Pineapple Benefits : அன்னாசிப்பழத்தில் நிறைந்திருக்கும் ஆரோக்கிய நன்மைகள்!

Health Benefits of Pineapple : இனிப்பு, புளிப்பு சுவை நிறைந்த அன்னாசி பழத்தில் உள்ள நன்மைகளை இங்கு காணலாம்.

அன்னாசி பழம்

அன்னாசிப்பழத்தில் ஏராளமான ஊட்டச்சத்துக்கள், ஆன்டி-ஆக்ஸிடன்ட்கள், பிற ஆரோக்கிய நன்மைகள் உள்ளது. நார்ச்சத்து அதிகமாகவும், கலோரிகள் மற்றும் கார்போஹைட்ரேட் குறைவாகவும் இருப்பதால் உடல் எடை இழப்பதற்கு உதவலாம்.

அன்னாசியில் உள்ள ப்ரோமிலைன் போன்ற நொதிகள் செரிமானத்திற்கு உதவுகின்றன. அதிக நார்ச்சத்து மற்றும் நீர்ச்சத்து இருப்பதால் செரிமான அமைப்பை சீராக பராமரிக்க உதவலாம்.

மாங்கனீஸ் மற்றும் வைட்டமின் சி இரண்டும் அன்னாசிப்பழத்தில் அதிகம் உள்ளது. தினசரி உணவில் சேர்த்துக் கொள்ளும் போது ஒட்டுமொத்த எலும்பு ஆரோக்கியத்தை மேம்படுத்தலாம்.

அன்னாசியில் உள்ள வைட்டமின் சி சரும ஆரோக்கியத்தை சிறப்பாக வைக்க உதவுகிறது. சருமத்தை புத்துயிர் பெறச் செய்து, முகப்பரு, வெயிலில் ஏற்படும் பிற பாதிப்பை குறைக்கலாம்.

அன்னாசியில் நிறைந்திருக்கும் பீட்டா கரோட்டின் மற்றும் வைட்டமின் சி கண்பார்வையை ஆரோக்கியமாக வைக்க உதவலாம்.

அன்னாசிப்பழத்தில் உள்ள ஆன்டிஆக்ஸிடன்ட்கள் தலைமுடி உதிர்வதைக் குறைத்து, முடியை வலிமையாக்க உதவலாம்.