ஜெய் ஸ்ரீ ராம் முழக்கம், ராமருக்கும் கிரிக்கெட்டிற்கும் என்ன தொடர்பு? - சீமான் கேள்வி
மகளிர் உரிமைத் தொகை குறித்து தொடர்ந்து பேசும் திமுக ? மகளிர் நலனுக்காக செய்தது என்ன - நாம் தமிழர் கட்சியின் தலைமை ஒருங்கிணைப்பாளர் சீமான் பேட்டி
திருச்சி விமான நிலையத்தில் கடந்த 2018 ஆம் ஆண்டு மதிமுக - நாம் தமிழர் கட்சி தொண்டர்கள் இடையே எழுந்த மோதல் வழக்கில் நாம் தமிழர் கட்சி தலைமை ஒருங்கிணைப்பாளர் சீமான் திருச்சி நீதிமன்றத்தில் ஆஜராகினார். இந்த வழக்கு தொடர்பாக இவர் மீண்டும் 3ம் தேதி ஆஜராக உத்தரவிட்டார். இதனை தொடர்ந்து செய்தியாளர்களை சந்தித்த சீமான் பேசியது.. திருச்செங்கோட்டில் மருத்துவர் குழந்தை விற்ற சம்பவம் தமிழகத்தை வெட்கி தலை குனிய வைத்துள்ளது. மருத்துவர்கள் மீது எப்போதும் மதிப்பு மரியாதை உண்டு. ஆனாலும் மருத்துவ தர கட்டுப்பாட்டு மீது எனக்கு விமர்சனம் உள்ளது. தண்ணீர், கல்வி, உயிர் காக்கும் மருத்துவம் உள்ளிட்ட அனைத்தும் விற்பனை செய்யப்பட்டுள்ள நிலையில் குழந்தை விற்பனை வரை வந்துவிட்டது. இது முற்றிலும் தவறான செயல் கண்டிக்கத்தக்கது. பாஜக, காங்கிரஸ் கட்சிகள் காவிரி நீர் பங்கீடு விவகாரத்தில் இரட்டை வேடம் போடுகிறது. இந்தியா தனது உரிமையை இழந்து வெகு நாளாகிவிட்டது. ராகுல் காந்தி இந்தியாவின் பிரதமர் ஆகலாம், ஆனால் ஏதோ ஒரு மாநிலத்திற்கு முதல்வராக முடியுமா தமிழகத்தில் போட்டித் தேர்வு எழுதும் தேர்வர்களுக்கு ஆடை, சிகை உள்ளிட்ட பல்வேறு கட்டுப்பாடுகள் விதிக்கப்படுகிறது. ஆனால் வட மாநிலத்தவருக்கு அது போன்ற கட்டுப்பாடு விதிக்கப்படவில்லை. தேர்வில் பல்வேறு முறைகளில் ஈடுபட்டு தேர்வு பெறுவதால் எவ்வாறு தரமான மருத்துவர்களை உருவாக்க முடியும்? அந்தந்த மாநில மக்களுக்கு அந்தந்த மாநில தேர்வில், பதவிகளில் முன்னுரிமை அளிக்கப்பட வேண்டும்.
இந்தியா பாகிஸ்தான் இடையே நடைபெற்ற போட்டியில் இந்தியா வெற்றி பெற்ற போது ஜெய் ஸ்ரீ ராம் முழக்கம் எழுப்பப்பட்டது. ராமருக்கும் கிரிக்கெட்டிற்கும் என்ன தொடர்பு? இந்தியாவின் விடுதலைக்கு கிறிஸ்தவர்களும், முஸ்லீம்களும் போராடினர். ஆனால் ஆர் எஸ் எஸ் விடுதலைக்காக போராடவில்லை. 400 ஆண்டு காலம் நம்மை அடிமைப்படுத்தி ஆண்ட ஆங்கிலேயர்கள் பாஜகவினருக்கு நண்பர்களாக உள்ளனர். ஆனால் நாட்டின் விடுதலைக்காக போராடிய முஸ்லிம்களை எதிரிகளாக பார்க்கின்றனர். மகளிர் உரிமை குறித்து பேசும் திமுக மகளிர் நலனுக்காக என்ன செய்திருக்கிறது? நாம் தமிழர் கட்சியில் பெண்களுக்கு MLA, MP தேர்தல்களில் போட்டியிட சரி பாதி உரிமை கொடுத்துள்ளது. இது போன்ற திமுக செய்துள்ளதா? என கேள்வி எழுப்பினர். பெண்கள் ஓட்டு வங்கியை கருத்தில் கொண்டே இவ்வளவு காலம் நடத்தாத மகளிர் மாநாட்டை திமுக நடத்துகிறது என குற்றம் சாட்டினர்.
தமிழகத்தில் இலவசம் என்ற சொல்லே ஒழிக்கப்பட வேண்டும். வறுமை நிலை இல்லாது தமிழக மக்களின் வாழ்க்கைத் தரம் உயர வேண்டும். திரைத்துறை மொத்தமாக சிதைந்து போய்விட்டது ஒருத்தர் இரண்டு பேரும் கட்டுப்பாட்டில் ஒட்டு மொத்த திரையரங்கு உள்ளது. அதனால் முன்பு போல் 50 நாட்கள் 100 நாட்கள் எந்த ஊர் படமும் ஓடாது குறுகிய நாட்களில் அதிக காட்சிகளை திரையிட்டு தான் வருமானத்தை ஈட்ட முடியும்.. சிறப்பு காட்சியை தடுப்பதால் என்ன பலன் கிடைக்கப் போகிறது விஜய் படத்தை ஒரு வெளியிட்ட நிறுவனத்திற்கு வழங்கப்படாதால் பல்வேறு நெருக்கடிகள் கொடுக்கப்படுகிறது. காவல்துறை பணியில் இருப்பவர்கள் பாலியல் போன்ற குற்றச்சம்பவங்களில் ஈடுபடுபவர்கள் வேறு இடத்திற்கு மாற்றுகிறார்கள் தவிர அவர்களுக்கு தண்டனை வழங்கப்படவில்லை பின்பு எப்படி குற்ற சம்பவங்கள் குறையும் அதே தவறு மற்றொரு இடத்தில் தொடரும். இதைக் காவலர்களின் குற்றமாக பார்க்கவில்லை சமூகத்தின் குற்றமாக பார்க்கிறேன் என்றார்.
மீனவர்கள் தொடர்ந்து கைது படுவதில் இந்த தமிழக அரசு எந்த ஒரு நடவடிக்கையும் எடுக்காது நாங்கள் ஆட்சிக்கு வந்த பிறகு ஒரு மீனவர்கள் கூட கைது செய்யப்பட மாட்டார்கள் அப்படி கைது செய்யப்பட்டால் நான் கையெழுத்து இட்டுவிட்டு பதவியை ராஜினாமா செய்து விட்டு வெளியேறுகிறேன்.. மற்ற மாநிலங்களில் மீனவர்கள் கைது செய்யப்படுவதில்லை ஆனால் தமிழக மீனவர்கள் மற்றும் கைது செய்யப்படுகிறார்கள். அண்ணாமலையின் நடைப்பயணம் தற்பொழுது எதை நோக்கி செல்கிறது என்று தெரியவில்லை... நடையோ நட என்று நடக்கிறார் அதில் எவ்வித பிரயோஜனமும் இல்லை.. விகிதாச்சார அடிப்படையில் பிரதிநிதித்துவம் வழங்கப்பட வேண்டும் என்றார்.
தலைப்பு செய்திகள்
ட்ரெண்டிங் செய்திகள்
