US Iran War: “இன்னொரு தாக்குதல் மட்டும் நடத்திப் பாருங்க, அப்புறம்...“ அமெரிக்காவுக்கு ஈரான் கடுமையான எச்சரிக்கை

அமெரிக்கா நேற்று ஈரானிய தளங்கள் மீது தாக்குதல் நடத்தியதைத் தொடர்ந்து, ஈரான் பதிலடி கொடுக்கும் விதமாக அமெரிக்க ராணுவத் தளங்களை தாக்கியுள்ளது. இதனால், மத்திய கிழக்கில் மீண்டும் பதற்றம் ஏற்பட்டுள்ளது.

அமெரிக்கா ஈரான் பரஸ்பர தாக்குதல் - மத்திய கிழக்கில் மீண்டும் பதற்றம்

Source : X Screenshot

அமெரிக்காவிற்கும் ஈரானுக்கும் இடையே பதற்றம் மீண்டும் அதிகரித்து வருகிறது. நேற்று, அமெரிக்கா ஈரானிய தளங்கள் மீது தாக்குதல் நடத்தியதைத் தொடர்ந்து, ஈரான் அமெரிக்கத் தளங்கள் மீது கடுமையான தாக்குதலை நடத்தி பதிலடி கொடுத்தது. இந்த தாக்குதலைத் தொடர்ந்து, ஈரானின் வெளியுறவு அமைச்சகம் வெளியிட்ட அறிக்கையில், இனிமேலும் தாக்குதல்கள் நடத்தப்பட்டால், அமெரிக்காவிடமிருந்து கடுமையான பதிலடி கொடுக்கப்படும் என்று கூறப்பட்டுள்ளது.

தாக்குதலைத் தொடர்ந்து, பதற்றம் அதிகரிப்பதற்கு அமெரிக்காவும் அதன் கூட்டாளிகளுமே பொறுப்பு என்று ஈரான் மீண்டும் கூறியுள்ளது. தாக்குதல் தொடங்கப்பட்ட இடமான லராக் தீவின் மீதான அமெரிக்க தாக்குதலுக்கு பதிலடியாக, ஜோர்டானில் உள்ள அமெரிக்க தளத்தை ஈரான் தாக்கியதாக ஈரான் வெளியுறவு அமைச்சகம் கூறியுள்ளது.

பழிவாங்கும் வகையில் ஈரான் தாக்குதல்

அல் ஜசீரா அறிக்கையின்படி, ஐக்கிய அரபு அமீரகத்தின் அல் மின்ஹாத் விமானப்படைத் தளத்தில் உள்ள அமெரிக்கப் படைகளை, ஆளில்லா விமானங்கள் மூலம் தாக்குதல் நடத்தியதாக ஈரான் ராணுவம் கூறியுள்ளது. ஈரான் செய்தி நிறுவனங்களின்படி, அதிகாலையில் விமானப்படைத் தளத்தை நோக்கி டஜன் கணக்கான ஆளில்லா விமானங்கள் அனுப்பப்பட்டதாக ராணுவம் தெரிவித்துள்ளது.

 

அமெரிக்க வீரர்கள் மற்றும் ஹெலிகாப்டர்கள் இருந்த இடங்களை இந்தத் தாக்குதல் குறிவைத்ததாக தெரிவிக்கப்பட்டுள்ளது. லராக் தீவில் நடந்த அமெரிக்கத் தாக்குதலில் கொல்லப்பட்டதாகக் கூறப்படும் தனது ஐ.ஆர்.ஜி.சி உறுப்பினர்கள் மற்றும் பொதுமக்களின் மரணத்திற்கு பழிவாங்கும் வகையில், இந்தத் தாக்குதல் நடத்தப்பட்டதாக ஈரான் கூறியுள்ளது.

MQ-9 ரீப்பர் ஆளில்லா விமானத்தை சுட்டு வீழ்த்திய ஈரான்

ஹார்முஸ் ஜலசந்திக்கு மேலே பறந்த அமெரிக்க MQ-9 ரீப்பர் ஆளில்லா விமானத்தை சுட்டு வீழ்த்தியதாக
ஈரானின் இஸ்லாமிய புரட்சிகர பாதுகாப்புப் படை (IRGC) கூறியுள்ளது. ஈரானின் வான் பாதுகாப்புப் படைகள் நீண்ட தூரம் செல்லக்கூடிய அமெரிக்க MQ-9 ஆளில்லா விமானத்தை இடைமறித்ததாகவும், அதன் பிறகு அந்த ஆளில்லா விமானம் ஜலசந்திக்குள் விழுந்ததாகவும், IRGC அறிக்கையை மேற்கோள் காட்டி ஈரானிய செய்தி நிறுவனங்களான ஃபார்ஸ் மற்றும் மெஹ்ர் செய்தி வெளியிட்டுள்ளன.

லராக் தாக்கப்பட்டது ஏன்.?

ஹார்முஸ் ஜலசந்தியில், ஈரானின் புரட்சிகர பாதுகாப்புப் படை, கண்ணிவெடிகளை புதைக்கத் தயாராகி வந்ததாக அமெரிக்கா கூறுகிறது. இவற்றை தடுப்பதற்காக, அமெரிக்க ராணுவம் இரண்டு ராக்கெட் ஏவுதளங்களை குறிவைத்து தாக்கியதாக தெரிவிக்கப்பட்டுள்ளத. அமெரிக்காவின் கூற்றுப்படி, ஹார்முஸ் ஜலசந்தி வழியாக செல்லும் கப்பல்களையும், பொதுமக்களையும் பாதுகாக்கும் நோக்கில், இந்த தாக்குதல் வரையறுக்கப்பட்டதாகவும், துல்லியமானதாகவும் இருந்ததாக அமெரிக்கா கூறுகிறது. இந்த தாக்குதலில் இருவர் கொல்லப்பட்டதாகவும், இருவர் காயமடைந்ததாகவும் ஈரானிய செய்தி நிறுவனமான தஸ்னிம் கூறியுள்ளது. 

ஈரானின் தாக்குதல்கள் குறித்துப் பேசிய அமெரிக்க அதிபர் டொனால்ட் ட்ரம்ப் , இந்த மோதலில் பெரும்பாலும் நடுநிலை வகித்த நாடுகளையும் ஈரான் குறிவைத்ததாக கூறியுள்ளார். சவூதி அரேபியா, கத்தார், ஐக்கிய அரபு அமீரகம், பஹ்ரைன் மற்றும் குவைத் போன்ற நாடுகள் மீதான ஈரானின் தாக்குதல்கள் அனைவரையும் ஆச்சரியப்படுத்தின என்றும், மேலும், அவை எதிர்பார்க்கப்படாதவையாகவும் இருந்தன என்றும் அவர் தெரிவித்துள்ளார். இந்த நாடுகளை தாக்கியதன் மூலம், முன்னர் ஓரளவு ஆதரவைப் பெற்றிருந்த அந்த நாடுகளின் ஆதரவை ஈரான் இழந்தது என்றும் ட்ரம்ப் கூறியுள்ளார்.

 

இதையும் படிக்க

“அந்தாளு ஒரு பாம்பு, அமெரிக்காவ ஏமாத்தி போருக்குள்ள இழுத்துட்டு வந்தவரு“: நெதன்யாகுவை வெளுத்த அராக்சி