் மிளகு, 2 பச்சை மிளகாய், தேவையான அளவு உப்பு, 1 டீஸ்பூன் தேங்காய் எண்ணெய், 1/4 டீஸ்பூன், கடுகு, கறிவேப்பிலை

செய்முறை : பீட்ரூட்டை தோல் உரித்து நறுக்கி எடுத்து வைத்து கொள்ளவும். பிறகு தக்காளி,பீட்ரூட் துண்டுகள், சீரகம், மிளகு சேர்த்து மிக்ஸியில் அரைக்கவும்.

மிக்ஸியில் அரைத்த கலவையை சிறிது தண்ணீர் சேர்த்து தேவையான அளவு உப்பு சேர்த்து மிதமான சூட்டில் கொதிக்க விடவும்

பிறகு, ஒரு கடாயை அடுப்பில் வைத்து எண்ணெய் ஊற்றி காய்ந்ததும் கடுகு, கறிவேப்பிலை நறுக்கிய வெங்காயம் சேர்த்து வதக்கவும். இந்த தாளிப்பை ரசத்தில் சேர்க்கவும்

அடுப்பிலிருந்து இறக்கி, பொடியாக நறுக்கிய மல்லி இலையை தூவிவிடவும்

அவ்வளவுதான் எளிதில் தயாராகிவிட்டது மிகவும் சுவையான, சத்துக்கள் நிறைந்த பீட்ரூட் ரசம்.