ஊதிய உயர்வு ஒப்பந்தம் - தூத்துக்குடியில் துறைமுக தொழிலாளர்கள் ஆர்ப்பாட்டம்
1.01.2004 க்கு பின்னால் பணியில் சேர்ந்த தொழிலாளர்களை பழைய ஓய்வூதிய திட்டத்தின் கீழ் கொண்டு வர வேண்டும் ஆகிய பல்வேறு கோரிக்கைகளை நிறைவேற்ற வேண்டும் தொடர்ந்து பல்வேறு கட்ட போராட்ட இயக்கம்.
ஊதிய உயர்வு ஒப்பந்தத்தை உடனடியாக ஏற்படுத்த கோரி தூத்துக்குடியில் துறைமுக தொழிலாளர்கள் ஆர்ப்பாட்டம் நடத்தினர்.
தூத்துக்குடி பழைய துறைமுகம் முன்பு துறைமுக தொழிலாளர் ஊதிய உயர்வு ஒப்பந்தத்தை உடனடியாக ஏற்படுத்த வேண்டும், இரண்டு ஆண்டுகள் நிலுவையில் உள்ள போனஸ் பிரச்சனையை பேசி தீர்க்க வேண்டும், துறைமுகத்தின் காலிப் பணியிடங்களை நிரப்ப வேண்டும், துறைமுக சொத்துக்களை தனியாருக்கு விற்பனை செய்வதை கைவிட வேண்டும் என்பது உள்ளிட்ட கோரிக்கைகளை வலியுறுத்தி வ.உ.சி. துறைமுக லேபர் டிரஸ்டி பாலகிருஷ்ணன் தலைமையில் ஆர்ப்பாட்டம் நடந்தது.
அகில இந்திய நீர்வழி போக்குவரத்து சம்மேள பொதுச் செயலாளர் நரேந்திர ராவ், எச்எம்எஸ் சங்க தலைவர் முகமது ஹனீப், எச்.எம்.எஸ். டபிள்யூ ஆசிம் சூத்ரதார், ஏ.ஐ.டி.யு.சி சரவணன், ஐ.என்.டி.யு.சி பலராம், சி.ஐ.டி.யு. மாநில செயலாளர் ரசல், ஏ.ஐ.டி.யு.சி மாவட்ட செயலாளர் பாலசிங்கம், பாண்டி, எச்.எம்.எஸ்.டபிள்யூ கென்னடி, கிளிங்டன், எச்.எம்.எஸ். சத்தியநாராயணன், ஐ.என்.டி.யு.சி. ராஜகோபால், சந்திரசேகர், செல்வக்குமார், கனகராஜ், செல்வராஜ் உள்பட பலர் கலந்து கொண்டு கோரிக்கையை வலியுறுத்தி கோஷம் எழுப்பினர்.
பின்னர் அகில இந்திய நீர்வளி போக்குவரத்து சம்மேளனம் பொது செயலாளர் நரேந்திர ராவ் செய்தியாளர்களிடம் கூறியதாவது: 01.01.2022 முதல் அமல்படுத்த வேண்டிய துறைமுக தொழிலாளர் ஊதிய உயர்வு ஒப்பந்தத்தை உடனடியாக ஏற்படுத்த வேண்டும். இரண்டு ஆண்டுகள் நிலுவையில் உள்ள போனஸ் பிரச்சனையை பேசி தீர்க்க வேண்டும். துறைமுகத்தின் காலிப் பணியிடங்களை நிரப்ப வேண்டும். துறைமுக சொத்துக்களை தனியாருக்கு விற்பனை செய்வதை கைவிட வேண்டும், 1.01.2004 க்கு பின்னால் பணியில் சேர்ந்த தொழிலாளர்களை பழைய ஓய்வூதிய திட்டத்தின் கீழ் கொண்டு வர வேண்டும் ஆகிய பல்வேறு கோரிக்கைகளை நிறைவேற்ற வேண்டும் தொடர்ந்து பல்வேறு கட்ட போராட்ட இயக்கங்களை நடத்தி வருகிறோம். இந்த ஆண்டு இறுதிக்குள் இப்பிரச்சனைகள் குறித்து துறைமுக நிர்வாகம் மற்றும் மத்திய அரசாங்கம் தலையீட்டு தீர்வு ஏற்படுத்த வேண்டும். மறுக்கும்பட்சத்தில், தொழிலாளர்கள் சார்பாக பல்வேறு கட்ட போராட்டங்கள், ஆர்ப்பாட்டங்கள் நடைபெறும். அதேபோல் ஒரு நாள் அடையாள வேலை நிறுத்தம் என்பது அனைத்து துறைமுகங்களில் நடைபெறும் என்றார்.
ABP நாடு செய்திகளை சமூக வலைத்தள பக்கங்களிலும் பின் தொடரலாம்
தலைப்பு செய்திகள்
ட்ரெண்டிங் செய்திகள்
