Abbas Araghchi Vs Netanyahu: “அந்தாளு ஒரு பாம்பு, அமெரிக்காவ ஏமாத்தி போருக்குள்ள இழுத்துட்டு வந்தவரு“: நெதன்யாகுவை வெளுத்த அராக்சி

ஈரான் வெளியுறவு அமைச்சர் சையத் அப்பாஸ் அராக்சி, இஸ்ரேலிய பிரதமர் நெதன்யாகுவை ஒரு பாம்பு என்று அழைத்துள்ளார். அவர் தனது சமூக ஊடக பக்கத்தில் அது குறித்த ஒரு பதிவை வெளியிட்டுள்ளார்.

பெஞ்சமின் நெதன்யாகு ‘பாம்பு‘ என்று அழைத்த அப்பாஸ் அராக்சி

Source : Social Media

ஈரான் வெளியுறவு அமைச்சர் சையத் அப்பாஸ் அராக்சி, இஸ்ரேலிய பிரதமர் நெதன்யாகுவை ஒரு பாம்பு என்று கூறி, இஸ்ரேலை தாக்கியுள்ளார். அராக்சி சமூக ஊடகங்களில் ஹீப்ரு மொழியில் ஒரு பதிவை வெளியிட்டுள்ளார்.

நெதன்யாகுவை ‘பாம்பு‘ என்று அழைத்த அராக்சி

தனது எக்ஸ் தளத்தில் இது குறித்து பதிவிட்ட ஈரான் வெளியுறவு அமைச்சர் அப்பாஸ் அராக்சி, "இஸ்ரேலின் சார்பாக ஈரானுக்கு எதிரான போருக்கு அமெரிக்க நிர்வாகத்தைத் தான் தூண்டியதாக நெதன்யாகு வெளிப்படையாக பெருமை பேசுகிறார். அமெரிக்க தொலைக்காட்சிகளில் 1,000 மணிநேர ஒளிபரப்பு நேரத்தைக் கொண்டு அமெரிக்காவை தான் எவ்வாறு பாதித்தேன் என்று நெதன்யாகு தெளிவாக சிரிக்கிறார். ஆங்கிலத்தில், அவர் அமெரிக்க அதிபரின் தலைமைத்துவத்தை புகழ்கிறார். பாம்பு." என்று கூறியுள்ளார்.

In Hebrew, Netanyahu openly crows that he suckered the U.S. Administration into a war on Iran on behalf of Israel.

Netanyahu explicitly laughs about how he "influenced" America through 1,000 hours of airtime on U.S. networks.

In English, he praises POTUS' leadership.

Serpent. https://t.co/O2hXExS91M

— Seyed Abbas Araghchi (@araghchi) August 31, 2026

அல் ஜசீரா அறிக்கையின்படி, ஈரானின் வெளியுறவு அமைச்சர் அப்பாஸ் அராக்சி, "போரில் அமெரிக்காவின் நோக்கம் ஈரானை சரணடையச் செய்வதே ஆகும், ஆனால் நாங்கள் சரணடைய மாட்டோம். அமெரிக்கா இப்போது எங்கள் நிபந்தனைகளின்படி அவர்களுடன் பேச்சுவார்த்தை நடத்தும்படி எங்களிடம் கெஞ்சுகிறது," என்று கூறினார்.

அமெரிக்காவுடன் கையெழுத்திடப்பட்ட புரிந்துணர்வு ஒப்பந்தத்தில் (MoU) எங்களுக்கு சாதகமாக 13 அம்சங்களும், அவர்களுக்கு (அமெரிக்காவிற்கு) சாதகமாக ஒரே ஒரு அம்சமும் மட்டுமே இருந்தன. அதன் அமலாக்கத்தைத் தடுக்கவும் நிறுத்தவும் இஸ்ரேல் தம்மால் இயன்ற அனைத்தையும் செய்துள்ளது என்று அவர் குற்றம் சாட்டினார். 

அமெரிக்க தாக்குதலுக்கு தகுந்த பதிலடி கொடுத்த ஈரான்

நேற்று, அமெரிக்கா ஈரானின் லராக் தீவைத் தாக்கியது. லராக் தீவில் உள்ள இரண்டு ராக்கெட் ஏவுதளங்களை அமெரிக்கா குறிவைத்து தாக்குதல் நடத்தியது. லராக் தீவு, ஹார்முஸ் ஜலசந்திக்கு அருகில் அமைந்துள்ளது. அமெரிக்காவின் தாக்குதலுக்கு ஈரான் தகுந்த பதிலடி கொடுத்துள்ளது.

அமெரிக்காவின் ஒரு பகுதியான ஜோர்டானை ஈரான் குறிவைத்தது. ஈரானின் வெளியுறவு அமைச்சகம் வெளியிட்ட ஒரு அறிக்கையில், "லராக் தீவின் மீதான அமெரிக்கத் தாக்குதலுக்கு பதிலடியாக, அதன் ஆயுதப் படைகள் ஜோர்டானில் அமைந்துள்ள அமெரிக்க ராணுவத் தளங்களை குறிவைத்தன. லராக் தீவின் மீதான தாக்குதலை நடத்துவதற்கும், ஆதரிப்பதற்கும், ஜோர்டானில் அமைந்துள்ள அமெரிக்க ராணுவத் தளங்கள் பயன்படுத்தப்பட்டன" என்று கூறியுள்ளது.

 

 

இதையும் படிக்க

தோற்றத்தால் கவரும் புதிய ஜாவா 42 FJ ஆல் ஸ்டார்ஸ்; விலை, எஞ்சின், அம்சங்கள் குறித்த முழு விவரம் இதோ